Zuen ekarpenak irakurri ondoren, gutxi dut gehitzeko. Argi dago genero-indarkeria ikasia dela, ez dela naturala. Emakume eta gizonen artean dagoen botere harreman desorekatuan edo hierarkizazioan dago oinarria. Hau horrela, emakumeak emakumeak izanagatik soilik sufritzen eta jasaten du edozein motako indarkeria.
"Ahora o nunca" bideoak argi eta garbi uzten du genero- indarkeria ez dela soilik fisikoa, eta haurtzarotik ikasten dela. Ohikoa da, emakumeak txikitatik honelakoak entzutea:
"ez kezkatu, mutilek lurrera botatzen bazaituzte, gustoko zaituztelako da"
"ez jolastu hain basati, mutila dirudizu"
"andereinoek ez dute oihukatzen, ixildu zaitez"
"zein guapa, ilea primeran orrazturik"
.....
.....
"ez nazazu utzi edo erokeria bat egingo dut"
"ez nazazu utzi edo hil egingo zaitut"
Pasa den urteko post hau aukeratu dut, ez dut denbora hartu iazko guztiak irakurtzeko, eta hau oso konpletoa iruditu zait.
Ez dakit zein neurritan lantzen den hezkuntza-eremuan gai hau. Gure haurreskolan (0-3 adin tartea) ez dugu honi buruz ezertxo ere landu, ezta familiekin ere.
Nire alabaren eskolan, dagoeneko eskolako ziklo guztiak Azaroaren 25a prestatzen ari dira. Haurrekin mailaren arabera ariketa edo ikasgai ezberdinak garatzen dituzte, eta egun horretan ikustarazten da emaitza. Honez gain, Familiei "guraso eskola" batzuk eskeintzen zaizkie urte guztian zehar hezkidetzaren inguruan.
Ez da nahikoa, jakin badakigu, baina tantaz tanta lortuko dugu, basakeriarekin amaitzea!
Lehenengo aldiz genero-indarkeria emakumeen %35i eragiten
diola irakurtzean atzera egin behar duzu berriz ere zifra begiratzeko. Hirutik bat. Gure gizarteak eramaten duen zama
handi hau gainetik kendu behar dugu lehenbaitlehen. Gauza asko ditugu egiteko: politikariek,
familiek, hezitzaileok, publizitateak, hedabideak… Emakumea izateagatik jasotako biolentzia hau
bistaratzea ezinbestekoa dugu.Hori da
niretzako eman behar dugun lehenengo pausua.
Erraza da identifikatzea izeberg honetan agertzen den muturreko indarkeria. Gizarte mailan gutxi batzuk ausartuko dira indarkeria mota hau defendatzen.
Baina izeberg horren beheko aldean dagoena gizartean errotuta eta
naturalizatutadago. Hau da bistaratu
behar duguna, gure bizitzako parte bat delako kontzientzia hartu aldatzen
joateko, desikasteko eta, ahal bada, desirakasteko.
Indarkeria sinbolikoaren oinarri dira sexu-genero
estereotipoak.Gizarteratze prozesuan
barneratu ditugun dikotomia sexistak birpasatu beharko ditugu eta eredu berriak
eman beharko ditugu dikotomiarekin bukatzeko etamaskulinitate eta feminitateberriak eraikitzeko.
Mikromatxismoei aurre egiteko gure inguruan kontzientzia
landu beharko dugu lehenengo. Bikotea, lagunak, familia, lankideak, fruta
saltzaileak…lan asko daukagu aurretik.Jarak aurreko ikasturteko post-ean esaten duenarekin ados nago, “ekintza batekerantzun bat”
.
Hurrengo linkean agertzen den bideoa ere oso interesgarria da. New Yorken grabatu zen. Aktore bat 10 orduz egon zen kaletik ibiltzen. Itxura batean, orain Internet bidez mehatxuak jasotzen ari da bideoan agertzen den aktore hori.
Blogean trasteatzen ikusi dudan bideo batean mikromatxismoa
utilitarioaren kontzeptua agertzen da.Berehala gogoratu naiz “Dena ez dago barne” web orrialdearekin. Bertan etxeko lan guztien zerrenda egin eta gero faktura aurkeztu diezaiokezu dagokionari.
