2020/04/01

NAGOEN LEKUAN NAGOELA, HEZKIDETZAILE IZATEN JARRAITZEKO PREST¡¡¡



NAGOEN LEKUAN NAGOELA, HEZKIDETZAILE IZATEN JARRAITZEKO PREST¡¡¡





NAHI DUZUEN ARTE, GUSTU BAT IZAN DA ELKAR LANEAN ARITZEA.










Nire esperientzia prestakuntza honetan oso positiboa izan da, baina egia da inplikazio dexente eskatu didala maila pertsonal eta profesionalean. Zenbait momentutan guztia elkartu zaidanean bereziki malda gora egin zait: lanean topera, etxean... baina oso konten nago emandako bilakaerarekin, dudik gabe ekarpen handia egin dit maila guztitan, ziurrago sentitzen naiz maila pertsonalean eta lanean, ezagupen maila ere hobeagotu dudalako eta horrek nire buruarekin hobeto sentitzen lagundu nau.

Aukeratutako kanta AUKERA BERRIAK, gustatu zait bide gurutze guztiakdirelako aukera berri bat, eta nirea jada egina dago HEZKIDETZAN BUSTITZEA.
Zaila egiten bazait ere, hona hemen hezkidetzaz bustitzeko ezin bestekoak iruditzen zaizkidanak: PARTEKATU, BUSTI, ETA PRESTATU.

Aberasgarria iruditu zait ikuspuntu ezberdinak aztertzeko eta bide batez talde kideen postak partekatzeko modu interesgarria. Elkarrekintzak modu positiboan baloratzen ditut.

Hezkidetzan interesa dugun/duten guztiei zera esango nieke aurrera egiten jarraitu behar dugula egunerkotik hasita eta beti dugula aukera gure begirada hezkidetzailea azaleratzeko gauden lekuan gaudela horrela jendarte osoa bustitzen jarraituko dugu. Nire iritzi apalean beharrezkoa litzateke hezkuntza komunitate osoak prestakuntza egitea.

Etorkizunari begira nire itxaropena zera da aholkulari bezala lan egitea eta hezkidetzaz zipristintzen hasitako bidean jarraitzea: ama, langile, hau da nire maila guztietan.  
Eta aholkulari bezala ezinezkoa bazait, orain arte bezalaxe hezitzaile/irakasle gisa busti guztiak hezkidetzaz.
 BETI ITXAROPENTSU¡¡¡¡





#Josune
#Agurra/azken sarrera.



EZ DUT AGUR ESATEN BAIZIK ETA BETI ARTE



Agur esateko ordua iritsi da, baina izenburuan jartzen dudan bezala ez da adio bat, baizik eta betiko bat. Ikasturte honetan egin ditugun harremanek hazi egin gaituzte, bai maila pertsonalean, bai profesionalean. Ikastaroan gauden pertsona desberdinen ekarpenek gai bati buruzko ikuspegi bat eman didate, eta, beraz, hausnarketa sakonagoa egitera bultzatu nau, eta, aldi berean, erakutsi digu asko garela berdintasunaren alde eta indarkeria matxistaren aurka lanean ari garenak, bai hezkuntzaren ikuspegitik, bai langileen ikuspegitik. Pentsamendu hori indartsuagoa egin zait, eta, aldi berean, eraldaketa sozial horretan jarraitzeko animatzea, ikuspegi profesionaletik bakarrik, baita pertsonaletik ere. Hori dela eta, nire inguru hurbilenean izan duen eragina onuragarria da. Ikastaro honek pisu handiagoko argudioak eman dizkit harremanak ditugun pertsonek egiten dituzten ekintzen aurka borrokatzeko eta emakumeek egunero jasaten dituzten indarkeria-motak bereizteko. Puntu honetan argitu nahiko nuke sailkapen hori ezagutuko banu ere, ziurrenik ez zarela hain kontziente zure inguruan gertatzen ari denaz.

Eta ni ez ezik, nire ingurunea ere aldatu egin da egiten diren ekintzak ikusteko moduan, eta bi aldiz pentsatzen dute horrelako iruzkinak egin aurretik (batez ere sexu maskulinoa). Beraz, esperientzia oso positiboa izan da, eta batez ere beste pertsona batzuen interakzioekin zerikusia duena (gainerako ikasketariak, inguruan dituzun pertsonak, lan-harremanak …).


