2017/03/18

Indarkeria matxistak gainditzen

INDARKERIA MATXISTEI BURUZ HAUSNARTZEN.

                Aste guztian zehar Maialen Lujanbioren hitzak izan ditut gogoan.

Jo duten emakumeari; berari jartzen dio bizkartzaina gobernuak. Kalera festara doan alabari; berari jartzen diote araua gurasoek: zentzuz jokatzeko eta erne ibiltzeko. Denbora laurdenik ematen da zentzuz jokatzeko eta erne ibiltzeko esanez semeari? (...) Beldurra aldez aldatu behar den? Ardura aldez aldatu behar dela ez daukat zalantzarik”.

Horrekin lotuta BELDURRAK generoa dauka,eta helduek kontziente izan gabe transmititzen dute (ez egon halako tokietan,kontuz! Ez ibili gauean bakarrik, ez egin halako gauzak, adi norekin zabiltza…)Horrek dakarren mezua, ahulazara,ez zara gai zure burua babesteko, beste norbait edo Estatua beharko duzu…Horrekin batera,emakumeengan jartzen da, prebentzio lañaren ardura,bere askatasuna, ekintzak eta mugimenduak murriztuz.

Horregatik ados nago,Gakoak dira erasoaren dimentsioaz ohartzea,eraso desberdinak identifikatzea (soilak barne) eta erantzun posible desberdinak ezagutu guztiak zilegi izanik…Neska/emakumeak erasoturik direnean defentsarako eskubidea dute etatresna guztiak erabiltzeko ere bai, esaten denean.



Iazko ikastarokideetatik Maialen Arregi aukeratzen dut. Ikastetxeetan/jendartean lantzeko aipatzen dituen erronkekin erabat ados nagoelako, eta erabiltzen duen irudia hain erakargarria da , non nik kopiatu egin diodala.

Eremu hezitzailean/jendartean lantzeko erronkak

  
  - Arazoaren dimentsioaz kontzientzia hartzea.
    -Emakumeak biktima bezala ikustea transmititzen den ideia desegitea.
    -Indarkeria egoerak nola ekidin edo nola aurre egin irakastea, autodefentsa feministaren garrantzia erakustea.
     -Mutilei indarkeria matxistarekin amaitzeko ardura beraiek ere badutela ikustaraztea eta maskulinitate eredu berriak ezagutaraztea. 
-Eskola komunitatea osatzen dutenek indarkeria matxista zer den identifikatzeko prestakuntza jasotzea

-Tutoretzan saioetan neskei eta mutilei, erakustea zer den indarkeria matxista, eta bere manifestazio ezberdinak

-Ikastetxe bakoitzak indarkeria matxistaren aurkako hautua egitea eta ez onartzea inolako indarkeriaik.

-Autodefentsa feministako ikastaroak antolatzea eskola komunitatea osatzen duten emakumeentzako eta ikasle neskentzako


      Indarkeria matxistari buruz,batez ere,indarkeri sotilari buruz honako bideoa bilatu dut.

/www.youtube.com/watch?v=0y9zJ5J2bWA



Emakume egunean Iñaki Gabilondok egin zituen adierazpenen bideoa, bertan egiten dituen haibat galdera, gaztetxoekin gaia lantzen hasteko,erabili daitezke.


www.youtube.com/watch?v=-Pl5xt8TuQc




2017/03/16

Begirada zabalduz, ardura aldez aldatzen




Emakumeen “ezaugarriak” erakusten dituen edozein pertsona indarkeria matxistaren objektu izan daitekeen gizartean bizi gara.

Ukaezina da, gure gizartean gizona jaun eta jabe dela. Menderatzaile dela. Horren adierazlea da, emakumeenganako etengabeko indarkeria. Indarkeria matxista. Sotilak zein esplizituak baina guztiak erasoak, eta salatu beharrekoak. 


Xabier Odriozolaren hitzekin bat eginez, gizonezkoek duten pribilegioak identifikatzea, onartzea eta alboratzea ezinbestekoa da zapaltzaile izateko jasotako bertan behera uzteko. Pribilegio horiei uko egitean, mutil izateko erak eta aukerak zabalduko zaizkie; sexu/genero/orientazio-sexualarengatiko mugak gaindituz. Askatasunez bizitzeko.







 







Autodefentsa feminista ere beste gakoetariko bat da. Autodefentsa fisiko soilaz haratago doana, jarrerak, emozioak eta autoestimua landuz.  Emakumeen arteko aliantzen botereaz jabetzeko bideak ere jorratzen ditu; emakumeen ahalduntzea, bakarkako zein taldeko ahalmen eta botere jabekuntzaz. 


Azkenik, nire ingurune hurbilean begirada jarriz, indarkeria matxistaren funtsezko osagaien,  sexismo eta misoginiaren transmisiorako ezinbestekoa den erreminta begiztatu dut: maitasun erromantikoaren mitoa.  Badira beraien bizitzako helburu bakartzat ezkontzea eta haurrak edukitzea dutenak, lana uzten dutenak zaintzaz arduratzeko, beraien zoriontasuna beste pertsonaren esku soilik dagoela uste dutenak … bada garaia emakumeen identitatearen erdigunetik maitasuna kentzeko eta maitasun erromantikoa alde batera utzi eta birdefinitzeko. Bai, Zaintza oinarri duen maitasun ereduaz ari gara! 


“Konpartitzean, garrantzi bereko mailan jartzea. Hor egotea. Besteak zaintzea, zu zaindu zaitzaten uztea da. Ahultasuna eta indarra erakustea, besteekiko maila berean, tokatzen denean”.    Kattalin Miner





Iazko ikastarokideek egindako posten artean, ondorengoa hautatu dut:  http://hezkeh0506.blogspot.com.es/2016/03/indarkeria-matxista.html Bertan, euskarri anitz eta interesgarriak plazaratzen dira: gizon tailerrak, bilgune feministak, maitasun erromantikoaren mitoak, mrikromatxismoak (sakelakoak oinarri izanik) eta LGTBQ+ fobiak bistarazi eta aniztasunaren ereduak baloratu, zabaldu eta normalizatzeko bideoak.





 Indarkeria matxisten aurkako ondorengo baliabide digitalak gomendatzen ditut ikasleekin (helduak) erabiltzeko modukoa dela uste dudalako, eta hausnartzeko aukera eskaintzen dutelako:





 













Eremu hezitzaileetan/jendartean lantzeko erronkak ondorengoak direla esango nuke:

  • ·         Hezitzaileak jarrera feminista izatea eta hortik esku-hartze sistematikoa gauzatzea.  

  • ·         Eskola komunitate osoaren kontzientziazioa eta hausnarketa. Elkarrekin aktiboki lan egitea egoera aldatzeko.

  • ·         Autodefentsa feminista tailerren eskaintza orokortzea, askatasunez bizi eta gozatzeko. Autokonfiantza eta segurtasuna eraiki.

  • ·         Mutil izateko erak eta aukeraz zabaltzea (boterearekin apurtu nahian); maskulinitate berrien eraikitze-prozesu  konplexuan erreferente diren emakumeen eta gizonen berdintasunaren alde dauden gizon taldeen esperientzia eta bizipenak eskolara gerturatzea.

  • ·         Emakumeen burujabetasuna; trebetasun eta eskubideak landu. Ahalduntze kolektiboa sustatu.





“Erasorik ez badago, erasotzailerik ez badago, biktimak ez du zertan neurririk hartu behar”.   Ohiana Etxebarrieta

Erronka HANDIA bezain URGENTEA


Beharrazkoa da institutu guztietan neska eta mutilentzat tailer eta formakuntzak jartzea. Iraunkorrak behar dute eta ikastetxe guztiek behar lukete hezkidetzan aditua den pertsona bat.
Ez da nahikoa hezkidetza arduradunak izendatzearekin. Formakuntza, gogoa eta DENBORA duten pertsonak jarri behar dira ikastetxeetan horren guztiaren arduradun.

