Astean zehar partaidetza parekideari buruz ikasten aritu gara. Ikasitakoa irudian sakatuz dagoen jolasean ikus dezakezue!
Aurreko edizioetakoLeire Garrok egindako postaPartaidetza parekidea, eskubidea baino gehiagoaukeratu, estekatu eta gomendatu nahi dut arras osatua dagoela iruditu zaidalakoz: partaidetza definitu, beharra argitu, adibide interesgarriak aipatu eta haurtzarotik hasi beharreko lana aldarrikatu du. Hortaz gainera, hezkuntzarako erronkak eta baliabideak partekatu ditu. Erran bezala, post ederra!
Aste honetan bereziki ukitu nau Sare sozialetan emakumeok dugun parte hartzeak. Nere buruan pentsatzen hasita... Egia da gutxitan parte hartzen dudala eta arrazoiak bilatzen hasita….asti falta izan da bururatu zaidana. Aurreko astean ikasi genuen errepresentazioa eta denbora estuki lotuak daudela generoen arabera, eta gai honetan ikertuz bezala, datuak aurkitu ditut:
Espainian, unibertsitate ikasketak egin dituzten emakumezko eta gizonezkoen kopurua berdintsua da. Hala ere, lan munduan, teknologia berriekin harremana duten ofizioei dagokienez emakumearen presentzia %25ekoa besterik ez da.
Generoari dagokion eten digitala ez da gizon eta emakumeen arteko berezko desberdintasunen ondorioz sortu (gezur hutsa da zientzia eta teknologiaren arloan emakumeak motz geratzen direla), gaur egungo gizartean indarrean dauden balore androzentristengatik baizik.
Hemen duzue informazio zabalagoa eskeintzen duten hainbat artikulu eta argitalpen:
Inguru hezitzaileetan partaidetza parekidea sustatzeko erabilgarria izan daitekeen baliabideren bat gomendatzerakoan sare sozialekin jarraitu nahi izan dut. Argi dago dago neskek sareetan parte hartzen dutela baina partaidetza aktibo horretan patriarkatuak beldurra sarrazi duela beraien egunerokoan (kontuz argazkiekin, ez solastu ezezagunekin,...). Sareetan parte hartzeak bizirako aukerak zabaltzea suposatzen du: enplegurako, harremanetarako, iritzia emateko, zenbait egin beharretan denbora aurrezteko. Baina batez ere, politikoki eta sozialki iritzia eta proposamenak aurkeztuz parte hartzeko aukera suposatzen du. .Egia da dapartaidetza parekide hezkidetzailea sustatu beharra dagoela. Janire Estébanezek idatzitako Sexismoa gizarte sareetan lanean ondorio hauek aipatzen ditu:
Alde batetik, ondorioztatzen dugu, neskek eta mutilek, adina gora-behera, giza-sareen erabilera bereiztua egiten dutela; neskek adierazpenerako erabiliz eta mutilek erabilera argi eta garbi instrumentalagoa eginez. Arriskuaz den bezainbatean, denak daude ados neskak sare sozialetan gehiago agertzen direla eta eraso arrisku handiagoa dutela.
Neskatilak, andereñoak eta amak teknologiarekin eroso sentitzeko ez da nahikoa eskolak ordenadorez hornitzea. "Ohiturak, giroa eta mezuak" aldatu behar dira, "kultura teknologikoa", kultura partehartzaile-hezkidetzaile teknologikoa sustatu beharra dugu azken finean.
Nolakoa da PARTAIDETZA PAREKIDEA?
Bilatu zortzi hitzak letra-zopan.
ERANTZUNAK
PARTAIDETZA PAREKIDEA, KOOPERATIBOA ETA INTEGRALA GAURKO ERRONKA DUGU.
Aste honetanpost hau gomendatu nahi dut. Interesgarria iruditu
zait nola tratatzen den partaidetzaren kontzeptua modu integralean eta
kooperatiboan. Bere mezua argia eta laburra da, baina guztiz zentzuzkoak, errealitatearen ikuspegi integratzailea eta
eraldatzailea.
