2017/03/25

Tratu onei buruz hausnartzen

TRATU ONEI BURUZ HAUSNARTZEN.


  • ·                                                    AUTODEZAGUTZA

                      ARDURA
           ELKARTASUNA
                    ENTZUN
              ULERTU
                 GOXOTASUNA
                   ZAINDU
AUTOESTIMUA
         KOMUNIKATU


  • ·         Iazko ikastarokideen artean  Oihane Esturoren posta aukeratu dut. Aipatzen dituen baliabideak oso interesgarriak iruditzen zaizkidalako eta baita, hezkuntza eremuan elkarbizitza positboa lortzeko eta kalitatezko elkarbizitza sustatzekoematen dituen aholku edo pautak ere.




Bere postan azaltzen den  irudi bat asko gustatu zait eta hemen  txertatu dut..



  • ·         Ikasleekin lantzeko aproposak iruditzen zaizkit….



Gaiari hasiera emateko, kartel honetako lorean azaltzen diren, hitz pottoloak zer esaten dieten,ikasleei galdetuko nieke.

Edo baita bideo hau ikusi.






Maite Asensio kazetariaren hitzak,abiapuntutzat harturik,”adituen ustez gizonezkoek seme-alaben zaintzan eta hazkuntzan gehiago parte hartzeak maskulinitate eredua alda dezakeela eta bikotearen orekan eta haurren osasunean ere onurak dituela”.Rio Ferdinand futbolariaren hitzak,gure ikasleekin aztertu genitzazke.




"Ahora entiendo la importancia que tenía como madre. Nosotros los hombres somos ignorantes. Muchas mujeres cuidan de la familia y del hogar, y creemos que eso no es un trabajo. Es un trabajo muy duro", indica.
El principio, el ex defensa trató de no exteriorizar su pena intentando mantenerse ocupado. Pero poco a poco fue habituándose a la bebida. Y entonces decidió ponerse en manos de profesionales para superar su crisis personal: "Uno no quiere que la gente le compadezca. En la cultura machista que me rodeaba, cuando alguien se sentía así, parecía que fueras débil", lamenta.

  • ·         HEZKUNTZAN/JENDARTEAN LANTZEKO ERRONKAK.



- Tratu onen inguruan Irakasleekin formazioa antolatu eta elkarren artean esperientziak trukatu.

- Familiekin lantzea eta formakuntza eskaintzea

- Eskolakide guztien ongizatean oinarrituriko kulturaren alde egitea eta Hezkuntza proiektuan txertatzea-

 Eskolako komunitate kide guztiok zaindu behar ditugu gure arteko harremanak eta tratu onak sustatu behar ditugu. Ezinbestekoa da denok gustura egoteko eta batzuetan hezitzaileoi ahaztu egiten zaigu.

- Ikasleekin maitasun erromantikoaren mitoa desegin eta maitasun osasuntsuak tutoretzan lantzea

-Tratu onen dekalogoa egitea proposatuko nieke ikasleei eta geletan eta pasiloetan jarriko nuke.

-Ikasleek patriarkatuarekiko ikuspegi kritikoa garatzera laguntzea izan behar da lehen pausua.




2017/03/23

Kanpotik barnera, barnetik kanpora

 Harreman hitza entzutean, kanpoaldera begiratu ohi dugu. Baina pertsonen arteko harremanak bezain garrantzitsuak drra pertsona barrukoarenak.  Izaki sozialak gara,  eta zoriontasuna helbruu dugu baina hala ere, tratu txar eta harreman ez poitiboak egunero antzematen ditugu. Faktore sozio-kulturalek zeresan handia daukate harremanetan. 




Aurreko urteko ekarpenen artean, ondorengoa hautatu dut: http://hezkeh0506.blogspot.com.es/2016/03/tratu-onen-gainean-hausnartzen.html . Bertan plasmaturiko irudiek indar handia dutela iruditzen zait. Horrez gain, bideo euskarri interesgarri bat ere partekatzen du “hechos son amores”.





Ikasleekin lantzeko aproposa izan daitekeen baliabideen bila ibili ostean, ondorengoa hautatu dut:  http://egk.eus/eu/amodio-zintzoen-gida/   Amodio zintzoaren gida. Bertan, amodio osasuntsu eta kaltegarriaren inguruan hitz egiten da. Genero indarkeriak duen eragina eta gure eskura dauden baliabideak.