DBH eta Batxilergoko institutuetaz ari naiz eta bereziki Nafarroaz. Hori baita nik ezagutzen dudan errealitatea. Kurtsoren batean sexu-heziketa ematearekin nahikoa egin dela pentsatzen duen sistam honek ez du inondik inora lehentasunez bizi indarkeria matxistarekin amaitzea. Falazia hutsa da hori esatea, aldarrikatzea eta ondoren giza zein diru baliabideak ez eskaintzea.

Egitan indarkeria matxistarekin bukatu nahi badute, indarrak jartzeko hamaika foku daude, baina nerabeekin lan egitea oso garrantzitsua da. Neskentzat autodefentsa tailerrak eskolan bertan eman beharko liratezke. Guztietan, guztiengana, salbuespenik gabe iristeko. Eta mutilei maskulinitate hegemonikoarekin amaitze bidean, hain ardura zein den eta haiek zer egin dezaketen ere eskolan bertan antolatu behar dira tailerrak. Bestela, inondik inora ez gara guztienaga iristen. Hezkuntzaren ardura da norbanako askeak sortzea; askeak eta inor zapaltzen ez dutenak.

Beldurrik gabe, zein beldurretik aske heztea emakume guztien eskubidea delako. Eskola da emakume askorengana iristeko bide zuzenena.
Nire kasuan, aste honetan hausnarketa eta erronkak bat egin dute. Ideia horri bueltaka nabil aspaldian, benetan zeharkako gaia izan behar da ikastetxeetan. Indarkeria matxistarekin benetan bukatu nahi bada, has gaitezen jendarte osoarengana iristeko bideak eraikitzen.

Bestalde, iazko ikaskide baten posta. Honako asko gustatu zait.
http://i1.wp.com/etakitto.eus/wp-content/uploads/2016/11/Autodefentsa.jpg?fit=500%2C320


2017/03/15

Maskulinitate berrien beharra, indarkeria ondo ikusten ez duten gizonak izateko

Indarkeria Matxista eta Maskulinitate ereduak dira aste honetan jorratzen ari garen gaiak.  Biak estuki lotuta doazenez, azkenaldian nire buruan dabiltzan hainbat ideia elkarbanatu nahiko nituzke. Niretzat feminismoaren hutsunetako bat, eta pixkanaka betetzen ari dena, emakumearen hezkuntzan eta identitatean eragitea baina mutilak oraindik gai tabu bat izatea izan da. Badakit kasu guztietan ez dela horrela,eta badirela feministak diren gizonak ere, baina orokortasunaz ari naiz. 


Hona hemen argiako artikulu bat, benetan interesgarria:
Alabak ahaldundu…. Eta semeak?   Onintza Iruretaren eskutik
Nire hausnarketarekin jarraituz, emakumeok pairatzen dugun egoera gizonetatik badator, beraiekin lan egitea ezinbestekoa iruditzen zait, emakumeak ahaldundu behar diren bezala, gizonak boterea utzi eta dituzten pribilegioak zeintzuk diren ohartuz, horren aurrean zerbait egitea ezinbestekoa iruditzen zait gauzak aldatzen asteko.
Maskulinitate eredu berriak aldarrikatzea eta honen ereduak izatea da niretzat garrantzitsua, indarra, ausardia (nolako ausardia?), boterea… erakutsi behar duten gizonak baina gehiago.
Ausardiaren ildotik, aipatzekoa da Errezilen aurrera eramaten ari diren Bizitzaz Blai proiektua. Herriko 5 mutil 10 urtetan istriputan hiltzearen ondorioz, 600 biztanleko herri batean, maskulinitate ereduez hausnartzera eraman zituen bai herritarrak zein udaletxeko kideak, eta berdintasun sailetik proiektu hau sustatu zuten, hemen uzten dizuet naizeko erreportai bat proiektuaren inguruan:
Bestetik, eusko jaurlaritzaren gizonduz proiektua ere aipagarria da, aintzindaria izateagatik gaian eta egiten duten lanagatik beste eredu batzuen alde. Hor uzten dizkizuet linkak saltseatu nahi izan baduzue begirada bat botatzeko:
Baita oso interesgarria den gizonduz jardunaldien bideo bat:
Gizonak, maskulinitateak eta boterea

