2015/10/18

LEHENENGO ALDIZ SARE SOZIALETAN



Gaur arte ez neukan sare sozialik. Ezta bat ere!!!! Ezagunak bai, baina, besterik ez.
Facebook izan zen lehena, ezta? Orain dela 10 bat urte? Bada … nire lagun batzuk une horretan apuntatu ziren sare sozialera; ni, berriz, ez.
Ez naiz inoiz fidatu, edo, hobeto esanda, ez diot inoiz abantailarik atzeman. Desabantailarik bai, ez dakit zein puntutaraino nahi dudan niri buruzko informazioa zabaldu. Gainera, ikasleak direla medio, are gutxiago.
Harritu eta haserretu nau ikusteak erabat kontrolatua gaudela. Esate baterako, Twitter-en kontua sortu bezain laster telefonoan edo posta elektronikoan izandako kontaktuak agertu zaizkit zuzenean. Eta, kontaktuen artean  ikasle ohiena eta orain dela urte askoko ezagunak. Ez dakit… gehiegi da.
Ikusten denez, ez nabil oso baikorra. Ez nuen inoiz esango Facebook, Twitter eta holakoak izango nituenik!!! Egoera honetara moldatu behar…
Hala ere, seguru nago sare guztiei etekinik aterako diedala ikastaro honetan. Egon badaude gauzak eginak eta,seguru,  geuk ere ekarpen interesgarriak egingo ditugu.

1 iruzkin:

  1. http://hezkeh0506.blogspot.com.es/2015/10/lehenengo-aldiz-sare-sozialetan.html

    ErantzunEzabatu