Indarkeria matxista espresioaren erabilera jatorri matxista eta gizonak direla
honen eragileak adierazteko erabiltzen da.
Maitena Monroy-k Pikara Magazineren glosarioan ematen duen azalpenari
jarraitu indarkeria matxista “menderatzaileak, kasu honetan, gizaki-arrak, bere
figuratik eta bere begiradatik erabiltzen duen indarkeria da. Begirada horren
bidez desiragarria dena eraiki da, portaerei dagokienez, eta, beraz, definizio
horrekin bat ez datozen portaeren desegokitasuna ere bai. Arriskuan daude
emakumeak, baita ‘andreak menderatzen dituen gizon’ izateko arautik ateratzen
diren gizon guztiak ere”. Hortaz, emakumeen “ezaugarriak” (genero
estereotipoari lotutakoak) erakusten dituen edozein pertsona indarkeria
matxistaren objektua izan daiteke.
Indarkeria matxistaren desikasketarako funtsezkoak eta lagungarri diren hiru
lan-ildo:
- Maitasun erromantikoaren mitoen eta ideologiaren deseraikuntza. Maitasun erromatikoaren eredua gainditzeko maitasuna zer den birplanteatu eta birkokatu behar dugu.
- Mikromatxismoen identifikazioa eta salatu-gainditzeko esku hartzea. June Fernándezek honela azaltzen du mikromatxismoak zer diren: “Egunero gertatzen diren jarrera matxistak, oharkabean pasatzen direnak, eta, gainera, guztiz normalizatuak daudenak. Eta hain oharkabean pasatzen dira, non jarrera matxista hori jasaten duenak askotan ez duen detektatzen, normaltzat hartzen duelako”. Honetarako gakoa jarrera feminista izatea da, mikromatxismoen aurrean mikroiraultzak jarraiki praktikatzea da erronka bat eta zaintza, umorea eta plazera erdigunean jarri behar dira.
- LGTBQ+fobiak bistaratzea eta aniztasunaren ereduak baloratu, plazaratu eta normalizatzea. Ezin dugu esan aniztasuna onartua eta baloratua dagoenik, ezta berdintasunezko errepresentazioa eta presentzia lortu direnik ere (kulturala, soziala zein politikoa,emakumeak zein gizonak plano eta maiztasun berean, eta abar). LGTBIQ+fobiak egunerokotasunean agertzen dira intentsite desberdineko manifestazioetan.
Hezkuntza-sistemak espazio seguruak eskaini behar dizkie ikasle guztiei,
baita langile eta familiei. Horregatik LGTBIQ+fobiei aurre egitearen bidean
sakontzeko beharrean dago. Hezkidetzak indarkeria matxisten edozein espresioak
bistaratu eta deslegitimatzeko apustu egiten du: patriarkatuak esleituriko sexu
edo generoari ez erantzuteagatik edota orientazio sexualagatik jasotako
espresio larriak zein txikiak.
Maskulinitate berriak eta autodefentsa feministaren lanketa sistematikoa
indarkeria matxista gainditzeko bi bide
edo estrategiak dira:
Maskulinitate eredu berriak
Maskulinitate hegemonikoa, gizonek boterea izatea ahalbidetzen duen eredua
da eta gizontasun hegemoniko eredua jarraitzen ez duten gizonek,indarkeria
matxista jasatzen dute.
Maskulinitate berrien eraikitze prozesuan Indarkeria matxistaren aurka
jarrera aktibo bat izaten eta patriarkatuak emandako pribilegioei uko egitea
funtsezkoa da, maskulinitate heterosexual hegemonikoa zalantzan jartzen eta
maskulinitatea eta biolentziaren arteko elkarketa desegiten, emozioekin
kontaktuan jartzen, zaintzaren erantzukizuna onartzen, espazio
pribatu-domestikorako autonomía garatzen eta baliabideak zein boterea
partekatzen…
Jokin Azpiazu Carballok “Maskulinitateak: eraldatu,
irauli ala baztertu?”
“Patriarkatuak
emandako pribilegioak des-konkistatzeari ez zaio behar besteko enfasirik
ematen.”
Artikulu honetan golokan jartzen
ditu heteropatrierkatuak inposatzen dituen maskulinitate ereduak: identitatean
jartzea indarra , baita ere erreferentzia subjektua gizon zuria, heterosexuala
eta bikotean bizi dena izatea kritikatuz.
Autodefentza feminista
Emakumeen ahalduntze indibidual eta kolektiboan lortzeko estrategia
feministan datza. Eta autodefentsa fisiko soila baino zerbait gehiago da,
bertan jarrerak, emozioak eta autoestimua lantzen baitira. Era berean, autodefentsa feministak beldurrari beldurra
nola galdu, gorputzaz jabetu, botere pertsonalaz eta emakumeen arteko aliantzen
botereaz jabetzeko bideak jorratzen ditu, baita erasoak, sotilenak ere,
identifikatu eta aurre egiteko moduak ere.
INSTITUTUAN LANTZEKO ERRONKAK
- Ikasle guztiei mikromatxismoak eta indarkeria matxista identifikatzeko estrategiak eta honen aurka egiteko baliabideak eman.
- Bitartasun sistema deseraikitzeko kontzientzia zabaldu eta praktikatu.
- Berdintasunaren jarrera aktiboa hedatu eta integratu.
- Jendartean sexualiatea sentitzeko eta bizitzeko aukeren aniztasuna zabaldu.
- Familia eredu berriak egunekotasunera hurbildu
- Maskulinitate eredu berriak eta autodefentsa feministak landu.
- Maitasun erromantikoaren mitoaren deseraikitze kontzientzia hedatu.
iruzkinik ez:
Argitaratu iruzkina