Hezkidetza, gizarte-konpromiso eta gizarte-jarrera
gisa ulertuta, ezinbestekoa da pentsamendu dinamikoa, kritikoa eta ideia
berriak sustatzeko.
Askotan egiaztatu dugun bezala, tradizioz emakumeek gertaera historikoetan
eta diskurtso "garrantzitsuetan" parte hartzeari betoa jarri bazaio
ere, bazterketa "kultural" hori gorabehera, emakumeek modu askotan
parte hartu dute beti herri-kulturaren ekoizpenean. Inork ezin du ukatu
emakumearen parte-hartzeak sormen-iturri gisa duen garrantzia artean eta kulturan.
Bi sexu-generoek Euskadin duten parte-hartzean duen eraginaren ebaluazioari
dagokionez, Emakunderen txosten honetan (2018) ikusten da emakumeek
kulturan duten presentzia ez dela ikusten, nahiz eta estatistikek adierazi
emakumeak direla kultura-kontsumitzaile handienak.
Ildo horretatik jarraituz, zer gertatzen da euskal emakume artistekin? Ondoren Iratxe Larrea irakasleak azaltzen digu.
EMAKUMEEK GIZARTEAN
PARTE-HARTZE AKTIBOA DUTELA AITORTZEA BIDEZKOA ETA BEHARREZKOA DA.
Genero-ikuspegitik, beharrezkoa da ikasleei kultura transmititzea, kultura-nortasuna
sortzeko. Beraz, hezitzaileok lan handia dugu kolore askotako aniztasun
kulturala bultzatzeko. Eman diezaiogun emakumeari kulturan merezi duen tokia.
Inguru hezitzaileetan
partaidetza parekidea sustatzeko erabilgarria izan daitekeen baliabideren bat
hau gomendatu nahi ditut.
GUÍA DE RECURSOS EDUCATIVA. Haur Hezkuntzako eta Lehen Hezkuntzako
hezkuntza-inguruneetan Haurren Eskubideak lantzeko irakasleei, ikasleei eta familiei zuzendutako zeharkako
baliabideak dira.
Bestalde, ba al daude ipuin kontaketak eta ikuskizunak baino baliabide hezkidetzaileagorik Haur Hezkuntzan genero-berdintasuna lantzeko?
HEZKIDETZA-MUNDUAK IDEIA BERRIAK BEHAR DITU. IZAN GAITEZEN SORTZAILEAK, JARRERA KONTUA DA ETA!
Aste honetan partaidetzari buruz hitzegin dugu. Gai hau oso garrantzitsua iruditzen zait, azken finean, partaidetzaren bidez errealitatea aldatu daitekeelako. Partehartzea boterearekin erabat erlazionatuta dagoela esango nuke, parte hartzen dutenen artean erabakiak hartzen direlako.
Baina ikusi dugun bezala, parte hartzeko jarrera bat garatu behar dugu eta honek eskubide batzuk ematen dizkigu, baino baita zenbait betebehar ere. Horretarako, parte hartzera trebatu behar gara, eta konpromiso bat hartu behar dugu.
Partaidetzak, pertsonarteko harremanak sustatzen ditu eta garapen pertsonalean ere eragina du, ongizate pertsonala hobetzen duelarik.
Premiazkoa iruditzen zait ere, partehartzeak duen eraldatzeko gaitasunaz jabetzea. Honen bidez, botere harremanak aldatu daitezke eta berditasuna sustatu. Baino argi izan behar dugu emakumeak zenbait eremuetan egotearekin bakarrik ez dugula berdintasuna bermatzen.
Hona hemen nere leloa:
Beste edizioetako posten artean #Garazirena aukeratu dut:
Egiten duen sarrera gustatzen zait non hauxe esaten duen: parte hartzeak, egitea edo ekitea, eragitea eskatzen du. Subjektu pasibo izatetik aktibo bilakatzera.