Nire ustez, aipaturiko guztia hezkutnza/jendarten lantzeko erronkak ondorengoak dira :
  • ·         Eskola komunitate osoaren sentsibilizazio eta lankidetza. Horrez gain, eredu hezkidetzaileak ematea.
  • ·         Elkarbizitza positiboa, kalitatezkoa bermatzea.
  • ·         Erantzunkidetasun eta elkar ardura sustatzea. Zaintzaren garrantzia azpimarratzea.
  • ·         Maitasun osasuntsurako oinarriak sustatu: ikuspegi ezberdinak, autonomia, enpatia, berdintasuna, ekitatea askatasuna etab.



2017/03/21

Harremanak barrura eta kanpora



 zeure burua maiTatu
                     elkaRtasunezko jarrerak
                           Autoezagutza
                      besTeen gorputza errespetatu
     elkarri lagundU

                         Onartu
                    zaiNdu
                         Autoestimua garatu
                 Komunikatu

Iazko ikaskide baten post hau aukeratu dut.
http://hezkeh0506.blogspot.com.es/2016/03/tratu-onen-bila.html

 Aste honetan tratu onen gainean aritu gara, eta hezkuntzan tratu onak harremanetako ardatz izan behar dutela uste badugu, oso garrantzitsua da ereduak ematea. Tratu onak zer diren guztion artean erabakitzearekin batera tratu onen erduak eskaintzea. Gainera, hezitzaileok tratu horien eredu izatea.

80 egunean filma gomendatzen dut, adibidez batxilergoko ikasleekin lantzeko. Zaintzaren inguruan hitz egin daiteke eta horrek sor dezakeen menpekotasunean. Pelikula polit bezain interesgarria. 




2017/03/20

Indarkeria matxista gainditzen

INDARKERIA MATXISTAK GAINDITZEN








          Aste honetako gaian indarkeria matxista izan dugu aztergai eta Maitena Monroy-k indarkeria matxista honela azaltzen duela ikusi dugu :  “menderatzaileak, kasu honetan, gizaki arrak, bere figuratik eta bere begiradatik erabiltzen duen indarkeria da. Begirada horren bidez desiragarria dena eraiki da, eta, beraz, definizio horrekin bate z datozen portaeren desegokitasuna ere bai. Arriskuan daude emakumeak, baita `andreak menderatzen dituen gizon`izateko arautik ateratzen diren gizon guztiak ere”.
       
  Indarkeria matxista aztertzean argi eta garbi ikusten da, gizonak direla eragileak emakumeenganako indarkeria mota honetan eta matxismoa bera dagoela horren jatorrian. Azpimarratzekoa da baita ere indarkeria matxista ez dela emakume batzuen banakako arazoa ez emakume guztiena, jendarte osoarena baizik, mundu mailan ageri dena. Indarkeria matxista arazo politikoa da; hortaz, guztion ardura da, kolektiboa zein pertsonal mailan.

Indarkeriaren manifestazio anitzak daude: sotilak (hizkera, mikromatxismoak, kontrola , baliogabetzea, inbisibilizatzea, …) edo begi bistan ikusten direnak eta esplizituak (mespretxuak, umilazioak, eraso fisikoak, bortxaketak, erailketak) edo ikusteko zailak direnak.
        



Mugimendu feminista izan da arazoa bistaratu, salatu eta konpontzeko bideak eman dituena eta bi bide edo estrategia bultzatu ditu:
·         Maskulinitate berriak : gizontasun hegemonikoarekin apurtu eta eredu maskulino berriak eraikitzea da. Horretarako ezinbestekotzat jotzen da, gizontasun hegemonikoa aztertu, hau modu indibidual eta kolektiboan zalantzan jarri (inposatutako estereotipo maskulinoak ere). Horretarako garrantzitsua da emozioak lantzea, zaintzaren esparruan duten erantzukizunari erantzuteko tresnak eskuratzea eta indarkeria matxistaren aurkako jarrera aktiboa sustatu eta erantzukizuna sentitzea.
·         Autodefentsa feminista: emakumeon ahalduntze indibidual eta kolektiboa lortzeko estrategia gisa ulertzen da. Ahalduntze horretan, beldurra ulertu, landu eta beldurrari beldurra nola galdu, gorputzaz nola jabetu, botere pertsonalaz eta emakumeen arteko aliantzen botereaz jabetzeko bideak jorratzen ditu, baita erasoak, sotilenak ere , identifikatu eta bakarka zein kolektiboki aurre egiteko moduak .