Bestetik, medicusmundik antolatzen duen lehiaketako bideo bat elkarbanatzen dizuet, “mi cuerpo no se vende” nire goputza nire erabakia lehiaketaren irabazlea izan zena:

Eta azkenik, hona hemen lehengo urteko kide baten posta:

Erronkei dagokienez, lehenik eta behin gaiaz hitz egitea aurrerapauso eta erronka handia dela iruditzen zait, bidea egiten hasi berri den gai bat baita. Hortik aurrera, sentsibilizazioa, rolak apurtu, boterea kendu eta feminismoaren bidera batzea iruditzen zaizkit erronka nagusiak, lehen aipatutako eredu berriekin batera.


2017/03/14

Indarkeria matxistak gainditzen

Aste honetako hausnarketa lelo batek laburbildu behar badu, inolako zalantzarik gabe honako lelo hau izango da:



Irantzu Varelak bideo honetan (beste gauza askoren artean) zera dio:
El sistema heteropatriarcal nos ha socializado en el miedo, y el miedo es la esclavitud. Es un miedo abstracto; porque las mujeres sabemos que tenemos que tener miedo, pero no sabemos a qué. Se nos ha socializado como víctimas, y no se nos ha explicado que nos podemos defender. 


Iazko ikastarokideek egindako post-en artean, Maialen Arregi-k idatzitako Indarkiria matxistei buruz hausnartzen deiturikoa gomendatu nahiko nuke. Oso ondo idatzia eta erakargarria izateaz gain, bereziki gustatu zait bertan itsatsi duen Jone Bengoaren ilustrazioa.

Ikasleekin erabiltzeko moduko baliabide digital ugari daude indarketia matxistaren inguruan. Oso erabilgarriak iruditzen zaizkit, adibidez, Ernai-k 2014-an atera zituen mikromatxismoen inguruko bideo laburrak (6 bideo dira guztira). Besteak beste, ikasgelan hausnarketak bideratzeko lagungarriak izan daitezkeelako; ikasleen adin beretsuko gazteak agertzen dira bideoetan, eta egunerokotasunean oso ohikoak diren egoerak adierazten dituzte.


Bestetik, interesgarria iruditzen zait baita haiekin maitasun erromantikoaren inguruan hausnartzea. Horretarako, Ainara Santamaria-rekin elkarrizketa labur hau erabiliko nuke. Bost minututan gako garrantzitsuak ematen ditu, eta berriz ere, hausnarketak bideratzeko oso erabilgarria dela iruditzen zait honako bideo hau:



Eremu hezitzaiean lantzeko erronkak amaiezinak dira:
  • Eremu hezitzaile osoan arazoak duen dimentsioaz jabetzea / kontzientzia hartzea.
  • Sororidad-ea lantzea; emakumezkoen arteko elkartasunari dagokion garrantzia ematea.
  • Autoezagutza, autokonfiantza eta segurtasuna lantzea.
  • Erasoen identifikazioa lantzea, eta hauei aurre egiteko tresnak gureganatzea.
  • Autodefentsa feminista tailerren eskaintza orokortzea.





