Aurreko edizioetan kuxkuxeatu ostean Loinaz Lekuonarena “Ospakizunak eta jaiak” aukeratu dut. Bereziki interesgarria iruditu zait post-ean txertatu duen mapa kontzeptuala.
Ospakizunen inguruko gai hau oso interesgarria iruditu zait, irakurtzen hasi bezain pronto BAINA .... ZERTAN ARI GARA!!!!! pentsatzera eraman nau.
Konturatu naiz, jai ugarien forma eta egitura XIX. mendearen bigarren erdialdetik eta XX.mendearen hasierakoak direla, eredu eta egitura hauek, garaiko sistema patraikalaren isla direlarik eta aldi berean hau errotzen dutelarik.
Gizartearen eta lanaren antolaketa eredu bat sendotu ziren eta lanaren banaketa sexualaren finkapenak genero sistema indartu. Horrela, emakumeen eginkizunak, etxekoandre eta ama funtzioetara mugatu ziren. Emakumearen espazioa, beraz, etxea zen, bizitza publikotik, lanetik eta aisialditik erabat kanpo.
Honako dokumentua oso lagungarria izan zait:
 |
| https://www.gipuzkoa.eus/documents/2556071/2587709/Jaiak+INFORME.pdf |
Guztiz beharrezkoa ikusten dut eskoletan gaiaren inguruko hausnarketa eta horren ondorioz etorriko diren aldaketak egitea:
- Zer ospatzen da? Noiztik? Beti berdin ospatu izan da? Genero esterotipoak indartzen dira? Badago egun horiek ospatzeko modu alternatiborik?
- Hausnarketa, bai klaustro mailan, baita ikasleekin egiteko ere aproposa eta ezinbestekoa iruditzen zait.
- Ospakizunetako abestiak, olerkiak, koplak, irudiak, testuak ... aztertzeko beharra ere ikusten dut.
iruzkinik ez:
Argitaratu iruzkina