OSPAkIZUnA, betor ospakizuna
Astean zehar jorraturiko ideia edo kontzeptu garrantzitsuenekin hitz-hodeia osatzen saiatu naizenean hitza irudiarekin lotzen nuen behin eta berriz. Horrengatik hitz-irudi hodeia egin dut. 
Honekin batera hauxe aste honetako laburpena.
Aurreko edizioetako ikastarokidea den Haizea Careagaren JAIAK ETA OSPAKIZUNA posta gomendatu nahi dizuet gaia ederki aurkeztu eta jorratu duelakoz:
Beraz, jai eta ospakizunetan genero-ikuspegia txertatzea ezinbestekoa da neskek eta mutilek berdin goza eta parte-hartu dezaten bermatzeko. Gainera, ezinbestekoa da genero-ikuspegia kontuan izatea, ospakizun horien bidez baloreak eta sinismen ugari transmititzen eta irakasten direlako.
Ederki sekuentziatu ditu gaiak: genero-ikuspegia jaietan, eraso sexistak, jaiak eskola eremuan eta hezkuntza ez-formalean lantzeko erronkak. Hau guztiaz gainera, egungo jendartearen erdiari Ez, EZ DA! onartzea zaila egiten zaiela argi dago eta mezuak ez du zalantza tarterik uzten:
Mezu hau datorkit burura, bihotzera eta erraietara:
Sistema patriarkalari interesatzen zaio emakumeak beldurrez egotea, eta horretara bultzatzen du; batzuk beldurra sortaraztera , bertzeek pairatzeko.
Hortaz diot, OSPAkIZUnA betor ospakizuna!
Jaiak eta ospakizunak hezkidetzaren ikuspuntutik lantzeko baliabide hau gomendatu nahi dizuet, bereziki eskola eremuan aritzeko gida delakoz. Hausnarketa eta hobekuntza elkartzen ditu.
Horrekin batera, herri mailan Elorrioko udalaren Jaietan parekidetasuna bizitzeko dekalogoa aurkitu dut sarean nabigatzen:
Hauek dira ene ustez, hau guztia eremu hezitzaileetan lantzeko erronkak:
- Eskola komunitatea eta hezkuntza ez formaleko arduradunak ospakizunetan genero ikuspegia txertatzearen beharraren inguruan hausnartzea eta kontziente izatea
- Eskoletako ospakizun guztietan genero-ikuspegia txertatzeko jarraibide batzuk diseinatzea eta ezartzea.
- Ospakizun eta besta egunetarako iragarpenak aztertu eta hausnartu ikasleekin
Eskolan hausnartzen eta aldaketa bermatzen hasiz gero, akaso, jendartera hedatzea lortuko dugu!
Esperantza horrekin, ospakizunetara hezkidetzaile lagunak!
iruzkinik ez:
Argitaratu iruzkina