2017/03/13

Gatazkak eta hauen trataera hezkidetzailea

  • Gatazken ingurukogogoeta pertsonala

Aste hasieran banekien gatazkek, orohar, zentzu negatiboarekin hautematen genituela. Zerbait inkomodoa eta ekiditeko bezala ulertzen ditugula. Denborarekin gatazketatik ere ikasteko balio digutela ulertu dut.
Astean zehar egindako ibilbidearen ondorioz konturatu naiz bakearen ustean bizi garela. Hau da,bakea gerrarik eza edo edozein indarkeriarik eza bezala ulertzen dugula. Astean zehar egindakoibilbidearen ondorioz konturatu naiz hortan oso oker gaudela: indarkeriak forma ezberdinak hartzen dituen gizarte batean bizi gara, eta indarkeria forma horietako batzuk iada hain ditugu normalizatuta, beldurgarria da baina hala da.
Zuzeneko eta ageriko indarkeriaz gain (fisikoa), ezkutuko bi indarkeria ere badaudela ikasi dut: batetik, egiturazkoa indarkeria- pobrezia, errepresioa, alienazioa, hau da gizakiei ahalmenak garatzen uzten ez dien oro-; bestetik, indarkeria kulturala -zuzeneko indarkeria erabiltzea edo biztanle batzuei oinarrizko eskubideak denbora luzean mugatzea justifikatzen duena-.
Gai honen garrantzia zehaztu beharko banu, esango nuke bakea ez dela egoera estatikoa, prozesu dinamikoa dela baizik. Eta gatazka, ezinbestekoa dela pertsonen eta jendartearen garapenerako. Egoera gatazkatsuei irtenbidea topatzeko moduek definitzen dute bake egoera dugun ala ez. Gatazken trataera eraikitzaileak eta berdintasunean oinarritutakoak eragingo du bakea.


  • Gatazkei buruzko izko ikastarokideek egindako post hau oso interesgarria iruditu zait:

ARAUTIK ATERATZEN DEN ORO GATAZKATSUA BADA, ZER DAKAR EMAKUMEEN SUMISIO EZAK?


  • Gai honen garrantziaz jabetzeko hezitzaileei ikerketa, baliabide
edo proposamen adierazgarriren batzuk jarraian: 

1. Golden 5 programa

2. Harremanitz taldeak eskoletan 6 orduko esku hartzeak egiten ditu, 'Hezkidetza eta Tratu onak' programa aurrera eramanez.

3. 'Bakeari buruz ari gara denok, baina ez du inork bakerako hezten. Lehiakortasuna erakusten du gehiengoak, eta hau da guda ororen abiapuntua. Lankidetza eta elkarri laguntzeko hezten dugunean hasiko gara bakea erakusten'. [Maria Montessori]




4. Ikaskuntza kooperatiboa

5. Educa para la paz: Jolasaren Alternatiba

5. Educapaz – La construción de las identidades de género. Actividades para trabajar con jóvenes y adolescentes. 


  • Zein dira zure ustez hau guztia eremu hezitzailean/ jendartean lantzeko erronkak?

-Gatazkak egun duen konotazio negatiboa iraultzea.
-Errealitatea aztertu eta berregiterakoan,jakintza sortzearen 'generizazioa' eragitea; errealitatea aztertu eta eraldatzerakoan emakumeon egoera kontutan edukitzeko neurriak hartzea. Gatazkaren analisiaren generizazioa.
-Agresibitatea pertsonok (emakume zein gizonek) dugun ezaugarria dela kontutan hartzea eta ez reprimitzea, baina indarkeriazko jarrerak ekiditea. Tratu onetan eta indarkeria ezan heztea.
-Gatazkak ekidin gabe mahai gainean jarri eta hauek modu egokian tratatzea, hontarako baliabideak eskainiz.
-Pertsona ororen iritziak, pentsamenduak... errespetatzea, ados egon ez arren.
-Elkar entzuketa aktiboa sustatzea.
-Zaintzen etika praktikatzea.
-Hezkuntza emozionala eta elkarri entzuteko espazioak lantzea.
-Indarkeriaren erabileraren deslegitimazioa praktikatzea.
-Maskulinitate hegemonikoaren baitan dagoen gizakion independentzia ulertzeko modua aldatzea: pertsonok elkarrekiko dependienteak garela ulertzea eta ideia hau sendotzea. 



Hezkidetza gabe ez dago bizikidetzarik



Aste hasieran banekien gatazkak eta hauen trataera eta konponbidea gure eskoletan lantzea oso garrantzitsuak direla , baina gaia sakontzen joan garen heinean, gaiak duen dimetsioaz eta garrantziaz jabetu naiz. Gaur egun gure ikastetxeetan eta jendartean gatazkaren inguruko ikusmolde negatiboa oso errotua dago eta gehienetan, arazo edo gustokoa ez dugun zerbaitekin identifikatzen dugu eta gure interbentzioa ere norabide eta ikuspegi horretan oinarrituz erantzuten  dugu, gatazkak dituen aspektu edo aukera positiboak albo batera utziz.

