Gatazkak positiboki hezkidetza ikuspegitik

Aste honetako Gatazkak eta trataera hezkidetzailea gaiak oso gustuko dudan gaian murgiltzea ekarri dit. Gatazken ahalmen positiboan sinisten dut baina beti ere gatazkan dauden pertsonek hauek tratatzeko, kudeatzeko dituzten trebetasunetan. Izan ere, eta hori da ekarpen honetan azpimarratu nahiko nukeena gatazkak askotan persona guztiak ez daude egoera parekidean eta horrek berak sor dezake tratatzen zaila edo ezinezkoa den gatazka.

Konturatu naiz hezkidetzak bizikidetza positiboan izugarrizko ekarpena egin duela:

Feminismoak, orokorrean, alternatiba etiko-politikoa den aldetik eta gatazken trataeraren ikuspuntutik kultura-aldaketarako proposamen interesgarriak egiten dizkigu. Eskoletako genero-indarkeriaren inguruan egin diren hainbat ikekertek gatazkak eraldatzeko irizpideak aberastu dituzte:

1)Injustizia baten aurrean, tartean pertsonak daudela garbi izatea.

2) Oreka ekologikoa bilatzea: naturarekin eta gorputzarekin errespetu-harremana.

3) Ezagutza eta esperientziaren (intuizioa, irudimena) arteko dikotomiak sostengatzen duen zientziaren ikuspegi mugatuarekin apurtzea.

4) Adimena-gorputza, pentsamendua-sentimendua … dikotomiak apurtzea.

5) Gatazketan gure aurrean duguna eta sexua, etnia edo klaseagatik objektu bihurtutakoa, subjektu eta pertsona gisa ikustea.

6) “Irabazle-galtzaile” eskema eta antolakuntzarekin apurtzea.

7) Gizarteratze prozesuetan feminitate eta maskulinitate anitzak kontuan izatea.

8) Hezkuntza eta heziketa kontzeptua aldatzea, garrantzia ematea adimen-garapenari zein emozio-garapenari.

9) Maskulinitate hegemonikoaren baitan dagoen gizakion independentzia ulertzeko modua aldatzea eta gizakion elkarrekiko beharra sendotzea.

Aurreko edizioetako ikastarokideek egindako posten artean Leire Garroren  Hezkidetza gabe ez dago bizikidetzarik aukeratu dut bere izenburuak erakarri nau lehenik eta bere ekarpen aberatsek ez ezik, amaitzeko erabili duen MarianMorenoren esaldiak:

" No existe la convivencia sin coeducación, la perspectiva de género y la
educación para la igualdad nos ayuda a sentar unas bases sólidas para una convivencia en paz y en igualdad que nos permite ser más felices. De ahí la importancia de abordar de forma sistemática y transversal la formación del profesorado en coeducación"

Gai honek hezkuntzan duen garrantzia erakusteko honako baliabide hauek  gomendatu nahiko nituzke:

https://www.mugarikgabe.org/viajandoporloinvisible/eu/gatazkak/

https://issuu.com/gernikagogoratuz/docs/elkarrizketarako_eta_eguneroko_gata

Gatazken trataerarako kultura positiboa hedatzeko, Isabel Fernández-ek bost eremu aipatzen ditu:

Eta eremu guztietan gatazken trataera hezkidetzailean lau ardatz-kontzeptu zeharkatuko ditugu:

● Botere eta lidergo partekatua.

 ● Jarreren birziklapena.

● Aniztasuna.

● Justizia zein etika. Eskubide eta beharrak

Beraz hauek lirateke erronka nagusiak:

-          Generoak eta sexuak gatazketan duten eraginaz kontzientzia hartu

-          Gatzakak tratatzeko erabilgarriak diren konpetentziak eta edukiak sentimenduak curriculumean txertatu: sentimenduak eta balore afektiboen inguruko hausnarketa..

-          Banakako tutoretza, alderdi pertsonalak kontuan izan

-          Partaidetza: guztien behar eta interesak adierazteko guneak

-          Antolakuntza ez hierarkikoa: arauekin kritikoak.

Paco Cascónen ideiekin bukatu nahiko nuke eta gatazkekin positiboki elkar bizitzeko bere ideia eta tresnekin: