2019/04/25

Egin dezagun Klika Hezkidetzaren alde!

22 astez elkarrekin eta mila gauza ikusi, ikasi, desikasi, zalantzan jarri ditugu.... Idaztera, publikatzera, hausnartzera ausartu edo trebatu gara, material bikainak irakurri eta partekatu ditugu eta sekulako lantalde baten koordinazioaz gozatu dugu.

Ikastaroa ezin da hitz gutxitan definitu, hori badakigu...


Lortu dugu hezkidetzaren hazia landatzea. Orain, pixkanaka-pixkanaka lanean, lagun artean, familian... gure esku dagoena egiten saiatu beharko gara. Badugu ikuspegia, baditugu baliabideak, trebetasunak... ausartu gaitezen beraz!

Egin dezagun Klika hezkidetzaren alde!


Guztiok bat egitea ezinbestekoa
bakoitzaren nortasuna errespetatzea
motorrak arrankatzeko momentuko aukera
gurea, herrikoa, HEZ - KI - DE - TZA

Tipi tapa tipi tapa lortzen merezi duguna
martxan jartzen hasteko eginzazu KLIKA
ez dugu presarik helburua argi dago eta.
Pausuz pausu, gure erritmora!
(…)
Jai giroa, bero beroa
Orain oraingoa gero gerokoa
Oreka ez galtzeko oinarri sendoa
Hauxe da gure leloa:
PO-PO- PO- SIBLEA DA JENDARTEA ALDATZEA
elkarren artean konektatzea
Pra- pra- praktikatzea
euskara ETA FEMINISMOA gure artean bizitzea

Lan ta lan, banaka, taldean
Aukeratu zure lekua bidean
Herriaren arnasa sentitzen da
Korrika datorrenean

Zu gabe, zu gabe, hau ez da posible
orain gaur eta hemen dena da POSIBLE
(…)
Klika, klika!
Gure sarea doa korrika
(…)
Klika, klika!
Betikoak ari dira guri sermoika
Klika, klika!
Euskaraz egingo diet zirika
(…)
Suaren erritmora, hitzari bide eman
arbasoen dantzak, kulturaren gorputzean
Kantauriko brisa, Barde(a)tako ziertzoa
Gure Borrokan tinko jarraitzeko hauspoa
Pista argituko duen metxa piztu dadila
Herri feminista eta askearen alde Klika!!!!

Mila mila esker astero hor egon zareten guztioi, partekatu duzuen guztiagatik eta ikastaroa posible egiten duzuenei!

Ziur nago Hezkidetzan Esku Hartzen ikastaroak etorkizun oparoa izango duela :)

Hurrengorarte!

2019/04/22

HAS GAITEZEN HAZIAK LANDATZEN!

Iritsi da elkar agurtzeko eguna. Ikastaroak aurrera egin ahala, gaiak geroz eta interesgarriagoak egin zaizkit, geroz eta motibatuago egon naiz (nahiz eta lanagatik askotan larri samar ibili eta ez egin  proposatutako jarduera guztiak). 

Barrenak askotan mugitu zaizkit ikusitako bideo edota irakurritako artikuluren batengatik. Ez da juxtua... Norbanako bakoitzak haziak landatzen hasi beharra daukagu inori begira egon gabe eta, pixkanaka-pixkanaka, sustraiak zabalduko dira eta erakarriko dugu jendea Hezkidetzara, horixe baita bide zuzen bakarra. Lanean hasi beharra dago, fruituak ahalik eta azkarren jasotzeko. Gizarteak eskertuko du, guk eskertuko dugu.

Mila esker zuen ekarpenengatik, benetan baliagarriak dira.

Jarrai dezagun bada, mundu juxtuago bat lortze bidean, hezkidetzaren alde lanean.