2015/11/08

Genero indarkeria. Zergatik ote?

3. jarduera

Gai honen inguruan asko dago idatzita eta esanda eta hala ere ez da lortzen modu bat aurkitzea gertatzen ari den guztia ekiditea.

Oraintxe bertan entzun dut irratian famili bat aurkitu dela, bikotea hilda... ez zait bururatu agian istripu bat suertatu dela etxe horretan, berehala pentsatu dut genero indarkeria izango zela. Eta bai, horrelaxe izan da. Esan dutenez gizonak tiro bat bota dio bizkarretik eta gero bere burua hil du...
Terrible iruditzen zait eta era berean lokutoreak dena kontatu du oso normala izango balitz bezala. Baina, horrela da entzun egiten dugu. Ohitu egin gara.

Gomendatzen dizuet Isabel Coixet-ek duela urte batzuk egindako laburmetraia, gogorra da eta hunkigarria ere, baina merezi du:

Egia da neurri asko hartzen direla, baina egia da ere munduan zehar milioika emakume genero indarkeria sufritzen dutela emakume izateagatik.
Genero indarkeria gizartearen arazo bat bezala ulertu behar da eta ez emakumeek duten problema baizik.

Bitxia da zifra ofizialetan Espainian, 2015 urtean berrogeitarat direla, baina ikusgarria da zenbat benetako biktima dauden:

Eta bueltaka, bueltaka, burura etortzen zaizkit gazteak. Nola bizi dute beraiek? Ikerketa askoren araberan genero estereotipoak erabat barneratuak dituzte eta mantentzen dira:
  •  Nesken %28a “gizon oldarkorrak erakargarriagoak dira” esaldiarekin ados dago (mutilen %34a). 
  • Nesken %10a eta mutilen %33a ados dago baieztapen honekin: “mutil bat neska batzuekin ibiltzea ondo dago, baina ez alderantziz”

Mutilak neskak baino gehiagotan ados agertzen dira jarrera erasotzaileekin, indarkeria bera justifikatzen dutelarik. Eta mutilen %33k onartzen dute bikotea kontrolatzea normala dela.

Neskak berriz, %28ak aitortu egiten du bikotekidearen kontrolpean dagoela.
Beraz, gero eta garbiago dago sozializazio prozesuaren bidez ikasten ditugula generoengatik ezarritako rolak eta hauen barruan estereotipoak. Prozesu honetan kontzeptualizazioa eraikitzen joango da.
Honekin guztiarekin ikasi egiten da indarkeria justifikatzen eta emakumeen gaineko begirada negatiboa (Marcela Lagarde).

Bestaldetik istorioak, telebistak, filmek, ... maitasun erromantikoaren eredua ematen digute: Bikote bakarra, heterosexuala, gizona indartsua eta boteretsua. Emakumea berriz, ahula, hipersexualizatua eta gizonaren menpe:


Indarkeria mota askotakoa izan daiteke: kulturala, estrukturala eta ideologikoa. Baina identifikatzea, askotan oso zaila da oso errotua dagoelako gizartean.

Aipatzekoa indarkeria sinbolikoa, hau da sinboloen bitartez eragiten duena. Honen bidez biktimek beraientzat onak ez diren  jarrerak onartzen dituzte: patroi estereotipatuak, mezuak, ikonoa eta abarrekoak zeinek dominazioa, desbedinkeria eta bazterkeria transmititzen den.

 
Guzti honen aurrean ezin dugu pentsatu ezer egin gabe gaindituko diral arazo guztiak. Horregatik irakasleriak sentsibilizatu eta prestatu egin beharko du bere ikasleekin gai honen inguruan hitz egin, hausnartu eta hainbat prebentzio programak martxan jarri ahal izateko.


Egia esan, adituek esaten duten bezala berdintasunaren alde egiten dugun guztia indarkeria prebenitzeko bidean jartzen gaitu.

Bide honetan gizonak eta mutilak zaindu behar ditugu. Ulertu beharko dute feminismoa ona dela beraientzat. Behin eta berriz esan behar dugu genero indarkeria gizon eta mutil gutxi batzuk egiten dutela, baina beste guztiok, gizon zein emakume, ez badugu eze egiten ekiditeko konplize izango garela. Hau da maskulinotasun berriak eraikitzen lagundu behar ditugu.
Gai honetan oso interesgarria da Emakundek egindako txostena:












iruzkinik ez:

Argitaratu iruzkina