Astean zehar egindako ibilbidearen ondorioz konturatu naiz
Gatazkak, historian zehar  jakintza eta  zientzia ezberdinek aztertu dituztela eta hauek eta ebazteko ulertzeko modu ezbedinak daudela. Dena den, ikusmolde ezberdinek adostasunez jasotzen dute " gatazka pertsona bat baino gehiagoren arteko kontua dela eta egoera baten aurrean beraien artean ematen diren bereizketak direla". Gatazkari aurre egiteko modu ezberdinak daude, beraz gatazkaren trataera eta gatazka hori nola konpontzen den, gakoa da gatazka hori  eraikitzailea eta positiboa izateko:
  1. Arazoak konpontzeko modu anitzak daudela ikastea.
  2. Harreman hobeak eta iraunkorragoak eraikitzeko.
  3. Nor bere buruaz gehiago jakiteko eta gainontzekoetaz gehiago jakiteko.
 Gatazkaren -egituran hiru aspektu hauek kontutan hartu behar ditugu: Pertsonak, prozesua eta arazoa.  Gatazkari aurre egiteko lankidetzan oinarritzen bagara, garatu nahi dugun jokamoldea  parte hartzen duten pertsoen interesak, beharrak, balioak, itxaropenak eta gertatutakoaren pertzepzioak ezagutu behar dira, beraien arteko komunikazioa edo bitartekaritza bultzatuz.


Eta zergatik gatazkak eta trataera hezkidetzailea? Gatazken trataeran genero ikuspegia kontutan hartzea ezinbestekoa da.
  • Enpirikoki, gatazken zergaitiak eta ondorioak ulertzeko.
  • Kontzeptualki, sakonean ulertzeko.
  • Etikoki, pertsonengan eta gizartean duten benetako eragina agerian uzteko eta bere trataera desegokiak duen ondorio kaltegarriekin bukatzeko.
Gatazken trataeran beharrezkoa da nesken zein mutilen beharrak eta baita femeninotzat jotzen dugun kultura bizikidetza positiboaren eraikuntzari eginiko ekarpenak kontutan hartzea.


Gai honen garrantzia zehaztu beharko banu, esango nuke Eskolek , gatazken aurrean hartzen duten jarreraren inguruan hausnarketa prozesu bat egin beharko luketela, gaia oso garrantzitsua bait da eta eskolak gai honetan erantzunkizun haundia  duela. Gatazkak eta hauen trataera oso garrantzitsua da eta gatazken trataera hezkidetzailea eta lankidetzan oinarritzea urrats bat gehiago da eskola hezkidetzailea lortu ahal izateko. Gatazkei aurre egiteko modu ezberdinak daude baina hauei nola egiten diegun aurre balio haundia du. Gatazkaren ebazpenean  ezinbestekoa da inplikatutako bi pertsonen artean komunikazioa, parte hartzea , adostasuna eraikitzea, justizia eta etika. Modu honetan gatazkei  aurre egiten badiogu,  bestelako gaitasunak jorratuko ditugu :autokonfiantza, babesa, errespetua eta besteari entzutea. Beraz, jendartea eraldatzeko eta gaur egungo eskoletan bizi den indarkeri giroa desagertarazteko modu egoki bat izan daiteke.



Iazko ikastarokideek egindako postetatik hauxe aukeratu dut " ARAUETATIK ATERATZEN DEN ORO GATAZKATSUA BADA, ZER DAKAR EMAKUMEEN SUMISIO EZAK?"http://hezkeh0506.blogspot.com.es/2016/02/arautik-ateratzen-den-oro-gatazkatsua.html,   bertan egileak gatazka bertan   eta bertan bake eta gatazka kontzeptuei kritika feminista egiten du.

