2016/03/06

INDARKERIA MATXISTAREN INGURUAN HAUSNARTZEN

Indarkeria matxista, emakumeok emakume izateagatik bizi dugun indarkeria da. Indarkeria, eremu guztietan gertatzen da. Norberak ezberdin sentitzen baditugu ere emakume GUZTIOK pairatzen dugun fenomenoa da.
Betidanik jasan izan dugun zapalkuntza da, mundu osoan zehar ematen da, kultura, adin, gaitasun ekonomiko eta jakintza maila anitzetako emakumeok jasan dezakegu.
Sistema patriarkalaren adierazpide bortitzena da indarkeria eta maila eta intentsitate ezberdinetan agertzen da: irain edo begirada xume batetik erailketetaraino.
Genero estereotipoei lotutako emakumeen ezaugarriak erakusten dituen edozein pertsona indarkeria matxistaren objektua izan daiteke. Maskulinitate hegemoniko ereduari jarraitzen ez dioten gizonek, agindu heterosexual normatiboa betetzen ez duen edonork, edota sexu zein genero dikotomiak zalantzan jartzen dituzten pertsonek ere indarkeria matxista jasaten dute.
Indarkeria mota ezberdinak daudela ikusi dugu: sotilak edota esplizituak. Ikusteko zailak direnak nahiz begi bistan errekonozitzen direnak.
Azken hamarkadetan mugimendu feministak lan asko egin du indarkeria matxistaren aurka. Izan ere indarkeria matxista arazo politiko bat da, guztion ardura da errotik desagerraraztea.Gizonek ere beren erantzukizuna eta inplikazioa izatea ezinbestekoak dira borroka honetan.
Zentzu horretan, indarkeria matxistarik gabeko jendartea sustatzeko, beharrezkoak izango ditugu, batetik gizonekin maskulinitate berriak eraikitzea eta bestetik emakumeekin autodefentsa feministari ekitea.
MSKULINITATE BERRIAK
Zer da gizontasun hegemonikoa? Gizonak bere identitate maskulinoari balioa emateko jarrera.
Gizon eredu tradizionaletik ihes egin nahi duten gizon taldeak sortu dira azken urteetan. Ibon Arrizabalaga de Mingok horrela dio:
pribilejioek ez gaituzte zoriontsu egiten. Gizonok bizitza errazagoa dugu, baina ez hobea. Hurbiltasun fisikoaz gozatu ahal izatea, seme alabekiko harreman estua, gure emozioak ezagutu eta gozatzea... Hori dena daukagu irabazteko. Beste pribilejioak besaulkitik altxa eta benetan guretzat ona den zerbait egiten dugunean? Hori txertatu behar dugu jendearen bizitzetan”
ez dut uste gizonak berez matxistak garenik, halakoak egin gaituztela uste dut. Beraz nahikoa da eraikuntza desegitea, ez da gauza berririk asmatu behar. Kendu armadurak eta izango gara izan behar duguna. Eredu guztiak eredu izango baitira eta ondorioz, benetako pertsonak bertan kabitu ahal izateko zurrunegi. Bai emakumeentzat, bai gizonentzat. Bi askapenak paraleloki ulertzen ditut”
AUTODEFENTSA FEMINISTA
Autodefentsa feminista emakumeen kontrako indarkeri kasuei aurre hartzeko tresna da. Emakume askeak eta autonomoak formatuz, gure buruarengan dugun ziurtasuna handituz eta gure gaitasunetan sinestuz.
Autodefentsa feminista diogunean, ez da defentsa pertsonalerako teknika multzoa bakarrik, indarkeriaren arrazoietara jo eta honekin amaitzeko beharrezko den jokabide, jarrera eta tresna multzoa baizik. Autodefentsaren bidez aurrera egin dezakegu, gure auto-estimua indartu egiten da eta jendartean ezarrita dauden generoaren araberako rolen inguruko kontzientzia edota esnatzea suposatzen du. Sistemak egunerokotasunean nola erasotzen gaituen garbi ikusten laguntzen digu. Auto-estima ziurra izatearekin zerikusia dauka, gure burua maitatzearekin, errespetatzearekin eta jendeari behar denean limiteak jartzen jakitearekin. Jarrera matxistak ez onartzeko gaitasunaren garapena da.
Landu beharreko erronkak:
-Mutilekin berdintasuna lortzeko lanean, gizonek ere parte hartzea eta gizonezkoa izatearekin zerikusia duten gaiak lantzea:
  • Sexuen arteko ezberdintasunei buruzko informazio eta kontzientziazio jarduerak antolatzea gizonezkoentzat
  • Gizontasunari buruz hausnartzeko espazioak sortzea
  • Erantzunkidetasuna bultzatzea
  • Mutil izateko eta harremantzeko erak eta moduak sortu, zabaldu
-Neskekin autodefentsa feminista landu .Emakumeak ahaldundu:
  • Esperientzia ezberdinak partekatuz, indarkeriarekiko ditugun bizipenak konpartitzea eta biltzea
  • Elkar entzutea eta gure beldur eta emozio anitzei buruz lasai hitz egiteko tartea eskaintzea
  • Indarkeriaren definizioan sakontzea, nolabait, indarkeria egoera zein eraso ezberdinen identifikazioa eginez
  • Autodefentsaren inguruan hitz egitea, autodefentsaz ulertzen duguna komunean jarri eta erasoei aurre egiteko estrategiak lantzea
  • Erantzuna. Alternatibetan eta estrategietan sakontzea. Indibidualki, norberak martxan jarri beharrekoa zein kolektiboki eraiki beharreko erantzunak, dinamikak eta alternatibak pentsatzean datza. Nola ekin.
 Amparo Tome: Nola gainditu ikasgeletako sexismoa  
Bukatzeko, apirilaren 9an indarkeria sexistari aurre egiteko zita garrantzitsua dugula esanez amaitu nahiko nuke aste honetako hausnarketa



https://www.youtube.com/watch?v=uhORfaN0B7Y

iruzkinik ez:

Argitaratu iruzkina