Horren ondoren bere ikasleei buruz hitzegiten du, proietuetan duten partehartzea etab. Nik ere, nire ikasleengan pentsatzen hasi naiz eta konturatu naiz hainbat geletan (ni ingelesekoa izanik gela desberdinetan ematen dut) mutilek akaparatzen dutela denbora gehiena, askotan jarrera kontua dela eta. Berak dioen bezala, neskak ahaldundu behar ditugu eta mutileei ere partehartzeko beste modu batzuk daudela erakutsi.
Partekaturiko baliabideak ere interesgarriak iruditu zaizkit.
Nire inguruan behatzeko orduan kirolean zentratu naiz. Kirola gizonen esparrua izan da urteetan zehar eta badirudi, poliki-poliki emakumeok ere espazioa hartuz goazela. Txikitatik futbolera jolastu det eta ikusi ditut neskak eta mutilen artean zeuden desberdintasunak, bai ordutegiak emateko momentuan, futbol zelaiak esleitzeko edo soldataren inguruan. Betidanik gustatu izan zait kirola egitea eta txikitan ere kalean ibiltzen nintzen korrika alde batetik bestera, edozein lekutara igotzen etab. Eta hainbat alditan entzun behar izan dut “chicazo” bat nintzela. Zorionez, emakumeen partaidetza handiagoa dela uste dut, baino oraindik alde nabaria dagoela esan genezake.
Futbolean, gure ekipoarekin estatu mailan konpetitzen genuen eta hainbat alditan izan ginen txapeldun, baino gure ekipoan gutxi batzuk bakarrik zuten soldata bat, eta soldata hau ere nahiko sinbolikoa zen. Beraz, profesional bezela futbolera dedikatzearena utopia bat bezela ikusten genuen. Duela gutxi ikusi ditugu emakume futbolariak beraien eskubideak aldarrikatzen.
Orain, beste proiektu baten sartuta nago: “Emakumea Surflari”. Proiektu hau, genero ikuspegiaren arabera jendartearen eraginagatik surfa praktikatzeko oztopo gehiago izan dituzten sektoreari zuzenduta dago; hau da, emakume, trans eta intersexualei. Surfa egiteaz gain, gure buruarekiko konfidantza, ahalduntzea eta autonomia bultzatzen da. 2014an hasitako proiektu bat da eta hasiera batean 20 bat pertsonekin hasi ziren. 6 urte hauetan, ia 1400 partaide izan gera ekintza desberdinetan parte hartu dugunak.
Horrelako ekimenak egotea oso positiboki baloratzen dut eta ezinbestekoa ikusten ditut emakumeen partaidetza sustatzeko.
Inguru hezitzailean, neska zein mutilek partaidetza parekidea izan dezaten bultzatu behar dugu. Horretarako, emakumeei espazio eta denbora berdina eskeintzen diegula ziurtatu beharko genuke.
Bestalde, emakumeen ereduak eskeini behar dizkiegu, zientzietan bezala kiroletan etab.
Honetaz aparte, partaide izateko trebetasunak erakutsi behar dizkiegu: enpatia, komunikazioa zein entzuteko gaitasuna landuz… Eta horretara motibatu behar ditugu, parte hartuz errealitatea eraldatu daitekeela argudiatuz!!!. Eta nola ez, partehartzeko eremuak erreztu beharko genizkieke.
2020/02/29
GATAZKEI BEGIETARA BEGIRA
Ikasleekin erabili izan dut bideoa, gatazkak suertatzen direnean beste begirada bat izateko eta bestalde irtenbide bat beti dagoela borondatea azalduz aurre egiteko.
Egia esan bisualki ikusteteak ulertzen laguntzen diela iruditzen zait.
