Sareak eta hezkidetza, gazteak

 XXI. mendeko hezkuntza hezitzaileak ziberaktibismoa hezitzailea behar ote du?

Neure buruari galdera hau egiten hasi naiz. Testuak gogoeta honetan murgiltzeko oso apraposak izan dira. Irakurritako testuen laburpena poster horretan biltzen saiatu naiz, gauza askoren falta oraindik noski.

Maite Goñin dion bezalaxe HIKT aparteko komunikazio tresnak dira, baita kolaborazioa bideratzeko ere. Hala ere, kontuan izan behar dugu konpetentzia digitala testuinguru ideología-kultura-ekonomian garatzen dela eta beraz, gure gazteak, emakumeok zein gizonek ez garela hortik kanpo bizi. Horregatik sarritan, interneten emakumeok jasaten ditugun desberdintasunak bizi daitezke, baina era sutilago batean (Ianire Estebanez). Bat egiten dut Ianirekin dioenean lehendabizi jarrera kritikoa landu behar dela gazteekin, hori ezinbestekoa baitugu berdintasuna lantzeko.

Bestalde, dudarik ez dago gazteak era teknologikoan hazi direla eta eurengana hurbiltzeko hezitzaileok teknologia berrietan konpetenteak izan behar dugula; baina kontuz, zorroak ez du edukia ordezkatu behar.  Niretzat edukiak dira muina, HIKTei garrantzia kendu barik.

Askotan entzun izan ditugu mezuak non esan izan den hezkuntzaren konponketak teknologia berrietatik datozela, eta ikerketek ez dute hau guztiz egiaztatzen. Bat nator Gloria Bonderrek dionaz; hau da, teknologiek bere kabuz ez dute aldaketa egiten zentzu transformatzailea emanez, zentzua, norabidetasuna eta balioa eman behar zaie. Eta bai, emakumeok horretan egon behar dugu, sortzaileak izan behar gara, ikuskera ireki behar dugu, proposamen berriak interneten bidez plazaratu behar ditugu, ziberaktibismoa alegia.

Amaitzeko, zer esan zientzia eta teknologiaren inguruko datuetaz. Nik egindako tesian ere horren inguruko zenbait datu lortu eta aztertu nituen. Noizbait interesa izatekotan guztion artean gustura partekatuko nituzke. 

Bestalde egindako galderen erantzunak zuokin konpartitzea ere nahiko nuke: 

• ·         Zer izan da berria? Interesgarriena? Erronkak?

Niretzako mezua izan da berria: feminismoa planteatu den erronkatik, ziberaktibismotik hezitzailetik alegia. Inoiz ez dut horretaz pentsatu. Interesgarria iruditu zait, baina abiadurek beldurra ematen didate, eta batzuetan mezua arinegi doala iruditzen zait.

• ·         Ze erabilera eta etekin ikusten dizkiozu sare sozial hauei? Zergatik da hain garrantzitsua ziberaktibismo hezkidetzailea?

Ziaberaktibismo hezkidetzaileak teknologia berrietan muinetariko bat izan beharko luke, gizarte berdintsuago baterantz joan nahi badugu; bestela betiko esteriotipoak klonatuko dira interneten. Sare sozialetan jarritako edozer gauza era esponentzialean zabaltzen da; beraz, gazteek horretaz jabetu behar dira; hau da jarrera kritikoan hezitu behar ditugu. 

 Ni sare sozial batean nago bakarrik, whasapp-ean. Nire intimitatea asko baloratzen dut eta, agian horregatik ez dut besterik nahi momentuz.  Hala ere, beste sare batzuen inguruko argudioak  ulertzen ditut.