2020/01/12

Partaidetza parekidearen inguruan hausnartzen.


Partaidetza parekidearen inguruan hausnartzen.




Aurreko edizioetako ikastarokideek egindako posten artean Agurtzane Goitia Lopez en aukeratu dut (http://hezkeh0506.blogspot.com/2016/01/partaidetza-parekidearen-inguruan_20.html), aste honetako gaiari buruzko oso laburpen egokia aurkezten duelako eta eskoletan partaidetza parekidea lortzeko proposamen zehatzak egin  dituelako.
 


Nire inguruan partaidetzaren inguruan behatu dudan aspektu esanguratsuren bat aipatu.

Emakumeen partaidetza lan-muduan aukeratu dut nire inguruan partaidetza behatzeko auzia eta zenbait datu esanguratsu mahaiganeratuko ditut:

“Presencia de las mujeres en las empresas vascas”  txostenak jakinarazi du legez Administrazio Kontseiluan emakumeen% 40 gutxienez izan behar duten 1.229 sozietateetatik% 10,17k baino ez dutela betetzen, hau da, 125 sozietatek. Eta ETEen kasuan, Euskadin dauden 40.678 sozietateetatik, kopurua pixka bat hobetu da, eta kontseiluetan% 40ko parekotasun-mailara iristen direnak 10.112 erakundetara iristen dira, hau da,% 25era.
Ibex-35eko konpainiei dagokienez,% 26,2k soilik dituzte emakumeak kontseiluetan.

Beste ikerketa batetik[1] grafiko hau jaso dut:

Aurreko grafikoan sexuaren araberako desberdintasuna gauzatzen den beste enpresa eremu bat adierazten da; emakumeen eta gizonek dituzten lanpostuena. Sexu bakoitzaren pisu erlatiboa ia baliokidea da guztizko enpleguan eta, hortaz, aditzera ematen du erabat feminizatutako lanbide-kategoriak eta erabat maskulinizatutako lanbide-kategoriak daudela. Hala, Zuzendaritza eta Tarteko Agintari lanpostuak gizonek bete ohi dituzte; % 30a baino ez da emakumezkoa.
Langile kualifikatuen lanpostuak ere erabat maskulinizatuak daude, neurri txikiagoan bada ere. Beste aldea, Administrarien lanpostuak daude,10 lanpostutatik 7 emakumeek betetzen dituzte. Azkenik, lanpostu teknikoak eta lan ez kualifikatuak berdintsuki daude bi sexuen artean banatuta.

Bukatzeko, nahiz eta eskoletan nahiko ezaguna izan, berreskuratuko dut metodologia zehatz bat: Ikaskuntza dialogikoa, izan ere, oso egokia da partaidetza bultzatzeko eta guztion ezaguera konpartitzeko. Hona hemen metodologia horren printzipioak:


·         Berdinen arteko solasaldia: Elkarrizketa hauetan, ikasle eta irakasleek rol aldaketak egin ditzakete. Prozesuan parte hartzen duten guztiek elkarri entzuteko ahalegin handia egingo dute.
·         Kultura jakintasuna: Ez dira batzuk jakintsuak, eta beste batzuk kulturagabekoak edo ezjakinak izango. Kultura-adimena gizakien arteko harreman guztiei erreparatzen diena da.
·         Zentzuaren kontzientzia egin: Guztion artean ikasketa prozesuari zentzua bilatu behar zaio. Baliabideak sortu behar dira pertsonen arteko harremanak aberatsagoak izan daitezen. Horretarako, pertsonei beraiei entzun beharko zaie.
·         Dimentsio instrumentala:  Baliabide teknologikoak ez daude ikasketa dialogikotik kanpo. Edozein baliabide erabiliko da, baldin eta komunitatearen baitako harremanak horrela aberastuko diren.
·         Elkartasuna abiapuntu: Bazterkeriaren aurkako borroka. Berdintasuna bultzatu,finean.
·         Ezberdinak diren artean berdintasuna ezarri: Pertsona guztiei pareko aukerak eman. Orobat, inor baztertu gabe lan egitea, eta, horretarako, baliabide egokiak abian jartzea.
·         Aldaketa: Pertsonak aldakuntzak jasaten ditu.



[1] GENEROA PARTAIDETZAREN ERDIGUNEAN. Gipuzkoako enpresetako emakume langileen partaidetzaren azterketa aurreraturako tresna.




iruzkinik ez:

Argitaratu iruzkina