Espazio publikoen antolaketa eta emakumeon lekua

“Ez da lan erraza izan emakumeak historia artxiboetan aurkitzea, samurra ez den bezala historia liburuetan eta kale izendegietan andreak topatzea”, dio Oihana Llorente kazetariak eta hari askotatik tira egin behar izan izatea, emakumeak historia ofizialaren sustraietan kateatuta ez dauden seinale dela jarraitzen du esaten. Lola Valverde Lamfus, Euskal Herriko Unibertsitateko historia katedraduna izan dugu emakume hauek herri oroimenetik berreskuratzeko lanetan bidaide. (…) Ikerketetan aurrera egin bada ere, bidezidorretan aurkitutako emakumeek ez dute testu liburu eta izendegietara salto egin. Ez bederen, Valverderen iritziz, beharko luketen moduan. "Ikertu behar da, noski, berreskuratu... baina bertan aurkitzen dugun jakinduriak gizartera pasa behar du eta horretan ez da behar bezala lan egiten", dio penatuta. 

Eusko Ikaskuntza eta Kukuxumuxuren arteko elkarlana akuilu, 2011n Euskal Herriko historiako 44 emakume hautatu eta euren irudiekin elastiko ederra egin zuten, emakumeen ekarpena soinean eraman eta ikustarazteko. Gehiago izan zitezkeela argi du Valverdek, baina, hiru baldintza kontuan hartuta egin zuen hautaketa hura: Euskal Herriko herrialde guztietako emakumeak izatea, garai guztietakoak eta klase sozial guztietakoak.

     Feminismoen begiradatik, estereotipoak eraldatzeko egiten diren proposamen urbanistikoetan ez litzateke bakarrik emakumeen izena daramaten kale edo plaza kopurua handitu behar, haratago joan eta beste hiri mota batzuk eraiki daitezkela defendatzen da,  pertsona guztiak barne hartuko lituzkeen beste auzo mota batzuk. Aurkitu dut artikulu oso interesantea honen inguruan REPENSAR LA CIUDAD DESDE LA PERSPECTIVA FEMINISTA  izenburuareki.

Ikasgaiaren hausnarketan zentratuz,

1.- Egia bada ere gauzak aldatzen doazela patioetan, kaleetan, parketan eta beste hainbat espazio publikoetan, ezer gutxi aldatu dela oraindik benetan pentsatzen dut, nik ikusten dudanaren arabera sarri itxura da bakarrik aldatzen dena. Horregatik, gaiari buruzko funtsezko aspekturen bat azaltzeko irudian collage bat egin dut, gauzatze hezkidetzaile izan dezaketen bost eredu azalduz.

2.- Iazko ikastarokideen artean, Nereak idatzitako EMAKUMEA ESPAZIO PUBLIKOAN ETA SAREAN  aukeratu dut. Post honetan hitz gutxi erabiliz hausnarketa sakona egiten duela pentsatzen dut, ideia garrantzitsuak jasotzen dituela. Eta bereziki gustatu zait egiten duen irudi aukeraketa, 

3.- Sentsibilizaziorako interesgarria izan daitekeen argazki, berri edo bideoren bat aukezteko zalantzak izan ditut. Azkenean, "Donostia 2016 Hiru Kulturala" promozionatzeko egindako bideoaren inguruan sortutako eztabaida azalaratzea pentsatu dut. Irten zen lehen bertsioa erretiratzeko egindakoen eskaera bat Steilas pide retirar un vídeo de Donostia 2016 porque 'invisibiliza a las mujeres' eransten dut eta, ondoren, ELKARREKIN BIZITZEKO KULTURA izenpean egin zen behin betiko bertsioa.

Zergatik gertatu zen lehen akats monumentak hori? Hainbeste aditu parte hartzen, mundura zabalik dagoen Euskal Herriko - Donostiako irudiaren promozioa, zehaztapen guztiak lotuta, nola ez zen inor konturatu?
Behin betiko bertsioa, orekatua dago, naturaltasunez ikusten dira irudiak, hain zaila zen hasieratik oinarrizko zutabe potolo hau kontutan hartzea?

.

4.- Eremu hezitzaileetan edo jendartean lantzeko erronken artean, hauei emango nieke lehentasuna:

• Ikasleei kontsumitzen dituzten entretenimendu bisual desberdinetan sexu- genero estereotipoak zalantzan jarri eta deseraikitzeko ikus- entzunezko alfabetizazioa eskaini.

• Desberdinkeriak identifikatu, aldaketetarako bideak irekitzeko.

• Ikastetxeetan, espazio desberdinen okupazioa, antolaketa, diseinua eta erabilera aztertu alternatiba hezkidetzaileak bilatzearekin batera.

• Kaleen izendegiak ikastetxean aztertu, udaletxean ikerketaren ondorioak azaldu eta  emakumeak bisibilizatzeko plan baten eskaera luzatu.

• Hedabideetan agertzen diren irudi eta eduki sexistak etengabe landu ikastetxeetan, maila guztietan.

• Eredu berdinkideagoak, anitzagoak erakusten dituzten ikus- entzunezko ekoizpenak bistarat