Gure jarduera hezitzailean, sistematikoki, curriculuma eta baliabide didaktiko hezkidetzaileak erabiliz gero:
- Eduki sexistak eta estereotipatuak ekidingo genituzke.
- Hizkuntza inklusiboa erabiliko genuke.
- Irudi inklusiboak txertatuko genituzke.
- Ikustezin bihurtu diren esferak ikusgai izango lirateke.
- Emakumezkoen jakintzak eta historian zehar, gizartearen onerako, burututako ekimen eta lanei garrantzia emango genieke.
Ondorioz:
- Androzentrismoa jakintza akademikotik baztertzen joango ginateke.
- Ikasle guztien garapen integrala eta nortasun indibidularen garapena posible izango litzateke. Emakumezkoak izateagatik ematen den subidentifikazioa ekidinez, autoestimua igoz eta autokontzeptu positiboa garatuz.
Eremu hezitzailean, baliabideetan, hezkidetzan oinarritutako begirada sustatzeko, bi estrategia erabilgarri aipatuko nituzke:
- Erabiltzen ditugun baliabideak zorroztasunez aztertzea. Horretarako bi gida hauek oso erabilgarriak iruditzen zaizkit: Marian Morenoren ANALISIS COEDUCATIVO DEL LIBRO DE TEXTO eta Emakunderen, Testu liburuen bidez zabaltzen al ditugu sexu baloreak? gida
- Baliabideetan azaltzen diren irudien azterketa egin ahal izateko INBERTSIO ERREGELA oso erabilgarria gerta daiteke.
Aurreko ikastarokideek egindako sarreretatik, Andoniren Baliabideak saretu eta elkarlana biderkatu aukeratu dut. Txertau dituen bi bideoak oso interesgarriak eta erabilgarriak iruditzen zaizkit.
iruzkinik ez:
Argitaratu iruzkina