2019/02/18

Identitateak!









Aurreko ikasturteetako post batzuk irakurri ondoren honekin geratzen naiz, hasieratik gustatu zait izenburua irakurtzean, Glaukoma taldearen Gure kaiola abestiaren zatia baita. Gainera, bertan, bi sexuen prozesu-garapena egiten du, baita hirugarren sexu bat eskatu, Podemos-en eskaera aipatuz. Jarraian, etorkizunaz hitz egiten hasten da, gaur egungo umeak aniztasun sexualaren inguruan hezitu behar direla.

Heziberri 2020 aztertu ondoren esaldi hau aipagarria edo azpimarratzekoa iruditzen zait: "Emakumeei eta gizonei esleitutako portaera-eredu soziokulturaletan oinarrituta eraiki diren sexuaren araberako aurreiritziak, estereotipoak eta rolak ezabatzea, sexu bateko zein besteko ikasleei beren buruak erabat garatzeko aukerak eskaintze aldera”.

Dena ondo joateko, lehen pausua, curriculumean idatzita egotea da, baina horrekin ez da nahikoa. Baliagarria izateko martxan jarri behar da, eta hau prozesu bat da, egun batetik bestera ezin dena aldatu. Horregatik, aurreiritziak, estereotipoak eta rolaz ezabatzeari garrantzia eman behar zaio, eta honela ikasle guztiak aske hezi eta haziko dira.


Nire inguruan, pentsatzen dut edo pentsatu nahi dut, genero-identitatearen inguruan aldaketak edo aurrerapenak egon direla, baina, oraindik lana dago eta gauza asko ditugu desikasteko. Gainera, gai honi buruz informatutako jendeak badaki, baina besteek oso gutxi, orduan konturatzen gara nahi duenak dakiela eta besteeri berdin zaiela edo ez diotela garrantzia handirik ematen. Desikasitako hainbat adibide aipatuko ditut: bi genero baino gehiago daudela, generoa eta orientazioa sexuala ez dela gauza bera, generoa sexu biologikoarekin ez dagoela lotua…

iruzkinik ez:

Argitaratu iruzkina