Ikastaroa defini dezaketen hiru adjektiboei dagokienez:

1.- Askea


2.- Feminista 

3.- Iraunkorra 

Emakumeek historian zehar izan duten bistaratzea kontuan hartuta, honako hiru izen hauek proposatzen ditut:

1.- Flora Tristan: XIX. mendeko idazle eta pentsalari frantziarra

2.- Clara Zetkin, langile-mugimenduan eta lehen emakume unibertsaletan parte hartu zuten lehen emakume alemaniarretako bat








3.- Wu Zetian: Txinan boterea izan zuen eta herrialde horretan emakumeen posizio soziala handitu zuen ekintzaile bakarra, nekazaritzaren garapena bultzatuz.



Eta hiru sentimenduak:
1.- Ahizpatasuna 

2.- Emakume izateagatik harrotasuna

3.- Noranzko identitarioa , bai zure buruarena bai talde batena.







Arestian aipatutakoa dela eta, kanpotik irakurtzen digun jendeari esango nioke anima daitezela mundua (edo gizartea) aldatu nahi den mundu honetan sartzera, eta aldaketa hori emakumeen zein gizonen aldekoa da. Murgilduta gauden kultura patriarkaletik askatzea onuragarria da bi sexuentzat, eta beren burua apur bat gehiago ezagutzera bultzatzen dute, beldurrik eta konplexurik gabe. Guk geure burua gehiago ezagutzen badugu zoriontsuagoak gara, eta horrek eragina du ongizatearen kultura batean.

Horregatik, etorkizunerako nire itxaropenak tratu onetan oinarritutako hezkuntzan sakontzea da; izan ere, gai honekin errespetuan, autoestimuan, asertibitatean, norberaren ezagutzan, autonomian eta abarretan ere sakontzen dugu, bai eta pertsona gisa garatzen laguntzen diguten beste hainbat alderditan ere, banaka zein gizarte bateko kide garen aldetik. Aldi berean, gaitasunak lantzen ditugu, eta, beraz, baita euskal curriculuma ere.

Aste hauetan bizi izan duguna adierazteko aukeratu dudan abestia bukatzeko.

2020/03/16

III-6-3 Tratu onei buruz hausnartzen
Hausnartzen
Gakoa pertsona eta bere harremanak dira. Norberak bere buruarekiko baita honek besteekiko eraikitzen dituenak. Beste gako bat, errespetuan oinarritutako harremanak dira. Egia esanez, Hezkuntza-sistema hezkidetzailea osatzeko baliogarriak diren oinarriak gizarte osoaren eremu ezberdinetan ere baliogarria dira. Horregaitik, elkarbizitza positiboaren alde egiten dugu!!!





Kideen ekarpenak

Pozgarria da, Josunek eginiko posta hemen berriz ere isladatzea.
Alde batetik, Isabel Arresek (lankide ohia eta laguna) eta Marisa Escobalek Santurtziko Axular Institutuan eginiko proiektuen aurkezpena: Bizikidetza positiboa eta Elkarbizitza osasuntsuaren harira. Bestetik, urteetan (proiektu horietaz gain) herri mailan eginiko lan zoragarriagaitik, hainbat gazteentzat, hasieran LHn ondoren DBHn erreferente bihurtuz. Irakasle eredugarriak benetan!!!!!

Baliabide abesti, bideoak, linkak….
Ahozkotasuna harremanatzeko tresna baliogarria da. Komunikazio egokia eta eraginkorra erabiltzea, besteekin izango ditugun harremanak baldintzatuko ditu. Hona hemen honen inguruko artikulu interesgarria.

Komunikazio ez bortitza

Berdinen arteko tutoretzak, taldearen kohesiorako eta bullyina sahiesteko bide egokia da.



ELKAR ZAINDUZ, ERA KOLEKTIBOAN, AURRERA EGINGO DUGU !

       ELKAR ZAINDUZ, ERA KOLEKTIBOAN,
           AURRERA EGINGO DUGU !




  Jone Miren Hernandezek aipatu bezala "zaintza elementu potentea da jende asko eta askoren bizitzetan, baina, era berean, ezkutuan dagoen gaia da, oso txertatua dago egunerokotasunean, baina oso pisu txikia du sozialki eta politikoki"*


*http://www.hikhasi.eus/Albistegia/20161214/jone-miren-hernandez-quotamatasuna-konpresak-bezalakoa-da-izan-behar-duzu-baina-ez-da-nabaritu-beharquot



