ZER DA HEZKIDETZA ?

Hezkidetza zer den erantzuteko nire irakasle izan zen Mª Jose Urruzola hitzak adi entzun eta ulertu behar ditugu. Askotan, guk irakasleok berak egiten dizkiguten galderei erantzuna eman beharko genuke:

Garrantzitsuena, nire ustez hauxe da, ea beste gizarte eta pertsona eredu bat eraiki nahi dugun edo ez. Guzti hau nik beti lotu dut eskubidearekin, pertsonak izateko eskubidearekin, genero  bakoitzak dauzkan baloreak eta jakinduriak hartuz.  Hau izan daiteke nire hezkidetzaren definizioa.

                Arestian aipatu dudan ildotik jarraituz, nire inguru hurbilean zein urrenean hezkidetza lantzeko aipatuko nituzke bost arrazoi garrantzituak hauexek izan daitezke: justizia lortzeko, pertsonak izateko eta elakrrekin bizitzen ikasteko, aniztasunari erantzuteko askeago izateko eta guztiei baloratzeko.

                Hezkidetza islatzen duen esaldia, 1993ko otsailak 25eko Euskal Eskola Publikoaren Legediatik hartu dut; oinarria delako  eta berarengandik beste dekretu, aginduak eta planak sortzen direlako aukeratu dut. I. idazpuruan, Euskal eskola publikoaren hastapen orokorrak eta helburuen barruan, Ematen den heziketaren hezkidetzasuna ziurtatzea aipatzen da. Argi dago nahiz eta 25 urte pasa eta gero helburua hau lortzeko bidea dugula. Eskola gizartearen zati bat dela badakigu eta oraindik gure gizartea guztiz androzentrista dela ere bai. Irakasle askok jaso dugun eredua hauxe da eta nahiz eta indarrean dagoen paradigmatik aldentzeko saiakera asko egin, nahi gabe, barneratuta daukagun aspektu batzuk curriculum ezkutuan agerian daude. Aipatzeko, hizkuntza eta denboraren erabilpena aipatuko nuke. Ikastetxe batzuetan erregistroak egin eta gero konturatu gara nola, nahi gabe , mutilei denbora gehiago ematen genuen nahi zutena adierazteko.

                Nire esparruan, hezkidetza dela eta, bai ikusten ditudala aurrerapenak: gero eta ikastetxe gehoagotan formazioa saioak egiten ditugu, gaiaren inguruan aburu, idei eta proposamen desberdinak agertzen dira, lan egiteko prest dauden taldeak (neska eta mutil gazteen artean elkarrekin ere) taldeak sortzen ari dira, …    

                Hau ez da bakarrik feministen borroka. Aintzindariak feministak izan ziren, baina hezkidetzarekin denok irabazten dugu. Hesiodok  (Grezia, k.a. 700) esan zuen bezala,  heziketak pertsonari izateko gai dena izatera laguntzen.