Iazko blogetik, Patricia Oregiren post-a aukeratu dut.
Identitatearen garapenean eragina duten faktoreetaz hitz egiten du. Gainera
aurkezten dituen bideoak eta irudiak interesgarriak dira. Bukatzeko azaltzen
digun esperientzia pertsonala oso aberasgarria dela esango nuke.
Heziberri 2020 inguruan, esaldi hau azpimarratuko nuke:
"Emakumeei eta gizonei esleitutako
portaera-eredu soziokulturaletan oinarrituta eraiki diren sexuaren araberako
aurreiritziak, estereotipoak eta rolak ezabatzea, sexu bateko zein besteko
ikasleei beren buruak erabat garatzeko aukerak eskaintze aldera”.
Baieztapen hauek idatzita egon
behar dira, noski, baina ezin gara baieztapen hutsean geratu; badakigu, paperak
dena eusten duela.
Argi dago proiektu eta ekimen asko
daudela gai honen inguruan, baina, betiko lez, pausuak oso txikiak dira.
Nire inguru hurbilean, denetatik ikus daiteke. Alde batetik , eta modu
teorikoan, pertsona askoei entzuten diet mezu progresistak erabiltzen, baina,
bestaldetik, egunerokoan, eta bapatekotasunak agintzen duenean, konturatzen
zara gauzak ez direla asko aldatu. Azkenean, egoera agertzen denean, inguru
hurbilean, telebistan, wasapean…, oraindik ere betiko komentarioak entzuten
dira.
Badaukat, nire
ikastetxeko esperientzia bat: pasaden ikasturtean, ikasle batek, sentitzen
zuena, normaltasunez zabaltzea erabaki
zuen. Jaiotzez mutila izan bazen ere, bera neska sentitzen zela. Horretarako,
bere tutorearekin hitz egin zuen. Gero zuzendaritzarekin batera erabaki bat
hartu zen. Gela guztietatik pasatu zen, zuzendaritzaren laguntzaz, nahi zuena azaltzeko. Izen aldaketa kontatu
zuen ere bai.
Salbuespenak-salbu
(gutxi), egoera naturaltasunez hartu da.
iruzkinik ez:
Argitaratu iruzkina