2016/03/10

TRATU ONEI BURUZ HAUSNARTZEN

“Harreman” kontzeptuak, pertsonen arteko dimentsioa eta inguruarekin ditugun erlazioaz gain  pertsonen barrukoa ere adierazten du;  norberak bere buruarekin bizitza osoko une bakoitza biziko baitu eta elkarbizitzaren kalitate mailak bizipen ondoriozko emozioa, sentimendu eta ideiek osaturiko  oinarria izango dute, pertsonen arteko eta ingurugiroarekin sortzen diren harreman kalitatearekin lotura zuzena izango dutelarik.
Garrantzitsua beraz, indarkerian eta dominazio-mendetasun harremanekin amaitzea eta elkarbizitza eta pertsona barruko zein pertsonen arteko harreman positiboa eraikitzea, elkarbizitza positiboa sortzea, hau da, nork bere buruarekin zein besteekin harreman positibo eta aberasgarriak izatea sustatzea.
Tratu onak dira ongizatearen oinarri eta hauen lanketa nork bere buruarekin, besteekin eta ingurugiroarekin alderdiak biltzen ditu. Maitasunezko pentsamendua gure jendartean erabat baldintzatuta dago harremanak eta tratu onak maitasun erromantikoaren mitoaren deseraikitzera garamatza gainera, maitasuna, amodio erromantikoa eta bikotea baino gehiago da: bizitzeko modu bat da.
Amodio osasuntsuaren ezaugarriak:

- Maitasun-eredu bakarra gainditzen du.
- Begirunea, independentzia eta askatasuna sustatzen ditu.
- Asertzio-komunikazioa du oinarri.



Erantzunkidetasuna edo elkar-ardurak norberak talde batean  ardurak konpartitzeko hartzen duen erabakia da eta tratu onak sustatu eta denboran zehar iraunarazten ditu.
Elkar-ardura eta elkarlanaren kalitatearekin zerikusia du, denboraren erabilera parekideak, etxeko-lanak eta zaintza-lanak era parekidean konpartitzeak eragin handia izango luke emakume eta gizonen berdintasunean. Zaintza-lanik gabe ezin izango genuke bizi-kalitaterik mantendu.


1994. urtean martxan zeuden Hezkidetza Mintegiek “Elkar ardurako Hezkuntza” liburuxka bat argitaratu zuten. Hauxe izan zen adosturiko definizioa: 




Nerea Mendizabalek dioen bezala ezin  dugu harremanengandik ihes egin  gertatzen zaigun edozein gauza harremanekin lotuta baitago.



Hori dela eta, harremanak zaintzea eta tratu onak sustatzea ezinbesteko lehentasuna gure ongizaterako!





Ikastetxean tratu onen alde lantzeko erronka batzuk hauek izan daitezke:

  • Tratu onak harremanen ardatza bihurtzea.
  • Hizkuntza hezkidetzailea erabiltzea.
  • Autoezagutza , autoestimua eta errespetua garatzeko estrategiak eskaintzea.
  • Autozaintza, elkarzaintza eta zaintzaren garrantziaz jabetzea.
  • Lanak berdintasunean banatzearen zentzua sustatzea.
  • Maitasun erromantikoaren mitoa deseraiki eta maitasun osasuntsuaren alde egin.







iruzkinik ez:

Argitaratu iruzkina