2016/04/09

IZOTZ ONDOKO EGUZKI


Aste osoan dabilzkit buruan gure blogean idatziko ditudan azkeneko hitzak. Gasteiztik bueltan Xabier Leteren abesti hau etorri zait gogora:
 Izotz ondoko eguzki
https://www.youtube.com/watch?v=tevbXrpxEbE 

Gaur Gasteizen gertatu dena hauxe bera izan da eta, izotza apurtu dugu, eguzkiaren faltan, gure ahotsa ozen eta indartsua erabiliz.



manifestacion gasteiz feministok prest imagenes bilaketarekin bat datozen irudiak 

Hezkidetzan Hezku Hartzen ikastaroak aukera eman dit nire pentsamenduei, sentsazioei eta emozioei funtsezko sustengo teorikoa emateko; hortaz, gaur Gasteizen egon naiz, ez bakarrik bihotzarekin, baita buruarekin ere. Ikastaroa ezinbestekoa izan zait nuen korapiloan askatzeko eta nire lan ildoa definitzeko. Ikasturte honetan Hezkidetza Programan aurrerapen itzela egin dugu, aste hauetan jasotako formakuntzari esker. Asko izan dira betaurreko moreak jantzi dituztenak.


betaurreko moreak imagenes bilaketarekin bat datozen irudiak

Sororidadea eta Zaintza Etika  kontzeptu berriak izan dira niretzako, agitz interesgarriak eta argigarriak nire hausnarketak ornitzeko. Baina umorea tresna bezela aurkeztea, funtsezko gakoa izan da, baita konplizitatea ere. Horrexegatik ikaskideen arteko elkargintza izugarri aberasgarria iruditu zait. Oso lasaigarria izan da ikustea zenbat jende interesgarria, azkarra eta baliogarria dabil lan hauetan.

Betaurreko moreak janztea eta zuekin aste hauek pasatzea alaitasunez eta energiaz bete dit, askoz zoriontsua sentitzen naiz, lasaitasuna ematen dit-eta aniztasunerako eta justizia sozialarako lekua dagoela ikusteak eta  horretarako baliabideak baditugula, adibidez ikastaro hau . Harritu dit jakiteak 30.000 bisitatik gora izan ditugula, horrek erakusten du sare morea itzela dela, gero eta handiagoa eta ehuntzen jarraitu behar dugula.

Bukatu baino lehen eskerrak eman nahi dizkizuet denoi, irakasleei zuen arretagatik eta ikaskideei partekatutako ilusioarengatik. Hemen usten dizuet abesti honekin, niretzako oso ondo adierazten du zeintzuk diren nire itxaropenak, asmoak eta nahiak.




manifestacion gasteiz feministok prest imagenes bilaketarekin bat datozen irudiak

Agurra


Ikastaro amaitzen ari da eta horren etekinei buruz hausnartzea oso ondo dago; niri dagokidanez, egindako lana eguneroko lanean erabiliko dut, produkzioa handia izan da eta: behaketak eta hausnarketak, batez ere.
Baina hausnarketarik garrantzitsuena oso bide luzea geratzen zaigula da, egia esan, ikastaroa hasi baino lehen banekien, baina burua gaian jartzerakoan gehiago konturatzen gara.
Datu batzuk emango ditut gizartean benetazko hezkidetza lortzeko oraindik bidea luzea geratzen zaigula konszienteak izateko:
Hezkuntza-sisteman sartzen direnean, neska-mutilak dagoeneko genero maskulinoan eta femeninoan gizarteratuta daude, familiaren eta gizarte-ingurunearen bidez. Hortik aurrerakoan, eskolak, egitez edo ez-egitez, estereotipo maskulinoa eta femeninoa indartu, iraunarazi eta erreproduzitu besterik ez du egiten, harik eta arrunt bilakatzen dituen arte.
Bazterketaren, bereizketaren, integrazioaren eta inklusioaren kontzeptuak erabiliz gero, baiki esango dugu hezkuntzaren historiak, emakumeei dagokienez, igaroak dituela bazterketaren fasea, hezkuntza formalerako eskubide-eza, bereizketarena, hezkuntza, baina nor bere espazioan eta integrazioarena, hezkuntza mistoa, neskak eredu tradizional maskulinoan txertatuta. Eskola misto tradizionalaren eredua zalantzan jarri izan da hainbatetan, sexismoa eta genero-estereotipoak erreproduzitzen dituelako, eta egokitzapenak izan ditu, gizarte-mugimendu zein mugimendu feministaren jardunbideari esker baita, gerora, erakundeen programei, ekimenei eta legeei esker ere, harik eta neska-mutilak estereotipoetatik at eta berdintasun-balioetan hezi nahi dituen eskola hezkide (inklusibo) bihurtu den arte.
Genero-indarkeria sexismoan eta emakumeen eta gizonen arteko desberdintasunean oinarritutako sistema baten ondorio larriena da.

Azterlan eta ikerlan horiek erakusten dutenez, ikastetxeetako gatazken % 90aren oinarrian genero-indarkeria eta neska-mutilen sozializazio afektibo eta sexual sexista daude.
Hau ikusita, lan asko egin behar dugu eguneroko lanean.
Indarkeria matxistak asko kezkatzen nau, beraz nik "Sin ti ni soy nada", de Amaral aukeratuko nuke; alde batetik, sexista hutsa da eta bestetik, indarkeria matxista honelako mezuekin ekitziko dugu?
Ikastaroaren hiru adjetiboak: interesgarria, beharrezkoa eta argia. Hiru izen edo pertzepzioak, sentimenduak: aurrerapausu asko eman dira, asko geratzen da eta maskulinitate berriekin hobeo.
Lan honetan jende asko interesatuta dagoela ikasi dut , ni bezalakoa, baina jende askok ere benetazko hezkidetza lortuta dagoela pentsatzen duela ere ikasi dut eta horrek kezkatzen nau.
Geure sarrerak ikusi dituen jendeari honako hau esango nioke: Eskola mistoa hezkidetza-eskola bilakatzeko, ikasleen prestakuntza integrala lortzera bideratutako aukerak landu behar dira, haren bidez identitate askeagoak, berdintasunezkoak, askotarikoak eta seguruak eratu ahal izateko eta desberdintasunen berdintasuna bermatzeko.
Eta nire itxaropenak:
Berdintasunezko harremanak sustatzea, ikasleei abiapuntu hauek hartuta erlazionatzen irakatsiz: errespetua, konfiantza, elkarrizketa bidezko konponbidea gatazketan, ekitatea eta erantzukizun partekatua.

Berdintasunezko kulturak sortzea, sozializaziotik sortzen diren genero-inposaketekin jarrera kritikoa dutenak.

Autonomian eta erantzukizun partekatuan oinarritutako heziketa ematea, genero-identitatea alde batera utzita, ikasleek bizi-proiektu autonomoa izan dezaten eta beren oraingo eta etorkizuneko premiak bere gain hartu ahal izan dezaten, eremu publikoan zein pribatuan.



               ETA BATEZ ERE INDARKERIA MATXISTA DESAGERTZEA 






Ikastaroaren helmugara iritsi gara


Bukatu da, bukatu da, bukatu da akabo! 

Ikastaroa bai, baina mundu hezkidetzailego bat izateko lanean jarraitzeko gogoak, beharra askoz argiago ikusten dut orain. Beraz aurrera beti!!! 

Ikastaro hau pertsonal mailan aberastu egin nau erabat. Ikastaroa hasi aurretik, hezkidetzarekiko sensibilizazioa neukala uste nuen, baina , ikastaroan murgilduta nengoela betaurreko moreak jantzi nituen eta orain ezin ditut kendu. Honek, pila bat pozten nau , ikuspegi kritiko bat izatea lortu bait dut eta lehen ikusten ez nituen gauzak orain ikusteko eta gainera horren gainean aktiboki jokatzeko  aukera zabaldu bait dit. 
Zein aberatsa eta lagungarria izan da elkarren arteko elkarrekintzak, foroak, hausnarketak,...

Ikastaroari buruzko hitz multzoa:
Asko kostata, kanta hau aukeratu dut:

 kolore kolore eta gustu guztiak, denontzat, denontzat, ez dira berdinak...


Bukatzeko, mila esker, ikastaro hau jasotzeko aukera eman didazuen guztioi eta elkarrekin lankidetzan aritu garen guztioi.

Berdintasunaren alde lanean gabiltzan guztioi, animo eta aurrera beti!!

Bihotz bihotzez mile mile esker.