              






Iazko post-etatik honako hau aukeratu dut  euskarri ugari eta interesgarriak aurkezten dituelako:


Indarkeria matxista lantzeko honako bideo hauek aukeratu ditut:


* ETB1 kanaleko" Ur handitan" saioko aurreko asteko kapitulo:



*




         Guzti hau eremu hezitzailean lantzeko erronkak:

·        .*  Eskola sexualitatea modu askean bizitzeko leku seguruan bilakatu.

·      *    Eskola komunitate osoaren ahalduntzea eta sentsibilizazioa.

·         * Indarkeria matxista identifikatzeko tresnak eskaini eta praktikara eraman.

·        * Neskekin autodefentsa feminista landu.

·        * Maskulinitate eredu berriak ezagutu eta landu.


·      *   Emozioak landu.

Indarkeria matxista egunero eraldatu






Egunerokotasunean bizi dugu indarkeria matxista, modu sotilean (hizkera sexistan, txiste matxistetan, iritziak baliogabetzean...) eta modu esplizituan ere. Famili bazkaritan, egunerokoak dira famili nuklearrarekin edo bikote heterosexualarekin lotuta egon daitezken galderak, eta norma. horretatik kanpo ateratzen bagara orduan zer? Edo metroan joatea eta gizon batek hankak zabal zabalik izatea, zuri lekua kenduta, eta egoera horretan bultzatzen baduzu orduan zer? Edota taberna batean eskatu eta ardoa edateko gogoa duzunean zure kideak eskatutako freskagarria zure parean jartzen dizutenean, eta hori ikusita kamareroari arreta deitzen diozunean, orduan zer?

Asko eta maiz jasan behar ditugu zerrenda luzea osatzen duten indarkeriak. Horren aurrean feminismoaren bidea jarraitu, autodefentsa feminista gure motxila barnean sartu eta eguneroko errealitatean, txikiak diruditen baina handiak diren,  jarrera aldaketetan esku hartzea besterik ez dugu!

Indarkeria matxisten aurkako baliabide digitalen gomendioak hor dituzue!



Pamela Palenciano Jodarren "No solo duelen los golpes" monologoa hau bertan jartzen dizuet, gaiarekin lotura zuzena duelako eta ona dela iruditzen zaidalako. Helduekin erabiliko nuke, dena den.



Beste bideo hau, orain bolo bolo dabil sareetan: Chloé Fontaineren "Soy Ordinaria" laburra da. Eguneroko errealitate bortitza irudikatzen du. Egunerokotasuneko indarkeria matxistak erakusten ditu, modu gordin batean:


Zein dira zure ustez hau guztia eremu hezitzaileetan/jendartean lantzeko erronkak?


- Maitasun erromantikoaren oinarriak eta estruktura eskolan landu eta inguratzen gaituzten edukiak arakatu. 

- LGTBIQ fobiak landu, espazio seguruak sortu eta edozein indarkeria baztertu.  

- Mikromatxismoak eskolan landu.

- Autodefentsa feminista ikastaroak heziketa fisikoan landu. 

Erantzunkizuna 'bandoz' aldatzeko garaia da

  • Gaiari buruzko gogoeta pertsonala:

    Hona hemen astean zehar indarkeria matxistari buruz landutako ideia nagusi bi: 
"Begirada zabaldu behar dugu arreta gizonengan jarriz". Silvia Federiciren hitzetan “beharrezkoa dugu emakumeen kontrako bortizkeriaren kontra, misoginiaren kontra, estatuek emakumeen gorputzei eragindako erasoen kontra… gizonezkoek ere borrokatzea. Gizonek zergatik ez dute emakumeen kontrako bortizkeriaren aurka fronte guztietan borrokatzen? Haiek dira beste gizon batzuk hezi behar dituztenak.” 

Hori dela eta, indarkeria matxistarik gabeko jendartea sustatzeko egun bi estrategia nagusi proposatuko ditugu, beti ere mugimendu feministaren eskutik: gizonen inplikazioa maskulinitate heterosexual hegemonikoa interpelatuz eta berriak eraikiz eta emakumeen ahalduntze indibidual eta kolektiboa autodefentsa feministaren bidez.

Eta berdintasun konpromisoa duten gizonen jokabidea izan liteke “‘matxirulo’ jarrerak alde batera uztea, txalorik espero gabe maskulinitatearen pribilegioei uko egitea”. 

Gizonak eta Feminismoa: botereari uko egiteko ordua
Oso erraz jartzen den medaila bat da feminismoarena 

  •   Eta zure inguruan indarkeria matxistarekin ikusi dituzun 2 egoera erreal? 
Jokaera matxistaz inguratuta gaude. Denok gara matxistak izatez, kultura honen baitan murgilduta baikaude,'klik'a egin eta indarkeria estruktural hontaz jabetzen hasi arte. Indarkeria matxista egunerokoan daukagu, hainbat eta hainbat komentario, epai, ekintzetan...

Behin, lagunok juergan geundela, gutako bati bati ipurdia ikutu zioten. Agian, indarkeria mota hau agerikoenen artean kokatu genezake (hau da, detektatzen errezak direnen artean – beste batzuk sutilagoak baitira...-). Honen aurrean, laguna, oso haserre, ipurdia ikutu zionarengana (kasualitatez, mutila zen...) itzuli zen eta gertatua aurpegiratu zion oihuka, esanez ez zuela eskubiderik egin zuena egiteko, ea nork ematen zion baimena bere gorputza modu horretan erasotzeko. Okerrena ez da hori, okerrena da, mutil kuadrila osoak neskari oihu batez eta ofenditu moduan erantzun ziola ea 'eroa ote zegoen'. Isterika hutsa zela ere esan zioten, ez dagoela horrela jartzeko arrazoirik, eta, mesedez, lasaitzeko, horrela ez direla gauzak konpontzen... Beraz, ikus dezakegun moduan, eraso bikotza jaso zuen gau hartan lagunak: batetik, haren gorputza inbaditu zuen mutilaren erasoa, eta hori gutxi balitz, bere defentsan esandakoagatik bigarren agresio bat jasan zuen. Agresio bat jasan ondoren, gure defentsan jarduteko legitimitate osoa daukagu, baina badirudi, hori ere erauzi zaigula. Gainera gugandik espero da pedagogikoak izatea. Indarkeria matxista baten aurrean haserre eta amorratuta sentitzeko eskubidea ere ukatu digute. Honen aurrean, autodefentsa feminista lantzea beharrezkoa dugu. 

  • Indarkeria matxisten aurkako aipu, abesti eta bideo batzuk aurkituko dituzu jarraian,  ikasleekin erabiltzeko aproposak izan daitezkeenak:
AIPUAK ETA ARTIKULUAK
Begoña Zabalak Pikara Aldizkarian idatzitako artikulua, 2014ko San Ferminetan ¡Pasa la capucha Hermana' lelopean antolatu zen manifestazioari buruz. 
 

No queremos generar miedo al género masculino, pero sí al agresor: queremos que tenga suficiente miedo para que no nos agreda.
FARRUKAS
[Feministas Autónomas Revolucionarias y Ruidosas Unidas en contra de las Agresiones Sexistas].

ABESTIAK
No mient(r)as – A Flor de Piel

Se quemó – La Otra
El Blues de la Violencia – La Otra
               
                   BIDIOAK
'Arrunta Naiz' bikore barruan ematen den agresio isilarei buruzko laburmetraia.  

Wanda Skyles - I'ma be me: gay vs black


Erasorik ez, erantzunik gabe: Erasoez nazkatuta, jasan berri zuen erasoari bere kabuz erantzutea erabaki zuen neskak


                      → Irantzu Varela - 'Él nunca me pegó' dokumentala

→ Kaperuzitas Lobas

→ No solo dueles los golpes 

'Gizonen eguna' – La Tuerca
  • Hauek dira eremu hezitzailean/ jendartean lantzeko zenbait erronka:
  • Arazoaren dimentsioaz jabetzea.
  • Emakumeak ahul eta biktima bezala hautematearen ideia deseraikitzea.
  • Autodefentsa Feministaren bitartez, indarkeria egoerak nola ekidin edo nola aurre egin irakastea, nexken eta emakumeen ahalduntzea sustatzea.
  • Indarkeria matxistarekin amaitzeko mutilek duten ardura ikustaraztea, eta maskulinitate hegemonikoa interpelatu eta markulinitate eredu berriak sortuz.
  • Maitasun erromantikoaren mitoaren eta ideologiaren deseraikuntza.
  • Mikromatxismoen identifikazioa eta salatu eta gainditzeko esku hartzea sustatzea.
  • LGTBIQ+fobiak bistaratu eta aniztasunaren ereduak baloratu, plazaratu eta normalizatzea.