Aurreko edizioetako post honetan Alasnek oso ondo azaltzen du aste honetan landutakoa.
“Genero-indarkeria ikasia dela” frogatzekoadibide dugu neskei
gaur egun jaio eta berehala jartzen zaizkien
belarritakoak . Hori familiaren barruan ematen da. Alaba, neska delako, bi
hilabete dituela egiten dizkiote belarrietan zuloak, neska dela adierazteko.
Inguruko denek, ezagunak eta ezezagunak zure sexuari dagokion bezala
tratatzeko. Zalantzarik ez egoteko. Guk
argi geneukan gure alabari ez genizkiola jarriko eta horrek hainbat eztabaidak
sortu ditu familian eta lagun batzuen artean ere. “Zehaztugabetasuna ezinegon” artikuluan ondo
azaltzen dute egoera.
Hezkuntza-esparruan
ditugun ERRONKAK asko dira.Nire ustez
hauek dira garrantzitsuenak:
Eskola komunitate osoa konstzientzia garatu behar du eta ingurua
aztertzeko gaitasuna garatu behar du.
Ikasleen arteko berdintasuneko harremanak sortu behar
ditugu: neska eta mutilen arteko potere harremanak deseraikiz. Jarrerei
erreparatuz, adimen emozionala landuz eta
ahalduntzeko ikasketa egoerak planteatuz.
Gatazken tansformazioa baketsurako ikasketa egoerak sortu
indarkeria zentzu gabetzeko.
Edukien bitartez emakume eredu ezberdinak eskaini behar
dira.
Asko eta asko dira geure ingurura begiratuz topatzen ditugun indarkeria kasuak. Eraso txikiagoetatik erailketetara...eta noski, nire inguruan ere askotan ikus ditzaket indarkeria kasuak.
Dakigun moduan, genero-indarkeria hauek ikasiak dira, estreotipoez jantzita, eraikitzen ditugun rol eta identitate desorekatuen adibide.
Bat aipatzekotan, eraso "txikiago" horiekin identifikatuko nukeen bat aukeratuko dut. Askotan gertatzen zaigu, taberna batean gaudela, lasai, hitz egiten. Eta bat batean, gizon kuadrila bat iristen da, beraien presentzia oso nabaria izanik. Momentu horretatik aurrera, ezinezkoa dugu lehen geneukan lasaitasun eta ahots tonua mantentzea, derrigorrean ohiukatu behar dugu geure arteko komunikazioa posible izatea nahi badugu. Beraien artean ezaguna zaizun norbait bada, agian zerbait komentatuko diot "gu ere hemen geunden/jetsi bolumena/iritsi zarete eta nabari da!..." baina orokorrean, inork ez du ezer esaten eta espazioa jan badigute ere asumitu, tragatu eta hortxe jarraitzen dugu. Asko jota, beste taberna batera joanez.
Nire iritziz, honako kasuak, indarkeria oso sutil eta kamuflatuak badira ere, indarkeria dira. Pertsona batek edo talde batek, gizon izateagatik soilik hartzen dituen jokatzeko moduak bestea gutxiesten dutelako. Beraien egotea garrantzitsuagoa balitz bezala, ondokoa errespetatu gabe, enpatizatu gabe, espazioaz apropiatuz.
Noski, eraikiak dira jokabide hauek, beraien genero-rolei dagokien jokabidea delako. Fisikoki, ni ere ahotsa altsatzeko gai baitnaiz, eta benetan saiatuz gero, espazioa honela hartzeko gai bainaiz. Baina emakumea naizen heinean, isila, errespetuzkoa, fina...izateko oso ondo entrenatu nautenez, normalean ez nituzke honelako jarrerak izango. Mutilak berriz oso entrenatuak daudenez, ia "naturalki" irteten zaie honela jokatzeko modua (batez ere kuadrila giroan duten babesarekin).
