Nor eta zer izan aukera

Pertsonak dena izateko eta nahi duena egiteko aukera anitzak ezagutarazteko hezkuntza dugu erro nagusia.

Heziberri 2020k oinarrizko konpetentziak Curriculum formalean zein ezkutuko curriculumean hezkidetzaile eran garatzeko abiapuntua ezartzen digu. Beraz, genero ikuspegitik ikertu, pentsatu eta planifikatzea funtsezkoa da orientazioa bideratzean.

Errealitatean pertsonen arteko gizartaratze prozesuan desoreka handia eta genero-arraila mantendu arren, pausoz pauso berdintasunerantz abiatzen garela argi dago.

Hezkidetza ezinbestekoa da generoa sozializaio-prozesu osoan orekatzeko, egokitzeko, konpentsatzeko eta neutralizatzeko.

Tutoretza eta orientazio hezkidetzailea bermatzeko aspektu batzuk, besteak beste, barne doazela egiaztatuko dugu:

• ·      Neska/emakumeen ahalduntzea sustatu
• ·      Pertsonen errepresentazioa orekatu, identifikazio-eredu berriak
• ·      Afektibitatea
• ·      Elkar-ardura eta zaintza
• ·      Identitate eta bizitza eredu anitzak
• ·      Lanbiderako orientazioan irudi ez estereotipatuak
• ·      Hizkuntza hezkidetzailea
• ·      Parte hartze parekidea

Ikastetxean aurrera egiteko Hezkidetza Plana dugu irizpide orokorrak ezartzen dituena. Eskola Komunitate osoko kide guztien oneritzia jaso ondoren parte hartze maila eta inplikazioa funtsezkoak dira adierazitako helburu nagusira hurbiltzeko.

Haur eta Lehen Ikastetxean Tutoretza Plana diseinatzerakoan ahaztu ezinezkoak dira:

• ·      Heziketa afektibo-sexuala
• ·      Autozaintza eta pertsonen zaintza
• ·      Elkar ardura
• ·      Heziketa emozionala: emozio eta sentimenduen mundua
• ·      Hizkuntzaren trataera: hizkera ez sexista
• ·      Partaidetza eta botere espazioak
• ·      (…)

Eta NAHIKO! Proiektua zein Pentazitatea euskarri gomendagarriak dira bidea egiten zuzen abiatzeko. Horrez gain, koordinazioa eta elkarlana sustatzeko familia edota legezko tutoreekin zein jendarte-eragileekin harremanak lantzea garrantzitsua izango da bide luze hau, Berdintasunera doana, ibiltzeko.