I won’t back down!

Hezkidetza gaia ez zen gai arrotza niretzat eta ikastaroa aprobetxatu nahi nuen gai horretan sakontzeko. Esan dezaket hasierako asmoa bete dudala. Asteko irakurgaiak oso egokiak izan dira azpigaiak definitzeko eta, era berean, gaur egongo egoera ezagutzeko. Beste alde batetik, gainontzeko parte-hartzaileen ekarpenak ia kontrolaezinak izan dira, izan ere, denboraren aldetik dedikazio handia eskatzen zuen. Agian, ikastaroa bukatu eta gero beta gehiago izango dut blogean sartutako iradokizunak berrikusteko.

HEZKIDETZAN ESKU HARTZEN ikastaroari lotuko zenizkiokeen 3 adjektibo, 3 izen edota 3 sentimendu/pertzepzio:

• Izenak: eraldatzailea, erantzukizuna eta kolektiboa.
• Adjektiboak: zabala, orokorra eta koherentea.
• Sentimenduak/ pertzepzioak: erronka, bilatzeko jakin-mina, ikuspuntu desberdinak, osagarriak aurkitzea…

Zer ikasi duzu zeuri buruz ikastaroan? Eta gainerako ikastarokideei buruz? Nola baloratzen dituzu guztion arteko elkarrekintzak?

• Prestakuntzak beti alde positiboak dituela.
• Zenbait ikasturtetan zehar jaso eta barneratu dituzun iradokizunak ordenatzeko aukera izan dudala.
• Berdintasuna lortzeko bidean gaudela, baina indar eta aldaketa asko ere falta direla.
• Ikaskideen arteko errespetua.
• Ikastaroa iradokizun erakargarriekin topatzeko aukera izan daitekeela, hala hartu nahi izanez gero.

Bukatzeko, hona  hemen abesti zahar bat, Tom Pettyren I won’t back down, hain zuzen ere. Azken finean,  oztopoz beteriko bizitza baduzu/dugu ere, aurrera joan behar duzu/dugu.

Ondo izan!!