Bizitza osoan zehar beti izango ditugu gatazkak, eremu ezberdinetan: etxean, kalean, lanean...aurrera egiteko gure bizitzan zenbait unetan beti sortuko dira gatazkak, erronka, bide ezberdinak...
Batzuetan gatazka hitza ez dugula gustukoa dirudi, normaltasunez hartu behar dugu, gure bizikidetzaren parte da eta.
Hezkuntza eremuan gure lanean garrantzia zera da nola egiten diogun aurre. Beti gogoan izan behar duguna zera da pertsonen eskubideen bermea, gehieago gure eremuan eta adin txikioekin. Pertsona guztientzat bete beharrekoa bada ere.
Gatazkari irtenbide bateratu bat eman behar diogu, heteropatriarkatua kontuan hartu eta hezkidetzak badu zer esanik:
- Genero eta sexu gatazkak duten eraginez kontzientzia hartu.
- Kultura femeninotik zein maskulinotik hartutako eduki ebaluagarriak curriculumean txertatzea, sentimendua eta balio afektiboak . (errukia, maitasuna...)
- Banakako tutoretza. alderdi pertsonalak kontuan izan egitura sexisten eragina ahaztu gabe, sexismoa.
- Partaidetza. nesken zein mutilek beren beharrak eta interesak adierazteko partaidetza susatu.
- Antolakuntza ez hierarkikoa, heteropatriarkatuaren arauekin kritikoak izatea.
do
INJUVEK ikerketa http://www.injuve.es/sites/default/files/RJ86-04.pdf
"La construcción escolar de la igualdad y la no violencia desde un enfoque integral que incluya la prevención de la violencia de género". Ondorioetan 6 puntu azpimarratzen ditu: populazio osora zabaltzeko pertsonen eskubideekiko errespetua, biolentzia guztien aurka egiten duena, berdintasunean eraikitzeko praktikatik, protokoloak garatu eskolatik ikaslego edo familian biolentziaren ezagunea badugu nola jokatu jakiteko, bermatu neurri hezgarriak biolentziaren prebentziorako, ikastetxeei baliabideak eskainiz praktikara eramateko beraien programak, eskolako bizikidetza planean txertatu genero biolentzia programa ezberdinetan, familia eta eskolaren kolaborazioa sustatu eta jendarteko hezkuntzako esku hartze guztiak konektatu elkar lan eraginkorragoa egiteko. (44-45.orr)
"Gatazka da, bi pertsona edo gehiagoren elkarrikintzean duten helburu bateraezinak dituztenean edota horrela uste dutenean" Paul Lederach
"Gizakiaren berezko egoera da gatazka" Mendel
"Gatazka berez ez da txarra nahiz eta gizakiok gatazkn aurrean kaltegarri erantzun" Pallares
"Gatazka hasieratik existitzen da" Muller
Beraz:
- Gatazka ez da biolentziaren baliokidea.
- Gatazka ez da momentu zehatz bat, prozesu bat baizik.
- Gatazka ez da ona edo txarra.
Ikastetxeetan bizikidetza eta gatazken trataerarako kultura positiboa hedatzeko, Isabel Fernández-ek bost eremu landu behar direla 6 esaten du. Bost eremu horiek hartu eta genero-ikuspuntua kontuan hartzeko hainbat iradokizun emango ditugu. Guztietan gatazken trataera hezkidetzailean lau ardatz-kontzeptu zeharkatuko ditugu:
● Botere eta lidergo partekatua.
● Jarreren birziklapena.
● Aniztasuna.
● Justizia zein etika
DENOK AURRERA GATAZKEI BEGIETARA BEGIRA¡¡¡¡¡¡¡¡¡¡¡¡¡¡¡
Post hau aukeratu
dut, jorratzen dituen gaiak eta adibideak oso egokiak ikusten ditudalako.