Inguruan dauzkagun erronkak handiak dira, asko dago egiteko baina egindakoak ere errekonozimendua behar duela uste dut. Geroz eta salaketa gehiago daude, mugimendu feminista sekulako lana egiten ari dela iruditzen zait. Askotan dirudi genero-indarkeria kasu gehiago daudela, harrituta eta inpotentzia beteta gelditzen gara egunkarietan irakurtzen ditugun albisteekin. Baina garrantzitsua iruditzen zait ikusten duguna existitzen bada ere, lehen ikusten ez genuena ere existitzen zela gogoratzea. Ikustarazteak ez du esan nahi gehiago daudenik, gutxiago ere ez, noski.
Nire eskolan Harreman osasuntsuen planean ari gara lanean. Duela pare bat urtetatik proiektu honetan sartu ginen buru belarri eta eskola komunitate osoaren parte hartzearekin biolentziak kudeatzeko modu berriak sortzen ari garela iruditzen zait. Irakasleon eta gurasoen parte hartzea beharrezkoa izanik, baina batez ere ikasleak beraiek protagonista bihurtuz. Beraien leloa sortu, arazoak kudeatzerakoan ahotsa beraiei emanez, espazio seguruak sortuz...Oraindik asko dago egiteko baino bidean hateak asko esan nahi duela iruditzen zait.
Hona hemen ikastetxeetan biolentzia ekiditeko liburu baten adibidez, zinema baliabide moduan erabiliz:
https://www.octaedro.com/appl/botiga/client/img/10405.pdf
Eta bestalde, emakumeok horren bildur garen bortxa sexualari aurre egiteko indarra ematen duen abesti bat:
GIZONEK BOTEREA ETA INDARRA, NESKEK
EDERTASUNA ETA FRAGILITATEA
ERROMANTIKOAREN
MITOA EZ DUGU GAINDITUKO?
INDARKERIAREN
KONTRA, BETI ESKU-HARTZEKO PROPOSAMENAK EGIN!!
EZ BETI
DA EZ!!
AURKA
EGON BEHAR DUGU!!
LOTSA
SENTITZEN DUT!!
INDARKERIA MATXISTARIK EZ!!
MUNDU OSOKO IZURRITEA DA.
DENON ARTEAN EGIN BEHAR DUGU
AUTOKONFIANTZA!!
PROSTITUZIOA, INDARKERI MOTA BAT DA!!
KONTROLA!!
ESTATISTIKAK
NOLA IRAKURRI??
PRIBILEGIOAK
GIZONENTZAKO, ZERGATIK?
INDARKERIA
SEXISTA-
AGRESIO
SEXISTAK, ZENTZURIK EZ!!!
Ez dakit
aurkeztuko dizuedan bideo honek Genero-indarkeria
ikasia dela frogatzen duen ala ez, baina argi dagoena da, bideoan hitz
egiten duen pertsonak, nahiz eta emakumea izan, ondo ikasita duela, zein izan
behar duen, batzuentzat, emakumearen papera. Emakume gaztea da eta horrek
harrigarriagoa egiten du berak esandakoa. Nire ustez, ikastaro hau egin beharko
luke; bueno, hau ezin izango luke egin, euskaraz delako, baina erderaz ere
egongo dira, ezta? Honen inguruko informazioa topatzen, VOX taldearen bideo eta
mitin batzuk entzun ditut; dardarka nago oraindik!!!
Iazko edizioko post bat irakurtzeko modukoa iruditu zait,
Goretti Eskalzak idatzitakoa. Erreflexioak eta aurkeztutako loturak oso ondo
daudelako. Izenburua: Indarkeria
matxista arazo politikoa da.
Nik ezagutzen
dudanaren arabera, Hezkuntza-esparruan,
hainbat gauza egiten dira. Tutoretza-planetan ezarrita egoten da. Gida guztion
esku egoten da. Beldur barik bezalako proiektuak martxan egoten dira, baina,
zer gertatzen da? Ez da gertatuko, irakaskuntzan egiten diren hainbat planekin gertatzen den bezala, ikastetxetik atera eta ingurugiroak indar handiagoa dekola (komunikabideak, internet...). Ez daukat oso argi non dagoen arazoa...eta nola lortu, ikastetxeetan, eraginkorragoak izatea.
Ezaguna da
indarkeria edozein esparrura ailega daitekela, aberatsa edo famatua izateak ez duela
beti laguntzen. Tina Turneren kasua da hoietariko bat. Hainbat urtetan jasan zituen bere senarraren kolpe
eta irainak, baina egun batean planto egin zuen. Gainera, bere lana dela eta,
senarrarekin zegoenean itxurak egin behar zituen. Honen inguruko artikulu bat
eta bere kanta bat bidaltzen dizkizuet. Estekan klikatu!!
Iazko blog-en inguruan, Iratirena
oso osatua iruditu zait, bideoak ez nituen ezagutzen, eta benetan interesgarriak
iruditu zaizkit.. Eskerrik asko!
Genero-
indakeria lantzen jarraitzeko Amelia
Barquinen oso artikulu ona, pornografía eta heziketa sexualaren ingurukoa,
gazteekin lantzeko, batez ere!
Azkenik, oso ohikoa zaidan egoera batekin agurtuko naiz. Parranda
ondoren eta etxera bueltatzerako orduan: “bakarrik
bueltatuko zara?” edota bidaiatzera joan eta “zeinekin joango zara?” bezalako esaldiek amorru handia ematen didatelako,
oraindik ere indarkeria gure artean, isilpean eta ezkutuan dagoelako. Horren
adibide hemenmikromatxismo egoera
asko.
Aste honetan argi eta garbi ikusi dugu jendartean pairatzen dugun genero indarkeria ez dela fenomeno naturala, ikasia baizik! Nirea idatzi baino lehenago zuek idatzitakoa irakurri dut, eta hau guztia frogatzeko tenorea iritsi denean, nik erran beharrekoa dagoeneko errana zenutela ikusi dut:
Andreak dio: Inguruan dauzkagun seinaleak identifikatu behar ditugu, inkesten arabera %35ak norlabaiteko indarkeria matxista jasaten badu, estadistika kontua da, gure inguruan ere gertatzen ari da!!!
Andonikgehiago zehaztu du hirutik emakume batek indarkeria sexista pairatzen duela argituz. Erne egon gaitezen beraz!
karmelek emakumeen aurkako idarkeriaren iglua jarri du harremanetan agerian eta ezkutuan dagoena erakutsiz.
Horri indarkeriaren eskalera gehituko diot nik, pausoka-pausoka, oharkabean igotzen direlakoz eskailera horiek.
AndoniK hau dena ederki erakusten duen bideoa partekatu du Ahora o nunca -
Leire AizpuruakHonen atzean gaizki hezitako gizarte bat dago, patriarkatua eta boterea nork daukan ongi markatua dun gizartea. Justiziak ere argi eta garbi uzten digu egunero nork dituen eskubide gehiagoarrazoia argitu du.
Andrearen irudi honek, hau horrela dela argi eta garbi erakusten duela kontuan hartuz
Gehiegizko ardura da milurteko sistema patriarkala suntsitzea, baina nire esku dago ni, emakume, ahal dudan libreen bizitzea; gizarte sexistaren arauak pixkanaka apurtzea (nire kontraesanak onartuz) eta jabetze prozesu hori beste emakumeekin partekatuz.
Ezin ukatu Andreak ekarri duen gisa...
Animatu behar dugu eta bidean aurrera egiteko bideo eta abesti ikaragarria hauek Yolandak eta Andreak partekatutakoak:
Honen aurreran hau izanen da nire jokabidea, heziketa irizpidea.
Badira urte pare bat, irakasle batzuk pertsonalki jorratzen genuena, ikastetxeko zuzendaritzak urteko plangintza orokorran jarri dutela ( azaroak 25, martxoak 8, …) filmak, kortoak, leloak landu, ...
Bertzalde, 4 semeren ama naizen aldetik, hasieratik uste izan dut nire lana mutiko desberdinak heztea zela. Horretarako, egunerokotasunean egiten ditudan mikroekintza hezkidetzaileak garrantzia dutela uste dut:
gustuak pertsonalak dira
ama naiz, baina ez zerbitzaria
ez, ez da! zurea eta bertzena!
zure gorputza zurea da, zuk baimenarekin ukitu eta zurea ere baimenarekin uki dezatela
emozioak adierazi egin behar dira, indarkeririk gabe
maitasuna eta maitasuna eman
Artikulu honetan hain garbi bildurik daudenak, zabalago azalduak aurki ditzakezue.
