Eta ikastaroaren amaierara iritsi gara...

 

Ikastaroa amaitu da, baina bideak aurrera jarraitzen du. Bizitzan etapa batzuk itxi eta beste batzuk irekitzen dira. Atzean lan handia uzten dut, baina etorkizun oparoa dut aurrean, gizarte berdinzaleago eta justuago bat lortzeko bidean nire hondar-alea jartzeko.

Gogo eta itxaropen handiz hasi nuen ikastaroa. Bizitza genero-ikuspegitik ikusten ikasi dut, eta orain injustizia eta desberdintasun jakin batzuekiko sentikorragoa naiz. Ikastaroak ikuspegi kritikoa eman dit zenbait gairen aurrean, eta lehen oharkabean pasatzen ziren xehetasun txikien garrantziaz jabetu naiz.

Eskerrak eman nahi dizkiot ikaskuntzan lagundu didan talde osoari egindako ekarpenengatik. Guztion artean gure ezagutza aberasten joan gara, eta eskola inklusiboa eta hezkidetzailea eraikitzeko kezka partekatu dugu.

Eskerrik asko, halaber, irakasle guztiei, gurekin partekatu dituzten materialengatik, gure zailtasunen zain egoteagatik eta behar izan dugun laguntza emateagatik, laburpenengatik, animatzeagatik eta ibilbide honetan gurekin egoteagatik.

Laster arte,

Lola

HEZKIDETZA ORAIN ETA BETI

Ikastaroa amaitzen ari da, baina hasitako lanak aurrera jarraitzen du. 

Pozten naiz hilabete hauetan zuekin egon izanaz. Agur esan nahi dizuet aurreko blog batean konpartitu nuen abesti batekin. Errealitate bera eta erronka bera historian zehar izan duten emakume desberdin agertzen baitira, eta oso ondo islatzen baitu, nire ustez, hilabete hauetako lana.

Ondo izan eta beti aurrera.

 

BIDEA EGIN!

 

Kaixo,

Azken sarrera egiten badatoz hainbat sentimendu eta pentsamendu nire gorputzera. Alde batetik poza ikasteagatik eta  bidea konpartitzeagatik eta beste aldetik lasaitasuna honako formakuntza luzea amaitzeagatik.

Egia esan ilusio handia neukan jarrita hasieran formakuntza honetan eta osoz bete dut. Maila pertsonalean zein profesionalean hobetu naiz. Niretzako izan da berria foroan parte hartzea eta ekarpenak egitea sareetan. Hasia naiz baina sareak duen poterea esperimentatu dut.

Hezkidetzako kontenidu eta baliabideak nola jorratu ikasi dut eta lankidetzan eta partaidetzan ikusi dut modurik onena. Ikuspuntu hezkidetzaileak batzen izugarrizko aldaketak egin daitezkeela nabarmenduko nuke.

Gainera emakumeen espazioa bermatzen eta maskulinitate berrietan fokoa jartzen, …pribilejioei uko egiten… etorkizuna justuagoa garatuko gara. Beste errealitatea eraikiko dugu, emakumeen protagonismoa errespetatzen.

Falta dena? Bidea eraikitzen jarraitzea. Bada garaia bada unea. AURRERA!

BETAURREKO MOREAK

 BETAURREKO MOREAK

Ikastaroa amaitzear dago eta nik eskerrak eman nahi ditut! Orain nire begirada guziz aldatu da eta hemendi aurrera ez ditut kenduko betaurreko moreak.

Hezkuntza-sistemarakoa EAK-ko II.Hezkidetza-Planak zehazten dituen hezkidetza zutabeak nire bulegoan ditut itsatsita eta nire buruan eta bihotzean ondo gordeta:

Ikastaroa bukatzen ari da eta izugarrizko esperientzia izan da. Izan dudan ikastaroetatik gehien inplikarazi nauena dudarik gabe. 

Ikastaroaren 1.blokeko 1.astean irakurri genituen 10 argibide garrantzitsuak berriz ere irakurri ditut gaur eta irakurri nituenean ados banengoen ere, orain guztiz garrantzitsuak iruditzen zaizkit argibide hauek:

1. Hezkidetza lantzeak ez du izan behar lan gehiago, beste modu batean egitea baizik.

2. Eskolan isaltzen dena gizartean dagoen sexismoaren ondorioa da.

3. Eskola gizarte-aldaketarako eragile esanguratsua da.

4. Diskriminazio sexistak gainditzeko eskolan eta ekintza-positiboak beharrezkoak dira.

5. Gaur egun, oraindik ere, ikasketak eta aukera profesionalak ez dira askatasunez hartutako erabakiak. Genero-agindu asko daude oraindik.

6. Aukera berdintasunaren aldeko borroka emakumeen zein gizonen aldeko borroka da.

7. Hezkidetza hezitzaile guztion ardura da.

8. Norberak dituen estereotipoak eta bere transmisoaren inguruko hausnarketa sakona egin behar da.

9. Ez da nahikoa asoak izatea, prestakuntza beharrezkoa da gero prkatikara iristeko.

10. Adin guzietan lantzeko beharra dago.

Betaurreko moreak jantzita, 10 argibide hauek desberdin irakurri ditut orain apirilean eta konturatu naiz zenbat gauza ikasi ditugun ikastaro honetan. Ordu eta jarduera asko izan dira, irakurgai asko eta guztiz esanguratsuak. Astez-aste, betaurreko moreak nire begirada aldatzen lagundu naute bai maila pertsonalean  eta profesionalean eta guzti honek, noski, nire inguruan eragin handia izan du.

Bideo oso ondo  laburtzen du  22 aste hauetan bizitakoaren prozesua.

Bestalde, Hezkidetzan esku hartzen ikastaroari lotuko nizkioke 3 adjetibo hauek: AUSARTA, ATSEGIN eta IRAUNKOR.. 3 sentimendu: EKINTZAILETASUNA, SEGURTASUN AFEKTIBOA, KOSTANTZIA.

Astero beste ikaskideen ekarpenak irakurri eta ebaluatu ahal izan ditut ere. Izugarrizko lan politta egin dugula iruditu zait 6.edizio honetan. Astero egin ditugun hausnarketak eta erabili ditugun baliabide digital guztiak aho bete hortz utzi naute. Errespetutik idatziriko iritziak eta kriterio handiko iritzi eta hausnarketak. Gogoz eta arduraz hartu dugu parte, bide baketsuetatik gure eskolak eraldatzen , iritziak adieraziz, defendituz eta gainerako ikaskideen iritziak errespetatuz. 

Etorkizun hurbilean, inoiz kenduko ez ditudan betaurrekoak jantzita izango ditut eta orokorrean munduarekin dudan harremana orekan egon behar den partea naizela/garela ulertzea, bizitzaren parte bat, azken finean emakumeak gizartean ditugun zereginak, kokapenak, beharrak, desioak etab. kontuan izatea.

Bukatzeko, eta Mari Luz Estebanek dioen leloa txalotuz, FEMINISMOA ZERBAIT BADA, KOLEKTIBOA DELA ikasi dut ikastaroan.

Bihotzen, eskerrik asko!

Mundu hobeagoaren alde

Ikastaroa amaitzen ari da eta niretzat esperientzia erabat eraikitzailea izan da. Oso lagungarria suertatu zait irakatsi eta ikasteko prozesuari buruzko hausnarketarako, pertsona eta profesional gisa. Hala nola, pentsamendu kritikoa garatzen eta hezitzaileok hezkuntzan dugun garrantzia ikusten lagundu dit.

Hezkidetzaren inguruan etorkizun hurbilerako ditudan nahiak eta asmoak emakumearen aktibismoaren erraiak benetan ezagutzearekin zerikusi handia dute.

Nigeriako aktibista karismatikoa Chimamanda Ngozi-k egungo emakumearen papera esploratzen du eta mundu hau leku justuago bihurtzeko ideiak adierazten ditu. Esaten duen moduan, txikitatik jakin zuen emakumeei munduak ez ziela ematen gizonei zien duintasun bera ematen, soilik emakume izateagatik. “Entiendo el feminismo como un sistema de aprendizaje y desaprendizaje. Tambien valoro la importancia de la educación para que las niñas puedan desaprender las cosas peligrosas que han aprendido” dino.

Bere liburua, TODOS DEBERÍAMOS SER FEMINISTAS, modu librean dago. Chimamanda-k jendea irakurtzera gonbidatzen du, arrazakeria eta matxismoa saihesteko. Haren hitzak eta mezuak hezkuntza munduan oso garrantzitsuak direlakoan nago. Gogoeta eginarazi behar digute haurren hitzetatik abiatuta mundu justuagoa eta bidezkoagoa lortzeko borrokan jarraitzeko.

Berdintasunaren aldeko borroka gure esku dago. Haurrak mundu libre batean ulertuak eta entzunak senti daitezen!!

Aurkezpen hau amaitu nahi nuke nire aurreko post pare batean jarritako bi ekarpenekin, magiaz eta ilusioz beterik.

iturria: DeepSoda

...

Lagun batek esan zidan

Denok berdinak gara

Ezberdin izatean

Eta ikasi nuen orduan

Denok dugula zerbait

Ezberdintzen eta berdintzen gaituena

...

“El desafío es pensar de nuevo sobre cómo deberíamos vivir nuestras vidas, y para qué tipo de vida deberíamos estar educando a nuestros jóvenes.” HARGREAVES, A. (2003), “Enseñar en la sociedad del conocimiento". Colección "Repensar la educación".

Izan direlako gara, garelako izango dira

 

Gu sortu ginen enbor beretik, sortuko al dira besteak?

 AUPA MAURIZIA!

Konfiantza eta ezagutza dira beldurra uxatzeko tresnak, bideak irekitzen dituzten gakoak. Gure esku dago hezitzaile izatearen atzean zein ezaugarri azpimarratu nahi ditugun erakustea, baita irakasle izatearen esanahia zabaltzea ere. Nik ezagutzen eta maite dudan eskola emankorra da, eskuzabala. Betidanik entzun izan dugu gu sortu ginen enbor beretik sortuko direla besteak. Zenbat  eta enbor zabalagoa eraiki orduan eta espazio zabalagoa izango dugu guztiok aske bizitzeko, elkarrekin dantza egiteko. Ez al da garaia haritza eta pagoaren sustraiekin batera artemisa, kaktus, baobab, sekuoia eta berbena belarraren sustraiak txirikordatzeko? Arakatu ditzagun gure bazterrak, aztertu ahulguneak eta deseraiki aurrezagutzak; eman diezaiegun oraindik jaso ez duten jakintzei eta analisiei merezi duten aitortza, eta, noski, gehitu ditzagun elkarrekin justizia soziala bermatzeko falta zaizkigun sustraiak. 

“Las pedagogías críticas y emancipadoras evidencian que no es posible mantenerse neutrales en cuanto a desigualdades, sea por género, etnia o clase”

Irene Martínez Martín (2016)

Herri baten oinarriak arakatu nahi izanez gero, beraren mitologia aztertzea estrategia bat izan daiteke. Gurean, bada mitologia eta identitatea uztartzen dituen esaldi bat: izena duenak  izana du. Descartesek izateko gakotzat pentsatzea zuen arren, gurean izendatua izatearekin nahikoa da; hau da, zuk zeuk edo beste batek zerbaiti edo norbaiti izena jartzen badio, bazaren edo baden seinale da. Deitua ez bada, arbuiatu genezake; ondorioz, ikusten edota nabarmentzen ez dugun horrek ez digu eragiten inolako erreakziorik. Izendatu ditzagun cisheteropatriarkatuak gure eskoletan eta guregan sortzen dituen hamaika injustiziak, baina baita horri aurre egiteko dauden estrategiak ere: PEDAGOGIA FEMINISTAK ETA HEZKIDETZA.

Ez gaitezen geratu zain beste batek izenda ditzan. Gainera, guk geuk errepikatzen ditugun barrabaskeriak ekiditeko estrategiak izango ditugu. Aska gaitezen eta saretu gaitezen eskola askeagoak sortzeko.

 

TRATU ONAK UNEORO

Aste honetan landutako gaia tratu onak izan dira. Gure bizitzan erraza da esatea zer ez dugun nahi, maitatuak izatea merezi dugula, errespetatuak izatea, eta zein zaila izan daitekeen hori lortzea eta bapatean gure bizitzan zerbait okertu, kaltetuta geratzen gara eta une horretatik aurrera zerbait aldatzen da. Tratu onen harremanak ezartzeko, beharrezkoa da zintzoa izatea, zer nahi dugun jakitea, ahalegintzea, maitatzea egiten duguna eta nor garen, norbera izatea, estereotipoen eraginik ez izatea, unea bizitzea. Zer polita teoria eta zer zaila errealitatea!

Ez zaitu maite

Matxismoa, ereduak, estereotipoak, lanen banaketaren inguruan bideo hau proposatzen dizuet:

Bakoitzaren hausnarketarako: zaintza lanak nork burutzen ditu? Nola banatzen dira? Balioa ematen zaie?

Iturria: https://miriamrochadiaz.wordpress.com/2015/09/22/corresponsabilidad-y-reparto-de-tareas-en-la-pareja/

Aste honetan jorraturiko hitz nabarmenekin egindako gurutzegrama:

Post hau gustatu zait irudiz beterik dagoelako eta esanguratsuak direlako

Link honetan hainbat baliabide topatuko dituzu maila eta gaiaren arabera sailkatuta

 

Nire ustez erronka nagusia patriarkatuari boterea kentzean datza, balantza berdintzeko boterea banandu behar da. Gizonaren estereotipoaren eredua aldatzen ari da baina ez nahiko genukeen abiaduran. Bestalde alderdi politikoen konpromezua funtsezkoa da, konturatu behar gara pertsona ororen ongizatea bermatu behar dela eta helburu hau lortzeko guztion lana beharrezkoa dela.