TRATATU DEZAGUN, TRATATUAK IZATEA NAHI DUGUN BEZELA

    Aste honetan, tratu onak izan dugu gaia eta tratu onak, hezkuntza komunitatean harremanetarako ardatz izan beharko liratekela ere hausnartu dugu.

    Nire ustez, norbera bere buruarekin eta gorputzarekin ondo sentitzen bada, elkarbizitza erreztu egiten da. Horretarako, norbere burua ondo ezagutu behar dugu eta armonian hazi behar gara. Horregaitik eskoletan ere, oso garrantzitsua ikusten dut emozio, sentimenduak,…lantzea eta norbanakoen ezaugarrien onarpena baita ere; ikasleak lagundu behar ditugu autoestimu positiboa izan dezaten, beraien buruetaz harro egoten, seguru sentitzen eta nahi dutena edo behar dutena beldur gabe adieraztea. Honek kalitatezko elkarbizitza ahalbideratu dezake eta baita ere ikasketak hobetu eta erreztu. Horrela, inguruko pertsonekin sortzen ditugun harremanak ere ardurazkoak eta errespetuzkoak izatea ahalbideratu ditzakegu.

    Bestalde, komunitate osoarekin eta konkretuki familiekin eraikitzen ditugun harremanak aipatu nahi ditut. Askotan, irakasleagoa familiak gutxiesten dituzte eta alderantziz ere, familiak irakaslegoa gutxiesten du. Niretzat asko zaindu beharreko harremanak dira familia-eskolaren artekoa; alde batetik eredu izan behar garelako eta bestetik, ikaslearen ongizatea nahi dugulako eta eskola-familiaren arteko harremanak funtsezkoak dira horretarako. Beraz, elkar bizitza osasuntsu baten alde esfortsu guztiak ipini beharko genituzke, denon onurarako.

    Laburbilduz, hezkuntzan lantzeko erronkak, nire ustez, hauek lirateke:

- Elkarbizitza eta pertsonen arteko harreman positiboak eraikitzeko ekintzak antolatu.

- Ikasleen eta familien parte hartzea bultzatzen dituzten ekintzak antolatzea; onartuak, baloratuak eta errespetatuak sentitu daitezen.

- Aurreiritziak sahiestu.

-          - Era kontzientean ekin behar dugu eta kritikoak izan gure jarrerekin: zelako hitzak erabiltzen ditugun, gertukoak agertzen garen,… enpatiaz jokatu.

-         - Geletan elkar entzutea, errespetua, onarpena, elkar laguntza,…landu.

-         - Ingurunearekiko harremanak zaindu behar ditugu: Ingurua zaindu, birziklatu,…

-         - Maitasun erromantikoaren mitoarekin apurtu, gizabanakoaren askatasuna errespetatuz.

-         - Erantzukidetasuna haur hezkuntzatik landu.

    Aurreko guztia eskoletan, familia zein ikasle eta irakasleekin lantzeko aproposa izan daitezkeen baliabide hauek proposatzen ditut:

 * Gure eskolan, haur hezkuntzan, erantzukidetasunaren inguruan egiten ditugun ekintzak: gela barruan, erratza eta palak dauzkagu, area, hamaiketakoko apurrak,…batzeko. Trapuak mahaiak garbitzeko. Edalontziak ere astean behin ikasleek garbitzen dituzte; eta baita tenpera poteak ere. Hamaiketakoa ere ikasleek prestatzen dute. Denek hartzen dute parte.

*Zaintzari buruzko Naizenek egindako bideoa; zaren bezelakoa maitatua eta onartua izatearen garrantziaz.  

* https://bertsoikasgela.eus/baliabideak/19/ ( Bertsoak)

·    * https://bizikasi.euskadi.eus/eu/tratu-txarrak-tratu-onak (Bizikasi)

·    * Topikoen inguruan, DBH rako.

·    * Laguntasunari buruz:

·    * https://www.educaciontrespuntocero.com/recursos/cortometrajes-fomentar-la-amistad/ (laguntasunari buruzko hainbat bideo)

·    * Bukatzeko, ingurumenari lotutako bideo hau patekatu nahi dut. Bideo honetan ekofeminismoaren inguruan hitz egiten dute Yayo Herrerok eta orduñako Ekoizpen proiektuko kidea den Marijo.

