2022/02/26

Heziketa afektibo-sexuala espazio seguruak sortzeko

Gaurko sarrera hasiko dut, Berdinduk, 2013-1014 ikasturtean egindako “Aniztasun afektibo-sexualen aurreko jarrerak ikasgeletan” txostenean aipatutako datu batekin, “Sexu-orientazioen arteko hierarkia nabaria da eta ikasleen erdiak baino gehiagok hautematen du eskola ez dela espazio segurua”. Nire buruari galdetzen diot, nola joan daitekeen pertsona bat egunero, 6 edo 7 orduz, seguru sentitzen ez den espazio batera, pertsona gisa garatzera?. Hezitzaile garen heinean, erantzukizun handia dugu gai honetan. Alderdi positibo gisa, txosten honetan ere aipatzen da aniztasun sexualarekiko jarrera hobera doala: gaia ezagunagoa da, bazterkeria ekintzak behera doa eta pertsona anitzak onartuagoak dira, beti ere nesken jarrerak mutilena baino irekiagoa izaten mantentzen direlarik.

Aurreko ikaskideen posten artean, Argiñerena aukeratu dut: Eskola gune segurua. Nire sarrera hasteko erabili dudan hausnarketarekin lotura zuzena duelako aukeratu dut. Gainera, lan aparta egin du gure ikastetxeetan une honetan dugun testuingurua azaltzeko. Alde handia dago nik jaso nuen sexu-heziketarekin, 0 izan baitzen, orain gure ikasleek dutenarekin, baina, hala ere, asko dago egiteko, eredu pratiarkal hegemonikoak eraikitako eskema mentalak hausteko. Hezkuntza afektibo-sexualik ez badago, gure nerabeek, batez ere mutilek, pornoaren ereduak hartzen jarraituko dute, horrek dakarren guztiarekin.

Jarraian, ikasleekin lan egiteko baliabide batzuk utziko dizkizuet, baliogarriak izango zaizkizuela espero baitut.


LHn: "Sexua hitz dibertigarria" liburua da 7 eta 10 urte bitarteko haurrekin gorputzei, generoari eta sexualitateari buruzko elkarrizketak izatea errazten du. Liburuak aniztasuna du ardatz (ezaugarri fisikoak, kulturalak, izaerak, desioak…), eta binarismoa gainditu eta deseraikitzen laguntzen du. 


DBHn: "Sex education" telesaila. Ikasleekin elkarrizketa aktiboa eta hurbila egiteko aukera ematen du.


Abesti batzuk:


Anne Etchegoyen eta Itziar Ituñoren abesti hau: NO es NO

Gatibu:” Aske maitte”. Askatasunaren eta bizitzaren aldeko himno bat delako.


I
kasleekin lan egiteko baliabide ugari hemen topatu ditzakezue. B03ko kideek egindako bilduma.


Amaitzeko, eremu hezitzaile zein jendarte mailan lantzeko lehenengo erronka nagusia informazioa helaraztea izan behar duela aipatu nahiko nuke. Hezkuntza arloan, irakasleen formazioa ezinbestekoa da, ahaztu gabe familien inplikazioa. Helburua sexualitate anitzen diskurtsoa normalizatzea da heteroaraua gainditzeko eta sexualitatearen mitoak deseraikitzeko.

Sexua osasuna da!

Aste honetan jorratu dugun gaian aipaturiko ideia nagusiak honela laburbildu daitezke:

  1. Heziketa afektibo-sexuala edonon eta edozein momentutan egiten da.
  2. Gure gorputza maitatzea heziketaren parte izan behar da.
  3. Sexualitatea eta afektibitatea ez doaz lotuta.
  4. Sexualitate bizitza osoan zehar da garenaren atal garrantzitsua.
  5. Sexualitatea ere gizarteak eratutako kontua da eta, beraz, aldakorra.
  6. Indarkeria matxista oso lotuta dago sexualitatearen ideiarekin.
Aurreko edizioetan argitaratutako sarreren artean, ondokoa aukeratu dut: Pertsona Beste Sexualitate. Izenburuak berak esaten duen bezala, eta aurreko gairen batean nik neuk ere esan dudan bezala, sexualitatea pertsona bakoitzarena da eta, beraz, hura adierazteko era infinitoak daude (identitatearekin gertatzen den bezala).