 Konturatuak hasiak gaude,  bizi garen osasun krisia, zaintza krisia ere badela...izan ere, zaintza lanak ageri-agerian gelditu dira egunotan...beraz, behar-beharrezkoa dugu zaintza birpentsatzea. Planteamendu berriak , jendarte eredu berri bat ekarriko duelarik, derrigor!: Hemen topatu ahal ditugu Esperientzia komunitario eraldatzaileak:

 https://www.argia.eus/argia-astekaria/2616/zahartzaroko-mendekotasunak

Bestalde, maitasunezko tratu onak jorratzekotan  maitasun erromantikoari kareta kendu beharko genioke:

https://www.educacion.navarra.es/documents/27590/37095/6+Amodio+zintzoen+gida.+Nafarroako+Gazte+Konseiluak+egindako+gida.pdf/9f2c7ad8-9ebb-4ca6-84e2-e60dce100d2f


Leire Garrok idatzitako post-a aukeratu dut oso ondo egituratua eta osatua dagoelako, argumentuz eta baliabidez:

http://hezkeh0506.blogspot.com/2017/03/tratu-onak-elkarbizitzaren-oinarria.html?m=0

Bukatzeko, hezkuntzak dituen erronken artean honako hauek leudeke:

- Ikasleen autoezagutza eta autokontzeptua lantzea, nork bere buruarekin gustura senti dadin lortuz.

- Eskola komunitate osoa tratu onen inguruan sentsibilizatu eta honen inguruko lanketa sustatu.

- Maitasun erromantikoaren mitoak deseraikitzea.

- Guztien arteko harremanak positiboak eta kalitatezkoak izateko ahaleginak egitea.

- Zaintza emakumeen ardura ez dela ikustaraztea, berdintasunezko bizikidetza bat bultzatzearren.

- Gainerakoekiko errespetua bermatzea.

Ondo maite zaitut



 
2016an Miren Amuriza bertsolari, abeslari, idazleari... irakurri nizkionetik Berrian, ahalik eta gehienetan saiatzen naiz erabiltzen. Ahoz ordutik. Ekintzaz lehenagotik, askoz lehenagotik, jakin barik ari nintzen horretan “tratu onak” baino gehiago zirela: “Ondo maitatzea zaintzea da, ez itotzea; onartzea, ez aldaraztea, ez idealizatzea; bestearekin kritikoa izatea da, ez epaitzea; hobetu dezan motibatzea, ez eskasa dela sentiaraztea...” Hitzok oso erraz dira irakurtzekoak, eta ulertzekoak, ez da? Geure buruari begiratuz gero, zenbatek esan dezakegu gai garela gure inguruko pertsonekin horrela aritzen garela? Baita Twitterren edo Facebooken harremana dugunekin?

Ondo maitatzea da “Gurasotasun Positiboa”ren proposamena. Lau hitzetan laburbildu daiteke gurasotasun positiboa: Mesedez (zure parte hartzea beharrezkoa da). Eskerrik asko (zure denbora partekatzeagatik). Barkatu (nire okerra onartzen dut). Fidatzen naiz (badakit gai zarela).

Ondo maitatzea zaintzatik hastea ez legoke txarto:





Arbasoen hitzetatik Bego Mentxaka-ren Tratu onen bila aipatu nahi dut, ematen dituen baliabideengatik. Etxean pasatu behar ditugun egun hautarako nahikotxo!!
 


Zein dugu erronka? Desikastea. Honekin ere orain arteko hierarkia eta jabetzari lotutako harremanak ahaztu behar ditugu. Haurrak, ikasleak, ez dira “gureak”. Gurekin batera, elkarrekin bidaiatzen dugun bidaiariak garela imajinatu behar dugu. Eta bidaiaren amaierara onik ailegatzeko denon beharra dugula.

Nondik has gaitezke? Honatx proposamen txiki bat. Egunotan etxean geratu behar garela aprobetxatuz, hainbat ekimen sortu dira. Hoietako bat (Estación Bambalinaren euskaraketa GazteOiartzunek egin omen du) “70 ideia erraz”. Hauek elkarrekin egitea da nere proposamena. 



Eta hauek egiten ditugun bitartea, musika entzutea!
 

TRATU ONEN OINARRIAN, ELKAR-ARDURA ETA ZAINTZA


“Harreman” kontzeptuari buruz hausnartzean, kanpoaldera begiratu ohi dugu eta pertsonen arteko harreman-dimentsioa (bizipenak, esperientziak…) bezain garrantzitsua da, pertsonaren barrukoa (emozioak, sentimenduak, ideiak…). Bata zein bestearen kalitateak pertsonaren ongizate emozionalaren mailan eta bere elkarbizitzaren kalitatean eragin zuzena izango du.


