Hezkidetzak jai eta ospakizunekin topo egiten

Oso gai interesgarria jaiak eta ospakizunen gai hau. Inoiz ez dut horrenbesterako hausnarketa egin honen inguruan eta uste dut gehiago ikertuko dudala honetaz.

Iazko ekarpenen artean Argiñek egin dituenak hausnarketarako balio izan dit. Berak esaten du askotan, ez bada gehienetan, "ospakizun moreak" 24 ordukoak direla, eta nik ere hala dela uste dut. Horietakoak ez diren ospakizunak, estereotipoz beteta daude, eta askotan ez gara horretaz ohartzen.

Bilgune feminista

Egia da, berak dioen moduan, kultura islatzen dute eta tradizio horien jatorriak gizarte konkretu baten kokatzen dira. Ospakizuna bere garai horretan txertatu behar da, egia da, baina gaur egun gizartea aldatu da eta gauzak eguneratu behar dira, nahiz eta bere jatorriarekin ez izan harreman handirik. Horregatik onartu beharko genuke beharrezkoak diren aldaketak arazo barik. Argi dago aldaketa horien artean emakumeen parte-hartzea dugu, aurreko garaietan bere papera ez zelako oso partehartzailea. 

Beste alde batean, Argiñek esaten duen moduan jaietan hainbat eraso justifikatu egiten dira, baina hori onartezina da. Musika askoren letrak ere aztertzen ditu eta guztiz ados berak egiten duen azterketarekin. Ez du ezertarako balio geletan hezkidetza lantzea, eta gero, denbora librean letra matxistekin dantza egitea.

Jaiak eta ospakizunak hezkidetzaren ikuspuntutik landu behar badugu, eskoletan ospakizun guztien jatorria eta ezaugarriak ikertu beharko genituzke, gehienetan ez dakigu zein diren jatorriak eta. Horrez gain, ikerketa horretan landu behar genuke nola sartu hezkidetza ospakizun horretan.

Ikastetxeetan zer/nola egiten diren ospakizunak aztertu beharko litzateke, eta diskriminaziorik balego, hezkidetza nola sartu erabaki beharko litzateke. Azterketa egiteko dokumentu hauxe ikusi dut iazko proposamenen artean, eta oso baliagarria iruditu zait. Euskeratzea izango zen egin beharreko lana:

Klaustro, ikasle eta familiekin aztertu beharko litzateke hezkidetza nola sartu ospatzen den guztietan. Ondo legoke denon artean diseinatzea hezkidetza txertatzeko jarraibide batzuk diseinatzea eta ezartzea. 

TOPA! JAI ETA OSPAKIZUN HEZKIDETZAILEEN ALDE!

Jaiei edo ospakizunei buruzko hausnarketatxoa doakizue ondorengo lerrootan.

Hasteko, horra hor, egin dudan AKROSTIKOA:

 Aurreko ikasturteko postetatik, asko gustatu zaidana #ItziarIrigoienena izan da: http://hezkeh0506.blogspot.com/2018/11/ospakizuna-betor-ospakizuna.html 

Izenburua deigarria iruditu zait, aurkeztutako hitz-irudia ederra begitandu zait eta egindako hitz-irudi laburpena, bikaina. Oro har, erakargarria eta esanguratsua Itziarrek egin zuen lana eta berak jarritako  erronkekin guztiz bat nator.

Bestalde, KONTURATU NAIZ jai askoren  jatorria nik behintzat, ez jakiteaz gain, aldatu egin dela benetako zentzua jai edo ospakizun askotan eta euretako asko kontsumismoarekin oso lotuta daudela gaur egun, esaterako AMAren edo AITAren egunak, San Valentin eguna.... USTE DUT oso interesgarria litzatekeela jai edota ospakizun garrantzitsuen jatorria jakin, hausnartu eta hezkuntzan horren esku-hartzea egitea. GEHIAGO IKERTUKO DUT, hots, astiarekin egutegia hartu eta nik neuk, behinik behin, parte hartzen dudan jai edo ospakizunen jatorria zein den aztertu nahi dut.

Beraz, arestian aipatutakoa eremu hezkidetzailean lantzeko erronken artean, ondorengoak leudeke: 

• Gai hori Hezkidetza II. Planeko zein helbururekin lot daitekeen ikusi eta planean txertatu.
• Ikastetxeko Hezkidetza batzordetik sustatuta, ospakizunen zerrenda bat egin eta genero ikuspegia duten edo ez ikusi. 
• Ondoren, ospakizun horiek genero ikuspegirik ez badute, hausnarketa egin eta genero ikuspegia izateko beharrezkoak diren ezaugarrien zerrenda bat sortu.
• Klaustroan zerrenda ezagutzera eman.
• Mintegika edo zikloka, genero ikuspegia txertatu ahal izateko zerrenda kontuan hartu eta  jardueren bidez edota erronka-egoeren bidez ikasleekin landu.
• Hezkidetza II. Planean hasieran zein helburu aukeratu zen ikusi,  adierazleak hartu eta egindakoaren ebaluazioa egin.                                                                                                                                             Amaitzeko, "DENONTZAKO JAIAK" izenburuarekin, 2013ko udan, Uxue Alberdik ARGIA aldizkarian argitaratu zituen bertsoak doazkizue, asko gustatu baitzizaizkidan: https://www.argia.eus/argia-astekaria/2379/denontzako-jaiak