Nire sarreraren bat aurretik irakurri duenak pentsatuko zenbat errepikatzen naizen! Baina berriro ere nator Isa Duque gomendatzera, PsicoWoman izenarekin ezagutzen dena. Isa psicologoa da eta urteak daramatza nerabeei sexualitatearen inguruan ikastaroak ematen (Euskadin ibili da askotan). Horrez gain, YouTube-ko kontua dauka eta bertan hainbat gai lantzen ditu. Ezagutzen duenak jakingo du oso komunikatzaile ona dela eta, batez ere, gazteekin komunikatzeko erraztasun handia daukala, haiei heltzeko gaitasuna dauka eta horregatik uste dut aproposena dela ikasleekin lantzeko.

Oraingoan gai honen inguruko bideoa utziko dizuet, baina esan bezala, beste asko dituzue bere YouTube-kontuan. Web orrialdea ere badauka (LaPsicoWoman):



      
     Isaren enpatia garatzeko gai izango bagina irakasle guztiok...heziketa afektibo-sexuala eta hezkidetza orokorrean ez litzateke izango hain erronka gogorra. Hor jarri nahiko nuke fokoa oraingoan: enpatia. Nire ustez, gaitasun gutxi daukagu helduok ume eta nerabeen lekuan jartzeko eta beti saiatzen gara haiei dagozkien gauzak gure mundutik ikasten. Eta horrela, ezin izango gara gai heziketa sexual askea emateko.
    
     Era berean, egia da, guk ez genuen heziketa sexual ona jaso, eta orain tokatzen zaigu ondo ematea. Logikoa al da? Bista denez, ez. Beraz, hasi gaitezen gure burua hezitzen eta agian helduko gara noizbait gazteek merezi duten heziketa ematen.


Heziketa afektibo-sexuala ardatz bihurtu!

 


Ideia ugari landu ditugu asteon heziketa afektibo-sexualaren inguruan, eta honekin batera, aurreko edizioko sarrera hau osagarria izan daiteke. Sarrera honetan baliabide interesgarriak azaltzen dira hainbat adin-tartetan erabiltzeko. 

Dagoeneko, blog honetan, heziketa afektibo-sexuala hezkuntzan lantzeko material interesgarria partekatu duzue. Sarrera honetan, NAIZEN elkartearen web-gunean aurkitu dudan bideoa partekatu nahi dut; izan ere, oso egokia iruditzen zait heziketa afektibo-sexuala lantzeko, aintzat hartuta sexu- eta genero- binarismoa deseraiki behar dugula, sexualitatea eta genero-identitatea alda daitezkeela bizitzan zehar eta aniztasuna izendatzeko errespetuzko "etiketak" sortu behar ditugula.


Zer erronka heziketa afektibo-sexuala eremu hezitzaileetan lantzeko?

Bada, aurreko gaiak lantzeko ditugun erronkak berdintsuak ditugu honetan ere bai: ugari. 

Arestian aipatu dut FORMAKUNTZA ezinbestekoa dela. Horrekin batera, uste dut ezinbestekoa dela diskurtsotik PRAKTIKARA eramatea, eta bide horretan BALIABIDEAK beharrezkoak ditugu. Zehar lerroa bihurtze aldera, erronka ugari ditugu, baina uste dut Hezkuntzari zein jendarteari dagokionez EGITURAZKO afera dela. 

Edukiak hezitzailearen borondatearen arabera uzten ez ditugun bezalaxe, heziketa afektibo-sexualarekin ez genuke horrelakorik egin beharko;  curriculumaren ardatza izan beharko luke heziketa afektibo-sexualak. Horrela bakarrik hasiko baikara aldaketak ereiten. 




2022/02/25

EGIN DEZAGUN

 

Aste honetan bor-bor ibili diren ideietako batzuk honakoak dira:

-       -   Denok ari gara heziketa afektibo-sexuala egiten

-       -   Gorputzaren onarpenaren garrantzia

-     -     Heziketa afektibo-sexuala aniztasunean heztea.

-        -  Sexualitatea eta afektibitatea desberdintzen ikasi dugu

-     -     Sexualitate bizi osoko kontua da, ez bakarrik nerabe edo gazte garenekoa

-      -    Sexualitatea eta genero-identitatea alda daitezke

-     -     Sexualitatea eta indarkeria bateraezinak dira

Eduki horietatik tiraka, Iazko blogetik “Hautsi, eraiki, aske bizi” izeneko blog sarrera aukeratu dut: https://hezkeh0506.blogspot.com/2021/03/hautsi-eraiki-aske-bizi.html

Bertatik oso interesgarria iruditu zait Xabier iturberen bideo hau: 


 https://youtu.be/7tUbi6hybaY Baita blog sarreran aipatzen dituen bestelako material batzuk ere.

Aste honetako gaiaren inguruko baliabide ugari daude han eta hemen, baina nik hauek aipatuko ditut:

Ikasleen gorputzak eta garapena: https://www.youtube.com/watch?v=5WG8xAUe8Ks



UEU ikastaroa: https://www.youtube.com/watch?v=Vvg-UTiN9r0 (aurrerago aipatuko dut formazioaren atala).



Horrez gainera, heziketa afektibo sexuala adin guztietan lantzearen beharra azpimarratu dugu aste honetan zehar. Horretarako badaude material ugari. Hemen adibide bat: https://denda.karrikiri.eus/haurrentzako-heziketa-afektibo-sexuala/?categories=haur-eta-gazteak%2Fliburu-gomendioak

Nire ustez, hau guztia eremu hezitzaileetan/jendartean lantzeko erronka nagusiak honakoak dira:

-         - Prestakuntza eta konpromisoa

Gehienetan formazioa aipatzen dugu. Gelatik kanpoko formatzaileak joaten dira askotan geletara ikasleekin heziketa afektibo-sexuala lantzeko, baina oso gutxitan formatzen dira irakasleak edo hezitzaileak gelan eta modu transbertsalean heziketa hori nola txertatu erakusteko.

Hemen UEUk gaiarekin lotutako formazioa, adibide gisa: http://www.ueu.eus/ikasi/ikastaroa-ikusi/1412/Hezkuntza+afektibo+sexuala+lantzen+Haur+eta+Lehen+Hezkuntzan

Esan bezala, formazioak dauka garrantzi handia, baita zehar-lerro izateak ere. Alperrik etorriko dira elkarte bateko kideak urtean behin, gero beste ikasturte osoan zehar Ingelesa lantzeko (adibidez) erabiltzen dugun pelikulako protagonista familia eredu tradizionalekoa bada, eta etengabe hori bada erakusten dugun bakarra, besteak beste. Guztiok egin ahal dugu zerbait gaia landu eta pixkanaka gauzak aldatzen joan daitezen.

 

-          - Hezkuntza komunitate osoari dagokion gaia da. Baita gurasoei ere. Gurasoek egin dezaketen lanaren adibide, hemen estekatzen dut Berrizko guraso elkartearen dokumentu hau: http://www.berriz.eus/eu-ES/Zerbitzuak/Gizarte-Zerbitzuak/Gizarte%20zerbitzuak/2013%20Heziketa%20afektibo%20sexuala.pdf

-        -   Gure material didaktikoetan landu beharreko edukia da

-       -   Garrantzitsua da eskola espazio aske eta segurua izatea

-      -    Sexualitatearen inguruko mitoak deseraikitzea. Hemen material posible bat: https://amepsa.org/docs/trabajo32.pdf

 

 



2022/02/24

BIZI, EZ BIZIRAUN

 


Aste honetan bor-bor dabiltzan kontzeptuei so, ikasleengan pentsatu dut: ezinbestean lortu behar dugu heziketa afektibo-sexual hezkidetzailea haienganatzea, heteropatriarkatuak eraikitako harresi apurtezinak kontzienteki hausteko baliabideak eskaintzea, libreki erabakitzera irits daitezen.

Horretarako, hezkidetzak hainbat erronka plateatu ditu; denak garrantzitsuak badira ere, esanguratsu deritzot batez ere nork bere identitate afektibo-sexual propioa eraikitzeko prozesuari. Norbere burua maitatzea eta baloratzea jomuga izanik, norbera den modukoa izanda, sentitzen duena onartuta —eta zenbaitetan zalantzan jartzeko eta aldatzeko eskubidea aitortuta—, aurrera egiten lagundu behar diegu ikasleei. Izan ere, ez da nahikoa, inolaz ere, besteen gustukoa izatearekin konformatzea,  heteropatriarkatuaren arauei men eginez, bide konbentzionala baizik existitzen ez delako ustean murgiduta bizitzea, horren arabera bizirautea.

Mari Luz Estebanen honako poematxo hau partekatu nahi nuke zuekin, hitz gutxitan ezin hobeto azaltzen baitu zer ez den nahikoa:

 

Maite nuen eta

maite ninduten

ez zen nahikoa

maite dut eta maite naute

nahikoa ez izaten jarraitzen du.