Gai honen inguruan sakontzeko baliabide eta proposamen hauek gomendatzen dizkizuet: 


Eta zeintzuk dira zure ustez eremu hezitzailean/jendartean lantzeko erronkak?
  •  Edozein gatazkaren aurrean bai analisian, interpretazioan zein trataeran genero ikuspegia kontutan hartzea.
  • Gatazkaren aurrean dagoen kultura eta aurreiritzia lantzea, horretarako ezinbestekoa da formakuntza eta hezkuntza komunitatea konzientzia hartzea. Gure ikastetxeetan/jendartean gatazkaren trataerarako eredu positiboa trasmititzea.
  • Curriculumean txertatzea gatazken trataerarako behar diren konpetentzien garapenerako edukiak. Botere kontzeptua birdefinitzea eta bera garatzeko behar direnak: aukerak zabaltzeko gaitasuna, akordioetara heltzeko gaitasunaa, komunikatzeko gaitasuna eta emozioak ulertzeko gaitasuna.
  • Aniztasunaren trataera ardatz izatea, identitate anitzekoak gara, hierarkizaziorik gabeko identitateak eta elkarren beharra dugunak.
  • Partaidetza aktiboa sustatu eta parte hartze parekidea bermatzeko metodologi kooperatiboak erabili.
  • Espazioa eta denboraren kudeaketa parekidetasunean oinarritzea.
  • Irakaslegoaren formakuntza ezinbestekoa da guzti hau aurrera eramateko.
Eta amaitzeko Marian Morenoren esaldi batekin amaitu nahi dut, ikasgai honetako edukiak barnebiltzen bait ditu 
" No existe la convivencia sin coeducación, la perspectiva de género y la
educación para la igualdad nos ayuda a sentar unas bases sólidas para una convivencia en paz y en igualdad que nos permite ser más felices. De ahí la importancia de abordar de forma sistemática y transversal la formación del profesorado en coeducación"

ELKARREN ARTEKO HARREMANA BERA DA GATAZKA



Saharan zentratzen bada ere, ANÁLISIS DEL CONFLICTO SAHARAUI DESDE UNA PERSPECTIVA DE GÉNERO   artikulu honetan  egiten den analisiak gatazken inguruan egin diren eta egiten diren gogoetak zabaltzen laguntzen duela iruditzen zait, batez ere testuak aipatzen dituen hiru ildo hauek indartuz:
  • Edozein gatazka errealean emakumeek eta adingabeek baldin badira ere gehien sufritzen dituztenek indarkeriaren ondorio latzenak, begirada bakarreko ikuspuntu erredukzionista honek emakumeek izaten duten paper aktiboa estali egin du, biktima bezala agertzen dituelako bakarrik, beste eremu guztietatik desagertaraziz
  • Gerra edo gatazken ondorioz gertatzen diren lekualdatzetan edo etxe aldaketetan, familiaren desintegrazio garrantzitsua dela eta genero rolak eraldatzen dira, emakumeek erantzukizun osoa bereganatzen dutelarik, lanaren zatiketa eta parte hartze politikoa eusten duten gakoek aldatuz.
  • Diskriminazio sakona jasaten duten emakumeentzat, gatazka sozialak edota pertsonalak ahalduntze prozesuari ekiteko urratsak bihur daitezke, egoera berriek erabakiak hartzera eta rol politikoak bereganatzea bultzatzen dituztelako sarri emakumeak, tradizioak esleitzen dizkien roletik aldentzeko aukera esleituz. Ahalduntzeko iturriak bihurtu diren aukera hauek garrantzi berezia hartzen dute gatazka erabakian eta bakearen eraikuntzan, soziedadeak eraldatzeko generoak duen indar izugarriagatik.
Gatazkak ez dira neutroak, ezta generoaren ikuspuntutik ere. Funtsezkoa  da generoa erabiltzea analisi kategoria bezala ikusarazteko nola definitzen den gizon eta emakumeen arteko botere erlazioa, gatazkako nahiz gatazka ondorengo agertokietan eta bake prozesuetan. 


