Hezkuntza, hezkidetzailea izango da edo...ez da hezkuntza izango

Nere inguruan, ezaguna al da “Hezkidetza”? Zein adibide jarri dituzte gai honi buruz  galdetuak izan direnean?

“Bai, hori da, “Chimamanda”ren liburuak esaten duena, “Guztiak izango beharko genuke feministak”; nik hori irakurri nuenean adibide pila bat ikusi nituen eta egia esan, teoria baino askoz hobeto ulertu nuen, aizu, berdintasunaren kontua”

“Egia da, nik eztakit oso ondo hezkidetza zer den esaten baino nere iloba oso ondo ulertzen dut  bere ikastetxean gustatzen ez zaizkion jokaerak azaltzen dizkidanean; nere ustez neskek mutilek baino kontzientzia gehiago dute desberdin tratatuak  direla”

“Ba, hori izango da, “kide” izatea, eskubide berdinak izatea. Ba lehengoan, Institutuko pasiloan, ikasle mutil batek esan zion irakasle bati, “Zera…nik berdintasun kontuekin ez naiz asko aklaratzen… Azalduko didazu  nola den asuntoa? Irakasleak esan zion: “Ezagutzen duzu zein gauza egin ditzakezun zuk berdintasunaren alde? Ba galdera ona iruditu zitzaidan.”

“Bueno, badakit genero-berdintasunarekin lotura duela. Baino hori hezkuntza munduan esango duzue. Koadrilan sexismoari buruz hitz egiten dugu, feminismoari buruz, eskubide berdintasunari buruz”

“Nik bakarrik dakit denda handi horietan, diferentzia itzela dagoela neskentzako gauzen eta mutilen gauzen artean: arropa eta oinetakoak direla, jostailuak direla,  jolas digitalak direla… Usted dut hezkidetza horri buruzko hausnarketa dela. Ia hori naturala de edo nondik datorren jakitea. Behintzat haurrak konturatu daitezen. Baina, familien kontuekin hasten dela esango nuke. Orduan hezkidetza eskolan bakarrik?”

Jarritako adibideetatik ondorioztatu daiteke, hezkidetza eskolarekin lotzen dela, genero-berdintasunarekin lotuta dagoela. Onartzen da desberdintasunez tratazen direla neskak eta hori leku askotatik “baimendua” dagoela: kontsumotik, eskola harremanetatik, familia gunetik. Genero bedintasunak neskak eta mutilak, emakumeak eta gizonak edo…interpelatzen gaitu. Ez da “nesken” kontua bakarrik. Eta zera ikusten da, adibide eta praktikak errezago azaltzen direla definizioak baino.

 Agian teoría falta zaigu? Elaborazioa? Argudioak? Baietz esango nuke.

Hezkuntza, leku guztietan eta espazio sozial orotan garatzen den fenomeno hori, hezkidetzailea, berdintzailea, izango da…edota ez da hezkuntza izango.

Beraz, Hezkuntza, hezkidetzailea…edo? #Matti-k egindako ekarpenak ederki borobiltzen du gizartearen ideia: 

BERDINTASUNEAN HEZITZEN DUGUNEAN GIZARTE OSOAK IRABAZTEN DU

Zeren, zergatik landu hezkidetza gaur egun? Ez al dugu ba asko aurreratu gure gizartean? Ez al damakigu urte asko iadanik hezkidetza lantzen? Zergatik orain eta hemen?

Ba, alde batetik, gizarte modernoetan, bizitzarako oinarrizko trebetasuna delako. Haur eta gazte guztientzat. Bestalde, ikaslek beraiek ere eskatzen ari direlako, kontzientzia garatzen ari delako. Chimamandak dion bezala, genero rolak, garapenerako oztopoak direlako. Gure gizartean berdintasun formala existitzen dela behin eta berriro azaltzen delako eta emakumeen  etorkizuna baldintzatzen ari direlako. Biologia izaten ari delako, berriro ere, eta atzera pauso bezala,  eraikuntza sozialaren legitimazio iturri. Eta, hezkuntza delako, oraindik, gizarte justu eta utopiko bat eraikitzeko gune ahalduntzailea.