DBHko ikasleekin irakurtzeko eta sexualitate anitzen inguruko hausnarketa sustatzeko, bestalde, interesgarriak iruditu zaizkit honako liburu hauek:

·         Maren

·         Libe

·         Ezekiel

·         Bazterrekoa izatearen alde onak  

Iazko ekarpenak direla eta, honako hau aukeratu dut: Xabier Iturberen hitzaldi interesgarria partekatu du, eta baita primerako ekarpenak egin ere.

HEZIKETA AFEKTIBO SEXUALA

 

Zein izan dira astean zehar bor-bor ibili diren ideia nagusiak?

Aste honetako irakurgaitik jaso ditut parrafo interesgarri batzuk eta horiek komentatzera nator.

“Sexualitatea eta indarkeria bateraezinak dira. Harremanetan indarkeria agertzen denean sexualitatea zena boterekeria-gose eta indarkeriaren erotizazio bihurtzen da.”

Guztiz ados nago adierazpen honekin. Ez dot ulertzen nolatan pertsona batzuk bi kontzeptu hauek elkar lotzen dituzten. Baina tamalez errealitate bat da. Nondik datorren aztertu beharko litzateke baina edozein kasutan oso zaila da ulertzeko.

“Elkarrekiko errespetuan, nahian eta “adostasunean” oinarrituriko edozein sexualite-adierazpen zilegi da. Beti ere “adostasun” horretara benetako askatasunetik abiatu eta inplikaturiko pertsonak botere posizio berdinean baldin badaude”.

Sentitzen dot baina adierazpen hau errena dago. Zuzena bai, baina ez dago osotuta. Adin txikoekin ezin du sexu erlaziorik izan adin nagusiko batek, nahiz eta adostasunean izan. Agian “pertsonak botere posizio berdinean baldin badaude” esaldian sartu genezake adinaren atal hau, baina derrigorrezkoa ikusten dut adieraztea esplizitoki. Horrela inork ez du izango zalantzarik.  Hau adieraztea derrigorrezkoa ikusten dot, batez ere kontutan izanda azkenaldi honetan azaleratzen ari diren adin txikikoen aurkako sexu erasoak. Azken berriak ezagututa norbaitek pentsatu ahal zezakeen zeruaren babesak dena estaltzen eta justifikatzen dabiela…

 

 Azkenik, beste guztizko desadostasun bat irakurgaian erantsi den irudi baten inguruan. Irudi honetan famila eredu desberdinen marrazkiak daude. Pertsonen arteko elkarteak direla familiak uste dot ados gauela, baita hitz egin ahalko dogu txakur familia batetaz, baina inolaz ere pertsona batek eta animalia batek osatzen dute familia bat. Familia bat osatzea afektu kontu bat bada soilik, hortaz, zergatik ez pertsona bat eta landare bat?  Edota pertsona bat eta objektu baten familia?



 

R.A.E.: FAMILIA: “Grupo de personas emparentadas entre  que viven juntas.”

Denborarekin lortu dogu familia ez nuklearra ere onartzea familia definizioaren barne eta kulturalki ere horrela dago dagoeneko onartuta gizarteagatik. Pertsonen arteko familia batetan maskota bat dagoenean ere,  hauek sentituko dute txakur, katu, edo txori hori familiaren parte dela, seguru baietz. Baina hortik abiatuta, pertsona batek eta adibidez txakur batek familia bat osatzen dabiela adieraztea gehiegikeri bat iruditzen zait.

 

Aurreko ikasturteko post-en artean hau aukeratu dot:

https://hezkeh0506.blogspot.com/2021/03/heziketa-afektibo-sexuala_50.html

“HEZIKETA AFEKTIBO-SEXUALA”

 

Aukeraketa hau alde batetik proposatzen dituen esteka eta bideo kopuruagatik izan da. Eta azken hauen artean oso gustuko izan dot hurrengoko hau:


https://www.youtube.com/watch?v=skp5f6gA_5g

 Lehen aldiz aspaldi ikusi neban goiko bideo hau eta izugarrizko zirrara eragin zidan. Bertan oso ondo ikusten da barnetik DENAK garela berdinak (hezurrezko egitura berberarekin osatuak). Kanpoko itxurak, sexuak eta koloreak ezer gutxi inportatzen dabiela.

 

Aste honetako gaiaren inguruko baliabide (abesti, irudi, bideo), irakurketa edo erreferentea izan daitekeen norbait proposatu ikasleekin erabiltzeko.

Goian aipatu doan bideoaz aparte beste hauek proposatuko nituzke:



“Una jaula de grillos” filma. “The birdcage”, Mike Nichols zuzendaria, 1996.

 

https://www.filmaffinity.com/es/film944478.html

Ez dot ezagutu modu dibertigarriagorik bilatu filma hau baino aniztasun sexuala tratatzeko. DBH-n hezkidetzan jartzen nizkien ikasleei eta izugarrizko arrakasta zeukan beti. Hortaz, hezkidetza gai serioa bada ere, badago humorez tratatzeko aukera ere. Gainera aktore bikainez osatutako filma da. Zer gehiago eskatu ahal da?

Bere parean legoke ere IN & OUT filma (Frank Oz, 1991), baita izugarrizko komedia non irakasle batek deskubritzen duen bere homosexualitatea.



 

Beste filma bat ere oso egokia, baita ere DBH ikasleentzako hurrengoko hau da:

“Antes de que anochezca” “Before Night Falls”, Julian Schnabel zuzendariarena (2000).



Filma hau ez da komedia bat, egia esan errealitatzezko historio bat kontatzen du modu oso gordinean. Javier Bardem aktoreak interpretatzen du Cuba-ko Reinaldo Arenas poetaren bizitza. Bati baino gehiago argituko dio filma honek nolatan tratatzen zuen Cubako diktadurak homosexualak. Garbi dago trataera berezi hau homosexualen aurkakoa diktadura ugarien ezaugarri bat dela (F. García lorca nola bukatu zuen gogoratzea besterik ez dago). Zalantza gehiago baldin badauka norbaitek gai honetaz irakurri dezala G. Cabrera Infantek idatzitako memoriak, Mapa dibujado por un espía, 2013. Gauza bat bada adierazgarria oroipen liburu horretan da Cubako agintarien obsesioa “marikoi”-en aurka.

 


 

Orain arteko gutxi iruditzen bazaio norbaiti, hona hemen beste benetako historia bat, U.R.S.S.en gertatutakoa: Citizen X filma (Chris Gerolmo, 1995). Bertan garbi ikusten da utopia komunista materializatzen duen estatu batetan ezinezkoak direla gay-en esistentzia. Baina uste dot oraingo Errusia eta orokorrean Europa ekialdeko herrialdeak ez direla honetan asko aldatu.



 

 Zein da zure ustez hau guztia eremu hezitzaileetan/jendartean lantzeko erronka nagusia?

Orain arte esandako guztiarekin uste dot nahiko garbi gelditu dala erronka ANIZTASUNA onartzea dela. Ikasleek, et gizarte osoak, ulertu behar du LEGE-a bakarra dela, guztiontzat berdina. Gu geu, gizabanakoak gara DESBERDINAK. Berdin du zein den desberdintasuna: etnia, kultura, hizkuntza, sexua, generoa,  erligioa... Guztiek berezitasun pertsonalak dira. Baina denok gara desberdinak besteekiko (edo behintzat horren aukera izan beharko genuke beti) eta aldi berean berdinak gara legearekiko.

2022/02/21

IDENTITARTEAK

 Zer da identitatea? Zertaz ari gara gure identitatea eraikitzen dugula esaten dugunean? Identitatea bat eta bakarra da? Eta beti al da berdina? Zer da identitatea edo identitartea? Tarteetan dagoena ere bada, beti ez ditugu muturrak behar, puntu batetik bestera dagoen hori ere bada. Edo izan daiteke. 

Gai sakona eta korapilatsua aste honetakoa. Hona hemen gai honetan landautako kontzeptu garrantzitsuenetakoekin egindako gurutzegrama: 

 


Kontzeptu horiek guztiak eta askoz gehiago aipatzen dituen aurreko edizioetako blog sarrera bat aukeratu beharko banu hau izango litzateke: https://hezkeh0506.blogspot.com/2021/02/gizon-emakume-kartzela-gainditzeko.html (Gizon-emakume kartzela gainditzeko, hezkidetza)

Asko gustatu zait post horren izenburua. Izan ere, batzuetan gorputza kartzela bihur liteke, eta hezkidetzak baliabideak eman behar ditu bai kartzela horretatik ateratzen laguntzeko, baita kartzelarik egon ez dadin bidea egiteko ere. Edo kartzelak guztiz desagertzeko.  Bestalde, asko gustatu zaizkit blog sarreran erakutsitako testigantzak, pentsarazteko baliagarriak. 

Bide horretan, sentsibilizaziorako baliagarria izan daitezkeen bi gida hauek gomendatu nahi dizkizuet. 