    Aurreko edizioetako post hau aukeratu dut,baliabide interesgarriak eskeintzen dituelako; gehienak ikasle nagusiekin erabiltzeko badira ere (ni HHkoa naiz), azkenengo bideoa oso polita iruditu zait eta gure jarrera egunerokotasunean hausnartzeko ere bikaina!

-

 

                   MAITE DITUT MAITE 

 

Tratu onaren kultura  hezkuntza eremuan  garatzeko  bere oinarrian,  pertsonen arteko harremanen zainketa sustatzea suposatzen du. Harremana zer den  hausnartzean lehendabizi, geure buruari erreparatu behar diogu  bakoitzak nolako tratua izan  bere buruarekin halako harreman kalitateak izango bai  ditu bere inguruarekin eta.

Beraz, nor bere buruaren zaintzatik arduratzen hasiz  elkarren arteko zaintza  osasuntsura  eta tratu onaren harreman eredu batera hurbiltzeko norabidea hartzea posible izango dugu

Nolako hezkuntza eredua sustatu nahi dugu? Eta nolako eragina izan nahi dugu sozietatean?

Nire ustez, hezkuntza eremuari dagokionez harremanak era parekidean eraikitzeko ikasleek pertsonak eta izaki sozialak izateko garatu beharreko konpetentziak izango dira erronka nagusiak.  Zehazki:

Hezkuntza testuinguru hezkidetzailea sustatzea ezinbestekoa da:  ume, nerabe eta gazte bakoitzari ikaste prozesuaren zehar, beraien  buruaren jabetza lortzeko heziz. Honek zehazki bai ikasle bakoitzaren alderdi pertsonala zein sozialetik honako lanketa suposatzen du: 

•  bakoitzak bere buruaren autoezagutza garatzea(bakoitza bere indargune eta ahuleziez jabetu)

•  autoestimu osasuntsua lortzea (besteenganako  harrokeriarekin nahasi gabe)

• Jarrera kritikoa lantzea estereotipoen inposaketaren aurrean.

• Jarrera asertiboa  landu eta irakatsi: “ez esan behar denean “ez” esaten irakatsiz beldurrik  gabe.

• Maitasunezko harreman ona zer den erakustea eta genero indarkeria zertan datzan ondo aztertzea.

•  Maitasun erromantikoaren mitoak geletan  haustea

Bestetik, pertsonen arteko harremanetan eta lan taldeetan halako jarrerak lantzea eta hauetan trebatzea beharrekoak dira :

• Besteak diren bezalakoak onartzen ikastea EPAIKETARIK gabe.
• Besteei entzuten ikastea.
• Besteekin begirunez jokatzea.
•  Manipulazioei eta erasoei ezetz esaten irakastea. 
•  Interdependentzia  eta elkarren zainketan heztea. 
  

 Bizi-inguruaren gainerako   zainketa eta begirunea lantzea eta irakastea behar ditugu: jasangarritasun ekologikoaren kontzientzia eta kontsumo ohiturak aztertuz jarrera kritikoa landu eta sustatu.

Materialak

*TRATU ONEZ”, Nafarroako Foru Komunitateko ikastetxeetan bizikidetza hobetzeko VI. Kanpaina argitaratutako materiala: Ikasgelako araudiaren proiektua garatzeko.                      

                                                 

file:///C:/Users/Teresa/AppData/Local/Temp/Temp1_TRATU%20ONEZ-%20NAFARROA.zip/TRATU%20ONEZ-%20NAFARROA/Tratu%20onez.pdf

 

*Gatazkek irakatsi naute: gatazkak elkarbizitza estrategiak eta lanketan murgiltzeko aukera paregabeko egoerak dira. Hona hemen BIZIKASI zintzilikatuta duen material bildumaren artean, gelan gatazkak lantzeko  aukeratutako materiala.

https://bizikasi.euskadi.eus/eu/gatazkek-irakatsi-didate

 

***Aste honetan aukeratutako posta: https://hezkeh0506.blogspot.com/2022/03/zaintza-tratu-onen-abiapuntua.html

Zaintza tratu onaren abiapuntua izenburuaren pean blog honetako argitalpenean ondorengo hausnarketa plazaratzen du “Aldaketa, geure baitan hasi behar da. Gure erantzukizunetik, erantzukizun partekatura”.

Bestalde, geletan tratu onaren lanketa garatzeko material ugaria zintzilikatua aurkitu daiteke ere.