Ainhoa
Azurmendiren erreflexioaren inguruan (sagardotegien denboraldiaren ekitaldiaz) “Ez al dago gure inguruan
ohore hori merezi duen emakumerik?” aipatu behar da justu aurten, EITB-ko
kazetaria den Olatz Arrietak, denboraldiari hasiera eman dio Astigarragan eta “
hau da aurtengo sagardo berria” esaldia berak esango du.
Beste gai bat ere
mahai gainean jartzen du: euskal dantzak. Berak aipatzen du, bere inguru
hurbilean, aldaketak ikusten ari dela. Egia da, azken aldian, askotan ikusi ditudala,
telebistan, horren inguruko adibideak. Nire inguruan, ordea, ez dut aldaketarik
ikusten; herriko dantza taldea oso “tradizionala”da, eta, dantzetatik aparte
(Santa Ageda, herritik abestu…), askotan bananduta egiten dituzte, neska eta
mutilek.
Nire inguru hurbilean behatutako aspektuen inguruan, Galdakao Boleibol
Taldea klubaren inguruan hitz egin dut, bertan 25 urte eman baitditut. Hor eman
den bilakaera oso nabarmena izan da, jokalari aldetik aspaldi gehiengoa
emakumezkoa bada be, azken urteetan entrenatzaile zein gestio esparruan ere,
nesken parte-hartzea biderkatu baita.
Eta hona hemen
partaidetza parekidea sustatzeko asmoz, aurkitu dudan baliabide bat (erderaz dago).
"Emakumeen begiak badira historiari begiratzen diotenak, honek ez du ofizialaren antzik. (…)
Emakumeak badira protagonistak, mundua, gure mundua, ezagutzen dugula uste duguna,
beste bat da "
Nuria Varela (Kazetaria Feminista)
Gomendatu nahi dudan posta hau da: https://hezkeh0506.blogspot.com/2018/01/emakumeak-entzutea-gizartea-eraldatzea.html. Asko gustatzen zait, irakurtzeko oso erraza delako. Berdintasunezko parte-hartzea zer den benetan adierazten du. Jartzen dituen adibideak oso grafikoak dira. Eskaintzen dituen materialak oso erabilgarriak eta ulergarriak dira. Hausnarketa sakonak eta konprometituak egiten ditu, gainera.
Gizonen eta emakumeen arteko berdintasun eraginkorra oraindik ere helburu bat da, mundu osoko errealitatea baino gehiago. Mundu desberdin eta bidegabe batean bizi gara, non aurre egin behar zaien askotariko desberdintasun-moduak sortzen dituzten botere-harreman asimetrikoei eta pertsona askoren eta, bereziki, emakumeen eskubide ekonomiko, sozial eta politikoen urraketari.
Gizonen eta emakumeen arteko berdintasun eraginkorra ezin da lortu historikoki baztertuta egon diren esparru eta roletan emakumeen parte-hartzearen bidez bakarrik.
Halaber, beharrezkoa da emakumeen eta gizonen arteko gizarte-harremanen eredu berri bat eraikitzea, bizitza- eta garapen-kalitate handiagoa ekarriko duena, gizarte-birbanaketa ekitatiboaren bidez, espazio publiko eta pribatuak, erabakiak, aukerak, familia-erantzukizunak, erantzukizun profesionalak, politikoak, ekonomikoak eta baliabideak partekatuz, denbora barne.
Demokratizazioa ezinbestekoa da giza garapenerako, emakumeei zein gizonei aukera ematen baitie beren bizitzen baldintzak zehazten dituzten erabakiak hartzerakoan parte hartzeko eta erakundeei erantzukizunak eskatzeko. Elkarrizketa- eta partaidetza-mekanismorik gabeko estatu batek mugatu egiten ditu demokrazia-jardunaren aukerak. Ezin duzu aurrera egin inork zure beharrak, interesak eta abar entzun eta artatzen ez baditu.
Ildo horretan, funtsezkoak dira feminismoak demokraziaren ikuskera berari egindako ekarpen teorikoak, eredu askoz inklusiboagoa eta ekitatiboagoa proposatuz. Gaur egun demokrazia generikoa edo generokoa deitzen dena.