Garunak generorik ez duela behin frogatuta, pentsaera estereotipatuen ondoriozko jokaerak dira tratu onen etsairik nagusienak, afektibitatezko harremanak eratzeko: nork bere buruarekin, besteekin, hurbilekoen artean, bestelako bizidunekin, gauzekin eta inguruarekin.
Beraz, maitasunezko tratu onak eraikitzeko, aditu batek baino gehiagoren hitzetan, maitasun erromantikoaren mitoa berrikusi eta desikasi behar da, hau ideologia jakin batek eraiki bait du, patriarkala eta kapitalista denak. Maitasun pentsamenduak,  gizartea osatzen dugunon arteko harremanak batzen ditu, bizitzeko modu bat da, emozioak eta maitasuna erdigunean jarriz.


Horregatik garrantzitsua da, estereotipo eta etiketak gainditzea, genero indarkeriaren oinarriak desagerrarazteko. Harreman toxikoei uko eginez, askatasunez bizi eta aukeratzeko eta honela, maitasun modu berriei lekua egiteko.


Tratu onak sustatu eta denboran zehar irauteko, elkar ardurari heldu beharko genioke, norberak ardurak banatzeko hartzen duen erabakiari alegia. Bizimodua plazerraren eta zaintzaren bueltan antolatuz, zaintza lanak eta etxeko ardurak era parekidean partekatzea ezinbestekoa da. Zaintzari duen kutsu negatiboa kendu eta balio positiboa emanez, interdependentzia gure egunerokotasunean presente dagoela gogorarazi beharko litzateke.

Gaian zehar agertu diren ideietan oinarritutako leloa honakoa:




Aurreko edizioetako post hauxe aukeratu dut gaia definitzeko ideia eta baliabide egokiak erabili dituelako.

Ikasleekin lantzeko aproposak izan daitezken baliabide hauexek proposatuko nituzke:

Gaztetxoek, nahiz nerabeek ikuskatzeko bideoak:








Nerabeek ikusteko beste bideo hau:



Nerabe nahiz hezitzaileekin lantzeko artikulu hauen irakurketa:




Lourdes Rellosoren liburuaren irakurketa:




Emausek proposatzen duen gida hau elkarteek lantzeko, honako baloreetan oinarritua:

k o n f i a n t z a, g a r d e n t a s u n a, h o r i z o n t a l t a s u n a ,eraikuntza kolektiboa, lankidetza, erantzukidetasuna ,e k o d e p e nd e n t z i a, bizitza erdigunean kokatu, p a r t a i d e t z a, zaintzak, komunikazio ez bortitza, interdependentzia, entzute aktiboa, aniztasunean eta aniztasunarekin ikasi.



Steilasen tratu onetan oinarritutako unitate didaktikoa.

Irakasleentzako gida hau.

Ikastetxe pare batean landutako tratu onen dekalogoak:



Hezkuntza edo jendartean tratu ona eta elkarbizitza positiboa sustatzeko erronka bezala, Mari Jose Urruzolaren proposamenak aipatu nahiko nituzke:

Nork bere buruarekin harreman ona izateko:
Autoezagutza landu eta onartu.
Zure gorputza onartu eta maitatu.
Autoestimua garatu.
Konparaketak utzi.
Jarrera kritikoa erakutsi.
“Ez” esan.
Autodefentsa garatu.

● Besteekin (orokorrean):
Agurtu eta hitz goxoak erabili.
Hizkuntza hezkidetzailea erabili.
Janzkera, hizkera, izaera errespetatu
Begikotasunez jokatu.
Elkartasunezko jarrerak erakutsi.

Hurbilekoen artean (lagunak, senideak, ikastetxean)
Elkarri lagundu.
Entzun, saiatu ulertzen, komunikatu.
Ekarpenik onenak eskaini.
Sexismorik gabeko jarrerak erakutsi.
Besteak diren bezalakoak onartu.
Besteen gorputza errespetatu.
Manipulazioei eta erasoei ezetz esan.
Betebeharrak aurrera eraman eta besteei eskatu.
Arazoei konponbiderik emankorrena bilatu.

Arremanitzeko kideak proposatzen duten, hezkuntzaren erdigunean zaintza jartzearen ideia ere ezinbestekoa litzateke: emaitzetan oinarritutako ikasteko modua lehenetsi beharrean, pertsona jartzen da erdigunean, konfiantza emanez eta behar duen arreta eskeiniz.

