Errepresentazioa eta denboraren erabileraren inguruan hausnartzen

Gai honen inguruko hausnarketa egiterako garaian, hainbat aspektu nabarmenduko nituzke: espazioa kaleetan, espazioa hezkuntza eremuan eta espazioa ikus entzunezkoetan. 

Ezinbesteko garrantzia du kale izenetan emakumeak agertzeak, horrek eragina du memoria sozialean eta heziketan.

Oso garrantzitsua da hezkuntza eremuan ematen diren espazio banaketak birplanteatzea: bai patinan baita komunetan ematen diren banaketak birdefinitu beharko lirateke ikasleen garapen berdinkiderako elkarbizitza-espazio egokiak izatea nahi badugu.

Oso garrantzitsuak dira sarean biderkatzen ari diren emakumeen eta gizonen errepresentazio ez estereotipatuak bistaratzeko saiakerak, pentsaera kritikoa eta salaketa zuzenak ahalbidetzeko hautuak, interakzioa eta partaidetza zuzena bilatzen eta sustatzen dutenak. Sistema patriarkala zalantzan jartzen duten ahots anitzetara iristeko eta norberarena hedatzeko aukerak erraztu eta zabaldu dira teknologia berriei esker.

Iazko ikastarokideen ekarpenak irakurriz, Edurneren sarrera gomendatzen dizuet: Errepresentazioa eta denboraren erabilera.

Sentsibilizaziorako interesgarria izan daitekeen berri bat aipatu beharko banu, honakoa aurkeztuko nuke: lehengo urteaz geroztik, New York-en komunak ez dira gehiago sexuaren arabera banatuko. Edozeinek, edozein komun erabiltzeko aukera izango du. Emakume/ gizon binarismoa apurtzeko eta genero- marka deseraikitzeko balioko dute komun neutro hauek. Oraindik geratzen zaigu zer ikasia:

 Komunek ez dute genero bereizketarik izango New Yorken

Eremu hezitzaileetan/jendartean lantzeko erronkak, besteak beste:

-Ikasleei kontsumitzen dituzten entretenimendu bisual desberdinetan sexu- genero estereotipoak zalantzan jarri eta deseraikitzeko ikus- entzunezko alfabetizazioa eskaintzea.

-Eredu berdinkideagoak, anitzagoak erakusten dituzten ikus- entzunezko ekoizpenak bistaraztea.

-Desberdinkeriak identifikatzea, aldaketetarako bideak irekitzeko.

-Ikastetxeetan, espazio desberdinen okupazioa eta diseinua aztertzea neska/ mutil binarismoa ezabatzeko.

-Herrietan, kaleen izendegiak aztertu eta emakumeak bisibilizatzea.

-Hedabideetan irudi eta eduki sexistak ezabatzea.