"Genero demokraziak bestelako harreman demokratikoak eraikitzea proposatzen du, eta
Beste eredu demokratiko bat, emakumeak ez ezik, are konplexuagoa, gizonen posizionamendua aldatu eta generoen arteko harreman demokratikoak ezarriko dituena ".
Lagarde, Marcela. Lidergoetarako gako feministak
Maitagarriak. Ed. Horas y horas, Madril 2005.
Horren aurrean, zer egin dezakegu? Estrategia berri asko har daitezke, eta horietako bat genero-mainstreaminga da.
Genero-desberdintasuna ere arazo politikoa da, eta, beraz, erantzun politikoa merezi du. Horietako bat mainstreaming-aren estrategia globala da, ingelesetik literalki itzuliz "korronte nagusia" esan nahi duena.
Gender Mainstreaming kontzeptura ekarrita, genero-ikuspegia politika publikoetan eta gizarte-programetan integratzeko eta/edo zeharkakotzeko ekintza.
Praktikan, agendetako lehentasunen artean kokatu nahi dira genero-gaiak, prozesu, programa eta politika guztietan eta lan-arlo eta -fase guztietan genero-ekitaterik ezaren arreta desberdintasuna gainditzeko lehentasunen artean estrategikoki kokatuta egon dadin.
Agian galdetuko diozu zeure buruari zer zerikusi duzun zuk mainstreamingaren kontu horrekin …
Zerikusi handia duzu, izan ere, giza harremanetan eta indibidualki zein kolektiboki egunero hartzen ditugun erabakietan oinarritzen den gizarte baten parte zara.
Adibidez, Espainian badago aldeko lege-esparru bat (benetako eta benetako berdintasunerako legea, genero-indarkeriaren aurkako legea, kontziliazio-legea), baina ni naiz nire eskubideak erabiltzea erabakitzen duena, eta, beraz, ni naiz aitatasun-baja hartzea erabakitzen duena, eta, horrekin, zainketen eta afektuen erantzunkidetasunari laguntzea. Nik ere erabakitzen dut hizkuntza ez-sexista erabiltzea, nik erabakitzen dut indarkeria ez erabiltzea nire interesak lortzeko bitarteko gisa. Erabaki indibidual "txiki" horiek guztiek aurrerapen kolektibo "handiak" ekartzen dituzte, eta genero-berdintasuna eta, beraz, gizarte demokratikoagoa lortzen laguntzen dute.
Amaitzeko, Emakundeko bideo bat, honekin harreman estua daukan eskuhartzearekin:
Bertan, gatazka kontzepturen sintesi bat egiten du. Gero Sudaneko
Hegoaldeko gudan emakumeek jasandako zapalkuntza azaltzen duen bideo bat
erakusten digu, gatazken alderdi ezberdinak erakutsita.
Emakume errefuxiatuen inguruko beste bideo bat aurkezten du eta beste bat
Gipuzkoako zahar etxeetako langileen borrokaren ingurukoa, genero ikuspegi
batetik abiatuta. Oso onak.
Irakasleak bizikidetzan trebatzeko materialak biltzen duen txosten bat
aurkezten du. Eta bukatzeko bideoa oso dibertigarria izan da.
üIrakasleei gatazkak
konpontzeko estrategiei buruzko formazioa eskaini.
üGatazketan generoak duen
eraginaz jabetzea.
üTratu ona eta elkarren
zaintza norberarengan eta besteengan sustatzea
üLehiakortasuna/konpetentzia ideiarekin amaitu,
harreman sozialak kolokan ipini eta irabazleen eta galtzaileen eskema eratzen
baitu, ez da berdintasunik emango lehiakortasuna sustatzen den jendarte batean.
üGatazken trataera positiboa
hedatu, bost eremu hauek landuz: kontzientzia hartzea, antolakuntza, partaidetza,
banakako tutoretza eta curriculumaren aldaketa.
