TRATU ONEI BURUZ HAUSNARTZEN

Aste honetako gaia “Harremanak” da, alde positiboa kontutan harturik (gatazkak eta biolentzia alde batera utzita).

Pertsonen arteko harreman-dimentsioa bezain garrantzitsua da pertsona barrukoarena. Elkarbizitza honen kalitate mailak erakutsiko du bizipenen ondoriozko emozio, sentimendu eta ideiek osaturiko oinarria; hauek, hain zuzen ere, pertsonen arteko eta inguruarekiko ditugun harremanen kalitatean eragin zuzena izango dute.

Amaia Portugalek idatzitakoa oso interesgarria: Garunek ez daukate generorik

Hala egiaztatu dute, Daphna Joel Tel Aviveko Unibertsitateko ikertzaileak zuzendutako nazioarteko lan batean. Garun askoren eskanerrei erreparatuta, ikusi dute badaudela gizonen artean gehiago errepikatzen diren ezaugarri batzuk, bai eta emakumeen artean maizago agertzen diren beste batzuk ere. Ez dago, ordea, sexuak baldintzatutako patroi bat eta bakarra; ez dago garunak, besterik gabe, bi generoren arabera bereizterik. 

Neurozientzia azken urteetan sakonki ari da aztertzen nerbio-sistema eta jokaeraren arteko harremanak.

Neurociencia y educación: ¿cómo se puede aprender mejor? Artikulu interesgarri honen ideiak:

¿Cómo aprendemos? ¿Qué es lo que hace que el aprendizaje sea significativo para nuestro cerebro? A éstas y otras muchas preguntas puede dar respuesta la neurociencia, un interesante punto de vista para la forma en que educamos, ya que se encarga de estudiar el funcionamiento de la mente y de qué forma se crean nuevas conexiones entre neuronas cuando aprendemos cosas nuevas.

Emozioek berebiziko garrantzia dute, sailkatzeko etiketek ez dute balio, zentzumen anitzeko esperientzien indarra eta ikastea gorputz osoarekin lotuta dagoela.

Elkarbizitza positiboaren onurak aipatzen dira testuan:

• Eskolako komunitate-kide bakoitza (ikasleak, irakasleak, familiak eta AZP) bere identitatearekin gustura egotea, diren bezalakoak onartuak sentitzea, gainerakoak baloratzea.
• Neska zein mutil-ikasleen konpetentziak pertsona osoak bezala garatzea, eremu pribatu zein publikoan erraztasunez moldatzen direnak, hauen garapen pertsonal eta soziala paraleloan sustatuz, bizi-proiektu propiodun pertsonak izatea, hartu-emanetan berdintasunez, elkartasunez eta askatasunez aritzen direnak, gure munduaren hobekuntzaren aldeko konpromisoa erakutsi eta esku hartzeko prest agertzen direnak.

Hezkuntza-zentroetan kalitatezko elkarbizitzak sustatzen du:

• Eskolako agente guztien ongizatean oinarrituriko kultura.
• Maila guztietan dominazio-menekotasun paradigmaren erreprodukzioa gainditzen duen hezkuntza-zentroaren estruktura.
• Nor bere buruarekin zein besteekin harreman positibo eta aberasgarriak.
• Elkarren arteko arduran eta inguruarekiko konpromiso pertsonal eta sozialean oinarrituriko harremanak.
• Bake eta indarkeria-eza kultura.

Oso baliogarria Arremanitz-ek egindako erreflexioa, eskoletan kontutan hartu beharrekoa:

“begira diezaiegun benetan ditugun aurreiritziei, nola tratatzen ditugun mutilak eta nola neskak, zein estereotipo ditugun guk geuk gizon edo emakume garen heinean, bertako edo kanpoko, heldu edo gazte … Horretaz jabetzeak aukera ematen digu gure harremanetan eragiten duten aurreiritzi horiei guztiei aurre egiteko eta tratu onak bideratzeko.

Eta ondoren Mari Jose Urruzolak gomendatzen dituen iradokizunak: Nor bere buruarekin harreman ona izateko, besteekin, lagunak eta senideekin, ikastetxekoekin eta bestelako bizidunekin, objektuekin eta inguruarekin.

