OSPAKIZUNAK ETA JAIAK

Ospakizunek arazo sozialak eta ezagutzen eta planteatzen laguntzen digu, bai ikasgeletan bai bizitza errealean. Geure burua hainbat testuinguru eta bizimodutan irudikatzen laguntzen digu. Beste bizitza batzuk bizitzeko aukera ematen digu, edo gure izatea beste modu batzuetan marrazten uzten digu. Ildo honetatik, interesgarria litzateke gure ikasleei, gure jendartean funtsezkoa den identitate-kategoria bat, maila desberdinetan bizitzeko aukera ematea, munduan edota ospakizunetan egoteko era desberdinak pobra ditzaten. Biziki interesgarria iruditzen zait diskurtso hegemonikoa deseraikitzea, gero eraikuntza eraldatzaileei leku egiteko, desorekatutako harremanetan oinarritzen ez direnak (danborradan pairatu daitezkeenak esate baterako), diskriminatzaileak ez direnak eta batzuen menpeko-rolean eta besteen menderatzaule-rolean ez daudenak.

https://coggle.it/diagram/WgxH8uojMQABLyVt/c2d07b817f717a7488e0e1516ce845fd809f08badb14e7fdee4a88703f08dc6d

Baliabideei dagokionez, UEUren bidez, Miren Guillok koordinatutako liburua gomendatzen dizuet Festak genero harremanak eta feminismoa. Bertan, 37 egilek festa eta generoaren arteko harremanaren inguruan hausnartu, murtxikatu eta plazaratutako idatziak ageri dira, batzuk teorikoak eta beste batzuk esperientzia propioetatik abiatuak.Oso gomendagarria benetan.

Era berean, Bilgune Feministak 2014an plazaratutako Festa dezagun gaurdanik geroa! dokumnetala ikustea animatzen zaituztet, bertan ageritako kontakizunak gure kaleetako kontuez ari baitira.

Lan mardula izan arren, eskolek hezkidetzaren bidetik zenbait erronka jartzea ezinbestekoa da.

·    Eskolak proposatzen dituen ospakizunen diagnostikoa egin eta ikuspegi hezkidetzailetik beharrezkoak liratezkeen aldaketak burutu.

·   Tradizioa eta ohiturak. Geletan horien inguruan burutzen diren jarduerak aztertu eta horien aurrean kritikotasunez eta begirada hezkidetzailetik trebatzeko konpetentzia garatu.

·      Emakumea eta gizonaren parte hartzea bultzatzeko motibazio estrategiak diseinatu.

·      Ospakizun eta tradizio berriak sortzeko aukerak eskaini.

·    Ikasturteko amaierako jaialdietan irizpideak ongi zehaztu; eta aukeratzen dituzten kanta eta dantzetan esku hartze hezkidetzaileak egin.

·  Egun moreetan sentsibilizazio kanpainak egin; eskola komunitate osoa osatzen dugunoizuzendua eta guztion parte hartzea sustatuko duena.

·    Eredu anitzak eskaintzea ezinbestekoa. Errealitate berriak dituen beharrak asetuak izan daitezen.

Pasa den edizioko ekarpenetatik bat hautatu behar ezkero, hainbat ekarpen kuxkuxeatzen ibili ondoren eta haiek proposatutakoak erabili ondoren, oso interesgarria iruditu zait hurrengo hau: http://hezkeh0506.blogspot.com.es/2016/11/kaleak-eta-jaiak-gureak-ere-badirelako.html