Legea, gizartean baloratzen duena
gauzatzeko tresna bat da; edo hori da behintzat bere funtzioa. Hezkuntza Inklusioa
lantzen duen gidan
agertzen den bezala errealitatearen hiru dimentsio hartzen dira kontutan
gizarte-egoera bat aldatu nahi denean: kulturak, politikak eta praktikak.
Hezkidetza helburu badugu, hiru
dimentsoak hartuko ditugu kontutan. Beheko irudi honetan inklusioa aipatzen
duen lekuak, inklusioa-hezkidetza irakurriko dezagun, hezkidetza-kulturak,
hezkidetza-politikak, hezkidetza-praktikak kontutan hartuz. Hezkidetza
inklusioa delako: denon presentzia, denon partaidetza eta denon lorpena eta
ikaskuntza. Parekidetasunean.
Hitz ugari erabili ditzakegu hezkidetza-legediari
buruz hitz egiterakoan: legeak zilegatasun
osoa duten erabakiak dira, eskubideak bermatzea dute helburu, ardurak ezartzen ditu, prozesuak proposatzen
ditu, babes-neurriak planteatzen
ditu eta betebeharrak ere bai. Kultura
baten adierazgarri da eta ordurarte dauden praktika egokiak ere jasotzen dute.
Hau da, hezkidetzarako legedia teoría eta praktikarako tresna garrantzitsua
dira: hori bai, erdibidean pertsona eta erakundeen erabakiak daude eta baliabideak
ere bai. Marrazki batetan jasota:
Legedia hurbilagotik ezagutu
ondoren, hezitzaileontzat osa baliogarria izaten da garatzen ditugun planen
eragina ezagutzea. Tokian toki gertatzen denaren berri badugu ere, ikuspegi
globala izatea estimatzen bait dugu. Zentzu honetan, IVEI-ISEIk 2017an
argitaratutako Genero-Berdintasuna
LHn eta DBHn EAEn txostena interesgarria ikusi dut.
Legedia legedi, Hezkidetza
lantzeko gako pare bat ditugu eztabaidagai: noraino da borondatezkoa hezkidetza bultzatzea? Eta ba al dago momento honetan
nahiko baliabide baldintza onetan hezkidetza planak aurrera eramateko?
Ikastetxeko egiturak, koordinazio denborak, material prestaketa,
sensibilizazioa eta hausnarketa prozesuak lidergoa eta jarraipena eskatzetik
aparte, “ekintza”ren kulturan tarteak aurkitzea eskatzen du: gelditu eta
pentsatzeko tarteak. Baina hori, gai askorekin gertatzen ari zaigu, ezta?
Gure ikasleekin “gelditu eta
pentsatzeko” tarte bat aurkituko bagenu, zer esango lukete galdera hauen
inguruan? (Index for inclusión, 2013)
2023/01/15
BALIO DUDALAKO!
Emakumeen
ikusgarritasunean, sozietate honetan, urratsak ematea premia bat da. Zientzia
ikerlarien artean, 2019an Bilbon, minbiziaren ikerkuntzari buruz
antolatutakojardunaldietan emandako datuen ehunekoak,
errealitatea zein den agerian uzten dute. Adibide giza jartzeko: minbiziaren
kontra antolatutako 2019ko EAEko ikerketa proiektuan parte hartzaileen artean % 60koa, emakumezkoak izanda gidaritza
postuetan, %20anbesterik ez da aurkitzen. Bestalde, gaur egun, Nobel sarietan
%10 baino besterik ez da emakumezkoek hartzen
duten ikusgarritasuna .
Arkaitz Carracedo CIC Bioguneko
ikerlariak eta ASEICA (estatu mailako minbiziaren ikerlarien elkartea) kidearen
esanetan emakumeen lidergoa babesteko “emakumeei lidergoan formakuntza eman
behar zaie eta inertziaz emandako
desberdintasunak desagertzeko gakoa da”.
Bestalde, argi dago kontzientziazio nabarmena dagoela emakumeek kargu politikoetan
duten parte-hartzeari dagokionez, baina oraindik ez da nahikoa. Pentsamolde,
kultura eta autoestimu kontua da, eta aldatu eta indartu egin behar dira.
Baina zer gertatzen ari da?
Nire ustez, faktore giltzarri bat dago emakumeen gizarte-garapenean edo
partaidetzarekin eta lotura zuzena du autoestimu-, autokontzeptu- eta
konfiantza garatutako mailarekin. Izan ere, autoestimu, autokontzeptu eta
konfiantza horiek gara ditzakegu, eta horiek zuzenean lotuta daude gure gizarte
eta familia-ingurunean haurtzarotik eta bizitzan zehar, izandako
esperientziekin. Ildo horretan, hainbat faktorek eragin zuzena izango dute gure
autoestimuaren eraikuntzan, hala nola bakoitzak bere gizarte-ingurunetik
jasotzen dituen feedback, itxaropen, hizkuntza eta balio-judizioen motekin lotuta
egonik. Era berean, parte hartzeko aukerak eta gure inguruak berak
"zuzentzen" gaituen proiekzioek, elementu erabakigarriak dira.
Nire lan testuinguruan,
oro har, emakumeak hiperprestatuak daude, baina
komunikazioan, negoziazioan eta teknologiaren erabileran, oro har, alderdi
sendoak ez diren edo hobetu daitezkeen alderdiak dira hauek.Aldiz, gizonak diren lankideei dagokienez, aldea argia
da autokonfiantzari, ekimenari eta segurtasun mailei dagokienez.
Sozietatean eta hezkuntza
komunitatearen erreflexuan (familiak, curriculum
ezkutuaren transmisioan) oraindik haurtzarotik, sexuen araberako hezkuntza
bereiziak eta roletan markatutako hezkuntzak, proiekzio sozial desberdinak bultzatzen
ditu ikasleengan.. Nesken jolasak ez
dira lehiakorrak izaten; aitzitik, zaintzara bideratuta daude (sukaldeak,
panpinak, soka, korroak). Mutilak, ordea, nabarmentzen dira, lehiatzen dira eta
hierarkien zirkuituan moldatzeko estrategiak garatzen dituzte.
Feminismoaren aurrerapenei eta emakumeek gizartean duten posizio
baxuagoa aldatzera bideratutako ekintza politikoei esker, hezkuntza-sisteman
duten eragina ere nabari dezakegu, genero-ikuspegia duen hezkuntza baten
kontzientzia eta sentsibilizazioa geletara eta, oro har, hezkuntza-komunitatera
iristen ari baita pixkanaka.
Emakumeek ez diogu botereari uko egin behar eta boterearen
alde borrokatu behar dugu gauzak hobetzeko modu bakarra horietan parte hartzea
da, horrela bakarrik erabaki bai genezake emakumeok, gure interesen arabera.
·Aurreko
edizioetako ondorengo posta aukeratu dut:
“Emakumeak
entzutea, gizartea eraldatzea” argitasunez eta erraztasunez emandako azalpenagatik eta modu grafikoan eta humorezko
irudiekin osatutako posta delako .
Bukatzeko,
partaidetza parekidea sustatzekojolas dramatikoa baliabide pedagogiko aberatsa
deritzot. Ikaslegoaren irudimenarekin jolastea ahalbidetzen du eta, ondorioz,
ikasitako estereotipo, rol eta aurreiritziekin jolastea.
Generoari dagokion eten digitala ez da gizon eta emakumeen arteko berezko desberdintasunen ondorioz sortu (gezur hutsa da zientzia eta teknologiaren arloan emakumeak motz geratzen direla), gaur egungo gizartean indarrean dauden balore androzentristengatik baizik.