Interesantea ere gatazken inguruan emakumeei egotzitako estereotipoei buruz aritzen den artikulua, ESTEREOTIPOS Y CONTRAESTEREOTIPOS DEL PAPEL DE LA MUJER EN LA GRAN GUERRA. EXPERIENCIAS FEMENINAS Y SU REFLEJO EN EL CINE.   Lerner-ren aipu honekin hasten dena: “Hay mujeres en la Historia y hay hombres en la Historia, y sería de esperar que ningún planteamiento histórico de un período determinado pudiera haberse escrito sin tratar de las acciones e ideas tanto de hombres como de mujeres”

Eta zer esan intolerantziatik sortzen diren gatazkei buruz? Bideo honek kontatzen duen historiak garapen berdina izango luke protagonistak bi emakumeak izango balira?

.


Aste honetako ikasgaira begiratuz,
1.- Aste hasieran banekiela gatazkak konpontzeko bide ugari daudela esango nuke. Han eta hemen entzunda nuen gatazkak kudeatzeko ikastaroak egiten direla ikastetxe askotan, eta badaudela hainbat kolektibo horretan espezializatuta daudenak, GEUZ edo SORKARI esaterako, pare bat adibide jartzeagatik. Baina nekien informazioagatik, gatazkak ia beti ikasleen portaera arazoekin lotzen nituen edo, maila altuagora eramanez, gerrarekin edo eztanda egiteko zorian dauden gaizki ulertzeekin.
Astean zehar egindako ibilbideari esker, gatazka kontzeptua modu zabalagoan ulertzen dut, ez bakarrik bere konnotazio negatibotik. Gure bizitzarako onuragarria izan daitekela gatazka erronka bezala ulertzea pentsatzen dut, guk bezala pentsatzen ez duenari ere kalitatezko hitza eman eta entzuteko jarrera hartu, gu aberastuko gaituela sinetsiz, aldaketak egiteko prest azalduz.
Gai honen garrantzia azpimarratzekotan, gatazkaren ondoan bakea dagoela esango nuke, eta bakea, azken finean, pertsonen artean eta ingurunearekin maila ekonomikoan, sexualean, etnikoan, kulturalean eta abar, berdintasun harremanak izatea dela.
2.- Iazko ikastaro kideen artean, GATAZKAK HEZKIDETZAREN IKUSPUNTUTIK HAUSNARTZEN   , Aida eta Itsason ekarpena aukeratu dut, ideiak garbi antolatuta azaltzen dutela iruditu zaidalako.
3.- Zer proposatu gai honen garrantziaz jabetzeko? Bi ipuin motz, biak bideoak bihurtuta: Galeanoren UN MAR DE FUEGUITOS, “El libro de los abrazos” obratik hartuta eta ASAMBLEA EN LA CARPINTERIA, Juan Mateoren “Cuentos que mi jefe nunca me contó” liburutik hartuta.

  .

4.- Erronka nagusienak, hau guztia  eremu hezitzailean lantzeko, hauek dira nire ustez:
  • Irakasle, ikasle eta gurasoek prestakuntza jasotzea, guztiak eragile zuzenak izan daitezen. 
  • Gatazkak tratatzeko baliagarriak diren konpetentzien garapenerako kultura femeninotik zein maskulinotik hartutako hainbat eduki curriculumean txertatzea. Adibidez, sentimenduen eta balore afektiboen inguruan hausnarketa berreskuratzea eta hainbat kontzeptu birdefinitzea: errukia, maitasuna eta abar.
  •  Aniztasunaren trataera ardatz izatea, jakinda identitate anitzekoak garela, hierarkizaziorik gabeko identitateak eta elkarren beharra dugunak. Horrek laguntzen du ezberdina denari beldurrik ez izaten.  
  • Neskek zein mutilek beren beharra eta interesak adierazteko parte-hartze guneak izatea.  
  • Gatazken trataeraren prozesuetan ikasleen (nesken zein mutilen) irtenbide-proposamenak oinarri izatea.  
  • Arauak modu partekatuan lantzea, gaztetxoen eta helduen artean  
Bukatzeko, lankidetzarekin  lotutako irudi batekin uzten dizuet, eta lankidetza oztopatzeari buruz doan bideoarekin.
Galdetu beharko genuke non dauden emakumeak...