Leirerekin bat nator bere bizipenen berri ematen duen momentuan; ni ere egoera berean egon nintzen: 16 urte ingururekin berdintasunaren alde nengoela ez dut zalantzarik, nahiz eta feministatzat ez izan neure burua; beranduago feminismoa eta berdintasuna errealitate bera zirela ohartuta, argi dut feminista naizela!
Iaz Mikel Markezen “Konplize ditut eta maite ditut denak” abestia partekatu zuen Olatzek blogean eta niri ere zuekin konpartitzatzea gustatuko litzaidake, benetan abesti ederra da eta.
Hezitzaile bezala ezinbesteko da betaurreko moreak jartzea, eta, ahal den neurrian, hizkuntza ez sexista erabiltzea. Horrez gain ikasgelak ere inportantzia bera eman behar zaie ikasle guztiei, euren sexua kontuan izan gabe eta horretarako oso baliagarria izan daiteke golden 5 dinamika
Hori gutxi ez eta ezinbesteko da klaustroari jakinaraztea ikasgelak mistoak izanagatik ere, ez dela eskola hezkidetzailea bermatzen. Bestalde, ni zientzietako irakaslea izanik, garrantzitsutzat ikusten dut emakumeek zientziari eginiko ekarpenen berri ikasleei ematea. Emakume asko izan dira lorpen handiak egin dituztenak eta horiek ikustaraztea ezinbesteko da. Hona hemen gure ikasgelako paretan dugun posterraren irudia:
Bereziki Dian Fossey zoologoaren jarraitzailea naiz, emakume hori izugarri miresten dut. Gorilekin bizi izan zen, eta animalia horien inguruko ikerketa andana egin zituen eta animalien kontserbazioan aritu zen Ruandan, ehiztari batzuk hil zuten arte. Bere inguruko filma ere egin zuten: 
iruzkinik ez:
Argitaratu iruzkina