ESKOLA ERADALTZEN!

I. blokeko 6 astean ikusi genuen bezala, hezkidetzaren aldeko legedia egon, badago, baina gero gure eguneroko errealitatearekin topo egiten dugu eta hor legediaren gauzatzea ez da horren argi agertzen.

Bai erkidegoan, bai Iparraldean eta bai Nafarroan (hau da Euskal Herrian) dauden hainbat lege eta foru dekreturi jarraibidea emateko, gure ikastetxetan hezkidetza bultzatzeko eta berdintasuna bermatzeko xedearekin irizpide, material, proposamen, ideia, egitasmo… desberdinak martxan jarri dira: baina hala ere, gaur egun Eskola hezkidetzailea utopia da. Ez gara gai izan, eskola mistoaren eredua gainditzeko. Hau horrela da. Eta errealitate honi buelta ematea da gaurko erronka.

Asteko irakurketak hainbat iturburu kontutan hartu behar ditugula dio:

Hasteko, iturburu soziologikoa: honek gizarte antolamendua eta gizarteen baloreen osaketa eta hierarkizazioa aztertzen ditu. Eta gizarte antolamendu honek eta berak sustatzen dituen baloreak eragina zuzena dauka Hezkuntza Sistemaren baloreekin eta honek finkatzen dituen “jakintzen” legitimazioarekin. Hortaz, iturburu soziologikoak esanen digu, zein den pertsona bakoitzaren papera eta lekua gizartean eta horren arabera zehaztuko da “zer den ikasi behar dena” eta “nork ikasi behar duen zer” (zer den bakoitzak ikasi behar duena).

Bigarrenez, iturburu psikologikoak, pertsonaren garapen ebolutiboari buruz mintzatzen da eta pertsona bakoitzaren ezagutzaren bereganatze prozesua nolakoa izan den aztertuko du. Hezkuntza Sistemak estereotipoak azpimarraztu dituenez, nesken garapena mugatu egin du eta aldiz, mutilen garapena gehiegi baloratu du.

Hurrengoa, iturburu pedagogikoa, hezkuntza ereduei buruz mintzatzen da. Hezkuntza interbentzioak ikasleendako ikaskuntza esaguratsua egitea du helburu, hau da, ikasleak ikasten ikastea. Hezkuntza sistemaren helburua, pertsonak gizarte horren ezaugarrietara doitzea edo gizarte horrek dituen baloreak ezagutzea, ikastea eta bereganatzea izan du helburu, beraz hezkuntza sistema pentsamolde patriarkala hedatzeko tresna izan da.

Bukatzeko, iturburu epistemologikoak ze nolako edukiak trasmitituko diren eta ze metodologien bitartez eginen den aztertzen du. Curriculuma finkatu eta zein izanen den “baliozko jakintza akademikoa” esanen digu; eta beraz, hau izanen da gizarteak baliogarritzat hartuko duen jakintza. Hezkuntza sistema gizonek pentsatuta eta gizonentzako eraikita izan denez, emakumeen ekarpenak eta ikuspuntua baztertua izan da. Horrela ba, errealitatea gizonen inguruan eta beraien ikuspuntua kontuan hartuta interpretatu egin da eta hori izan da (eta bada oraindik) “baliozko jakintza akademikoa”

ITURBURU SOZIOLOGIKOA	Maskulinoa	VERSUS	Femeninoa
	Gizona		Emakumea
	Esparru publikoa		Esparru pribatua
ITURBURU PSIKOLOGIKOA	Autoestimua handia		Autoestimu txikia
	Autokontzeptu handia		Autokontzeptu txikia
	Makronortasuna		Mikronortasuna
ITURBURU PEDAGOGIKOA	Pentsalmolde patriarkala		Pentsamolde hezkidetzailea
ITURBURU EPISTEMOLOGIKOA	Androzentrismoa		Bisibilizazioa
	Banakakoa		Taldea
	Hizkuntza sexista		Hizkuntza inklusiboa
	Razionaltasuna		Afektibotasuna (emozioak)

Aste honetan, zergatik da hain zaila sistematikoki curriculuma eta baliabide didaktikoak hezkidetzaturik egotea? galderari erantzutea eskatzen diguzue eta erantzuna nik uste erraza dela:

Mendez mende, erabili eta errepikatutako hezkuntza sistema hau erabat barneratuta dugu eta horregatik zaila da aldatzea. Oinordetza astuna dugu eta egun batetik bestera, mendez mende sustatutako eredu zaharra bertan behera uztea eta eskola hezkidetzailearen eredua nagusitzea erronka garrantzisua da.

Sistema oso bat eraldatu beharra dago eta sistema oso hori aldatzeko lehenengo urratsa gu, pertsonak aldatzearen alde egotea da. Horretarako gure eredua aztertzea ezinbestekoa da. Beraz, lehenengo pausua, diagnosia eta honekin batera hainbat galdera/ hausnarketa:

1- Ze nolako irakaslea naiz ni?

2- Ikasleak desberdinak direla konturatzen naiz?

3- Nire materiala aproposa da?

4- Edukiaz gain, baloreak eta emozioak barneratzen ditut nire egunerokoan?

Beste urteetako sarreren artean Ane Leniz-rena aukeratu dut:

http://hezkeh0506.blogspot.com.es/2017/01/curriculuma-eta-baliabide-didaktikoen.html

oso aproposa iruditu zait berak egindako komikia:

Aldaketarako lehenengo pausua, diagnosia da. Ondoren, aldaketaren beharraren kontzientzia eta azkenik aldaketari ekin.

Nahi badugu, gure ikasleek mundua beste modu batean eratzea, mundua begiratzeko, beste betaurreko desberdinak eskeini beharko dizkiegu.

Hurrengo arte lagunak