Emakume eta gizonen partaidetza orekatua

Aurreko urteko Anaren posta aukeratu dut, asko gusta zaidalako leloa: “Benetako partaidetza parekidea eraldaketa  politiko eta soziala”. Oraindik emakumeen partaidetza soziala eta batez ere politikoa txikia izanik, hori datorrenean espero dot politika egiteko moduak eta gizartearen aldaketa ugariak gertatzea . Hala ere, arriskua ere ikusten dot gizonezkoen bideak eta moduak jarraitzearenak eta hori da saihestu behar duguna, hau da emakumeen bidea egin behar dogu arlo politikoan eta sozialean ere.

http://hezkeh0506.blogspot.com/search/label/Partaidetza%20parekidea

Nire inguruari dagokionez, foro handietan gizonen partaidetza ugariagoa ikusten dot eta politikari dagokionez, are eta handiagoa gizonen partaidetza, emakumeen iritziak eta ikuspuntuak eskasagoak dira eta gainera gutxiago kontutan hartzen direla deritzot.

Inguru hezitzaileetan eta zientzia eta teknologiako lanbideei dagokionez, partaidetza parekidea sustatzeko erabilgarria izan daitekeen baliabidea Inspira proiektua da, hau da emakumeen bokazio zientifiko eta teknologiak sustatzeko proiektua. Emakume zientifikoen eredu errealak aurkezten dira geletan  eta beraien ibilbideari buruzko solasa  gelan ematen dabe besteak beste. Hemen ikus dezakezue bideo bat proiektu hau azaltzeko:

https://www.youtube.com/watch?v=Mc4p42o5R1U

Leioako aholkularia den Pilar Etxebarriaren proposamenak Otsailak 11rako (Zientziako Emakume eta Neskaren Nazioarteko Eguna) ere oso interesgarriak dira.

https://zientziaberri.blogspot.com/2019/02/emakume-eta-neska-zientzialarien.html