Egokia iruditu zait atal berezi batean jartzea Maitasunezko tratu onak, benetan beharra dagoelako espezifikoki lantzeko. Orain arte ikusi dugun zenbait gai (maitasun erromatikoaren mitoa, sexu-genero sistema, genero-indarkeria…) aztertu eta gero iritsi da momentua maitasunezko harremanetan tratu onak zer nolakoak diren ikusteko. Horretarako Nafarroako Gazte kontseiluak egindako proposamena azaltzen da gaian.

Bolibian egindako kanpaina oso adierazgarria.

Tratu onak sustatu eta denboran zehar irauteko elkar ardura, korrespontsabilitate edo erantzunkidetasuna izan daiteke oraindik benetan heldu beharreko gai bat.

Testuan jarrita dagoen testuan oso ondo jasotzen da honen kontzeptuaren barruan dagoena:

Gaur egungo egoera zein den ondo ezagutzeko aipatzen diren iturriak oso egokiak direla uste dut: Emakunde, EUSTAT… eta aipatzen diren proposamenak, programak; M.Morenorena adibidez “Hamabostaldi bateko erronka” edo Errioxako Gobernuak argitaraturiko Tratu onen aldeko programa…

Zaintzak kutsu negatiboa duela dirudi, hitzak berak “zama” adierazten duela, inork bere gain hartu nahi ez duen zerbait. Jendeak, ordea, beti zaindu izan du elkar eta ardurak hartu ditu taldean: “Umeak zein nagusiak zama bilakatu zaizkigun honetan, zaintzak askorentzat adierazten duenari buelta eman nahi diogu, balio positiboa eman, eta zaintzarik ezean guztiok hil egingo ginatekeela transmititu”.

“Mundua mugitzen duten langile ikusezinak” artikulua interesgarria iruditu zait. Zaintza lanak egunerokoan ezinbestekoak badira ere, lan merkatutik eta estatistiketatik kanpo daude. Ekonomia feministak pertsonen ongizatea jarri nahi du gizartearen erdigunean, kapitala alde batera utzita.

«Zaintza lanak bizitzaren ugaltzearekin zerikusia duten lan guztiak dira, hala nola bazkaria eta erosketak egitea, arropa garbitzea, gaixoak zaintzea, umeak eskolatik jasotzea eta etxeko lanak egiten dituztela ziurtatzea», azaldu du Paca Robles Arabako Emakumeen Asanbladako kideak. Lan horiek beharrezkoak dira egunerokoan, baina, aldi berean, erabat ikusezinak eta prestigiorik gabeak direla dio Roblesek. «Emakumeek zaintza lanak euren gain hartu dituztenez, estatuak ez dira inoiz arduratu nagusiez, umeez eta gaixoez». Horrenbestez, Roblesek ziurtatu du ezkutuko lan horiek gabe gizarteak ezingo lukeela aurrera egin.

Onintza Iruretak aitek eta zaintzaren inguruan egiten duen hausnarketa asko gustatu zait:

http://www.argia.eus/argia-astekaria/2464/aitatasuna#gehigarria-edu-portilla-najera

Ikastetxean/jendartean lantzeko erronkak?

Hezkuntza-sistema hezkidetzailearen ardatz bat izango da ikasleek harremanak era parekidean eraikitzeko konpetentziak gara ditzaten laguntzea, honako hau sustatzeko:

• Indarkerian eta dominazio-mendetasun parametroetan oinarrituriko pertsona barruko zein pertsonen arteko harremanak bultzatzen dituzten ereduen analisi kritikoa.
• Elkarbizitza eta pertsona barruko zein pertsonen arteko harreman positiboen eraikuntza.
• Pertsona bere osotasunean begiratu behar dugu, eta norberak nahiz besteek izan ditzaketen aurreiritziak identifikatzen eta pertsonaren identitatearen inguruan sortzen diren estereotipoen inguruan kontzientzia hartzen saiatu eta baita pertsonei arreta eskaintzen ere.
• Maitasunezko tratu onak eraikitzeko “maitasun erromantikoa” aztertu eta desikasi beharra dago. Zeloetan, dependentzian, ezberdinkerian, indarkerian eta sufrimenduan oinarrituriko harreman toxikoen ordez MAITASUN OSASUNTSUA sustatzen duten harremanen alde egin.