- https://www.igualdadnavarra.es/imagenes/documentos/-236-f-es.pdf (SEXU- ETA GENEROANIZTASUNARI BURUZKO OINARRIZKO GIDA)

- https://drive.google.com/file/d/1oXyWY7gznd_gJNCWRsJlnyMCA-Ugi5Wn/view (Sexu aniztasuna eta familia berriak)

 



- Pikara magazineko audio hau ere bai: https://www.pikaramagazine.com/2019/02/sexu-eta-genero-aniztasuna-hezkuntza/ 

- Azkenik irakurketa hau: 




Azkenik, nire ustez hau guztia ikastetxean/jendartean lantzeko erronketako batzuk honakoak dira:

- Formazioa ematea hezkuntza komunitateko partaide guztiei

- Ikastetxeetako lanketa berezia

- Errespetuzko eta zaintzako jarrerak bultzatuko dituen giroa sortzea

- Eskola espazio segurua bihurtzea era guztietako identitateak garatzeko

- Hezkidetza plan integral bat egotea, identitate aniztasunaren bidean pausuak emango dituena

- Material didaktikoetan eduki hauek txertatzea


ANITZA ETA ASKEA



Aste honetako gaiaren inguruan post hau aukeratu dut: 

Aniztasun sexuala askatasunez bizitzeko alde


Bertan  aipatzen da aniztasun sexualak bermatzen ez direnean zer nolako indarkeria motak jasan daitezken , bai gizartean eta eskola eremuan; bizi dugun sistema bitarraren ikuspegia aldatzeko eta zabaltzeko; hezitzaileon aldetik, sentsibilizazioa funtsezkoa da irakasle zein ikasleekin, hezkidetzaren alderdi hauek lantzeko. 


STEILAS-ek argitaratutako gida gomendatuko nuke, bertan gaiaren oinarrizko kontzeptuak eta hainbat baliabide ugari aurkitu ahal dira. 

 

Genero eta aniztasun sexualerako GIDA.STEILAS. 2015









Hona hemen osatu dudan gurutzegrama:






Eremu hezitzailean lantzeko erronkak: 


-Erronka nagusia homofobia lantzea litzateke; nire ustez, gaur egun bizi dugun jerdartean identitate aniztasuna eta aniztasun-sexualak normaltasunez bizitzeko lehendabizi ikastetxea leku segurua izan behar du, norberaren identitatea askatasunez sentitu eta adierazi ahal izateko. 


-Aniztasun sexualak normaltasunez bizitzeko eskubideaz hitz egin eta ikastetxeetan landu behar da; bermatzen ez denenan jasotzen den indarkeriaz ere hitz egin behar da.


-Bestetik, bisibilitatea eman behar zaie identitate eta aniztasun-sexualei, estereotipoak apurtuz eta normaltasunez bizitzeko eskubidea bermatuz. 


Estereotipoak_hausten (26m);

Bideoan Alira Araneta, Josebe Iturrioz eta Kattalin Minerren elkarrizketak aurkezten dira.

(Bigarren Hezkuntzan, nerabeekin ikusteko proposatzen dut).


- Zeharkakotasuna eta inklusioan oinarritutako hezkuntza zabaldu behar da,pertsonen arteko harremanen aniztasunaz hausnartzeko, egoera desberdinak aztertuz, orientazio sexualagatik pairatzen diren diskriminazioaz eta giza presioaz ohartzeko.


Ezgaitasuna duen neska baten adierazpena (1:45m).  

Bideo honetan herritar guztiak gonbidatzen ditu pertsona eta mundu desberdinak ezagutzera. Ikasle zein irakasleentzat gomendatzen dut ikusteko eta hausnarketa egiteko. 


 

STEILAS-ek dituen ondorengo baliabide didaktikoak proposatzen ditut aurretik aipatutakoak lantzeko.




Abestiak:


Filmak:

  • Boy (14:35m). (Azpitituluekin).Transexualitatearen gaia: nerabezaroan sortzen diren sufrimenduak, egoera zailak, gurasoengandik ez denean onartzen, ez denean ikusi nahi.

    Aniztasunaren inguruan, jendartearen arteko harremanetan dauzkagun aurreiritziak eta pertsonak “etiketatzeko” joera aztertzen du

Film honek giza identitatea aztertzen du New Yorkeko Ray nerabe transgeneroan;  emakume izatetik gizon izatera igarotzen den horretan jartzen du arreta; Maggie, bere ama ezkongabea, nola hazi modu egokian ulertzen saiatzen ari da.

  • Always Again (6:31m)  LGTB Lesbianen gaia ikusarazteko bideo motza.