Bukatzeko, eta hau bai jendartean lantzeko erronka bezala, ideia orokorrago bati heldu nahiko nioke, Ekofeminismoaren kontzeptuari: giza bizitza erdigunean kokatu eta produkzioa haren zerbitzura jarri eta ez alderantziz, egungo ekonomia kapitalistan egiten den bezala.


HARREMANAK, TRATU ONAK, BIZITZA ETA ZAINTZAK ERDIGUNERA=ONGIZATEA



HARREMANAK, TRATU ONAK, BIZITZA ETA ZAINTZAK ERDIGUNERA=ONGIZATEA





Aste honetako gaian tratu onek duten garrantzia aztertu dugu elkarbizitza positboa eta kalitatezkoa lortzeko erronkan. Berarekin lotutako hainbeste kontzeptu, ideia eta baloreak botako ditut hementxe: begirunea, askatasuna, independentzia, interdependentzia, erantzunkizuna, enpatia, berdintasuna, korrespontsabilitatea, kontziliazioa, errespetua,...

Maitasun modu berriak eraiki behar ditugu mintzen eta gaixotzen gaituen amodio erromantiko, patriarkal eta kaltegarriaren eredutik kanpo.

Ekofeminismotik helduta giza bizitza erdigunean kokatu beharra dago, produkzioa bizitza horren zerbitzura jartzen, alderantzikatzeko prozesu batean murgilduz. Zaintzak erdigunean jartzen ditugunean, zera da: pertsonak, bizitzak,...; sistemarekin talka egiten dugu aurrez aurre, mundua mugitzen duen orden kulturalak (patriarkatua) eta ekonomikoak (kapitalismoa) deseraiki nahian.

Justu momentu honeta COVID-19 ditxoso birusarekin sortu den krisialdiaren aurrean Euskal Heriko Mugimendu Feministak zaintza lanak kudeatzeko mahaia eratzea erabaki du eta mahai hori osatzeko deia luzatu die EAE, NAfaroa eta Ipara Euskal Herriko elkargoei, sindikatuei eta baita alderdi politikoei. Erantzun indibidualez harago honen aurrean kolektiboki antolatu beharra azpimarratu du mugimenduak ze benetako arazoa eta krisia egiturazkoa da; zaintzaren dimentsio estrukturala ikusi beharra dago paradigma aldeketarantz joateko.



Pasa den urteko posten artean Unknown moduan sinatzen duenarena gustatu zait zaintza eta maitasun erromantikoa azimarratzen dituelako harremanak zaintzeko,  https://hezkeh0506.blogspot.com/2019/03/zaindu-ditzagun-gure-harremanak.html, eta nire ustez gure ikasleen artean asko lantzeko daukagu ondino erronka potente honetan.
Zer da maitatsuna, ondo maitatzea...










Gida eta material nahikotxu daukagu baina niri bereziki gustatzen zaizkidan adituak aipatuko ditut:
Ianire Estébanez (http://minoviomecontrola.com/portada/blog-me-controla-lo-normal/) gazteen mailan, Coral Herrera (https://haikita.blogspot.com/) gurean eta Mariluz Esteban (https://eu.wikipedia.org/wiki/Mari_Luz_Esteban_Galarzateoria mailan.


Erronken artean, honako hauek aipa ditzakegu:

  • Tratu onak lantzea ikuspuntu desberdinetatik.
  • Nor bere buruarekin: autoezagutza, gorputzaren onarpena, autoestimua, jarrera kritikoa, "ez" esaten trebatu, autodefentsa estrategiak...
  • Besteekin: agurtu, hizkuntza hezkidetzailea erabili, janzkera eta izaera errespetatu, elkartasunezko jarrerak erakutsi...
  • Hurbilekoen artean: elkarri lagundu, entzun, ulertu, komunikatu, ekarpen onak egin, sexismorik gabeko jarrerak azaldu, besteak onartu, besteen gorputza errespetatu, arazoen aurrean konponbide emankorrak bilatu denen artean...
  • Beste bizilagunekin eta ingurukoekin: zaindu, arduratu, birziklatu,  solidarioa izan...
  • Ikasleekin maitasun erromantikoaren mitoa desegin eta maitasun osasuntsuaren lanketari heldu.
  • Erantzukidetasuna landu ikasleekin, zaintzari berariazko arreta eskainiz.
  • Irakasleekin formazioa antolatu eta elkarren artean esperientziak trukatu.
  •  Elkarbizitza Behatokiaren bitartez gai honek behar duen garrantzia eman eta Elkarbizitzak Planean ekintzekin gauzatu genero ikuspuntuaahaztu barik. 
  • Gurasoei formazioa eskaini.
  • ...