Sare sozialak: sozializatzen ote?

  Antza inoiz baino lotuago gaude inguratzen gaituen munduarekin. Planeta bera txikia geratu zaigu teknologia berriei esker. Egun oso arrunta da planetaren beste aldean bizi den pertsona batekin maiztasun handiz hitz egitea. Gutxi dira, edo gara, sare sozialaren batean erregistratuta ez gaudenok. “Facebook-en ez dakit zenbat lagun ditut“ bezalako esaldiak entzutea ohikoa da. Baina, benetako lagunak ote? Egia al da sare sozialek sozializatzen dutela?

   Ez nabil ezertarako balio ez dutela esaten, ezta hurrik eman ere! Are gehiago, aurrera jarraitu baino lehen mundu honetan ezjakin hutsa naizela onartzea komeni zait.

   Ezjakintasun honetatik, ordea, sare sozialek dituzten zenbait onurei erreparatzeko gauza naiz: Norberak egiten duen lanari oihartzuna emateko tresna ezin hobeak dira, makina bat jenderengana iristeko biderik laburrena dira eta. Bestalde, interesak partekatzen dituzten gizakiak topatzeko bide errazena dira, informazio-iturri hobeezinak hortaz.

  Niretzako erabat berria den mundu bat da hau, oraindik ere aurkitu ez dudana, hots, esperimentazioaren bidez ematen dituen aukerak baliatu beharreko tresna dut, eta hori beti da zirraragarria.
   Bukatzeko, hona hemen Emakunek argitaratzen duen aldizkaritik atera dudan esaldia: