Heziketa afektibo-sexual osasuntsu, anitz eta librea jaiotzetik heriotzera!

Hurrengo hizki salda, aste honetako gaiaren isla lirateken hitzez osatu nahi izan dut, orain arte eredu bezala izan ditugun hainbat hitz batetik eta bestetik, hezkidetzailea izateko, heziketan eta curriculumean, kontutan hartu beharko genituzkenak:

Gorputz sexatuak gara eta gure sexualitatea beti presente dagoenez, etengabe ari gara heziketa afektibo-sexuala egiten, modu esplizitu edo inplizituan. Sexualitatea ere eraikuntza soziokultural bezala ulertu daitekenez, gaur egun dirauen eredu heterosexista ugalkor hegemonikoa kolokan jartzea ezinbestekoa da, sexualitatearen diskurtsoa bere espresio anitzekin normalizatu ahal izateko. Afektibitatea eta sexualitatea estuki erlazionaturik daude eta afektibitatearen garapen berdinkidea lortzea funtsezkoa da, sexualitate sano bat garatzeko. Sexualitatea jaio eta hil bitarteko laguna denez, elkarrekiko errespetuan, nahian, adostasunean, oinarritutako edozein sexu adierazpen zilegi izatea litzateke helburua eta honela existitzen den aniztasuna, bai eskolan, familian, herrian, auzoan, inguruan… islatu.

Gure aurriritzien erakusgarri izan daiteken “EL AMOR NO TIENE ETIKETAS” bideoa.

Aurreko edizioetako posta hauxe hautatu dut, oso ongi laburbiltzen duelako gaia eta jarritako adibideak baliagarriak direlako. Heziketa afektibo-sexualaren hitzen hasierako hizkiak erabiliz osatu duen idatzia ederra. Hitzen loturak eta taula erabiliz oso ongi adierazten du gaiean aipatzen diren ideia ezberdinak:

DESIRA            è  UGALKETA

PLAZERRA      è  KOITOA

EMAKUMEA    è  MENPEKOA

SEXUA            è  KONTSUMO PRODUKTUA

ANIZTASUNA è   IKUSTEZINA

Baliabide bezala:

• Gaiarekin zerikusia izan dezaketen ipuin hauetxek proposatuko nituzke txikienekin lanean hasteko: Katxiporretak argitaratutako “Biluzik” bildumako ipuinak,  “nondik datoz umeak?” eta“derrigorrez musurik ez”.

• Lehen hezkuntzarako Kilimak! unitate didaktikoak eta Taupadak! 13/14 urteko nerabeekin.
  
  

• -           Steilas sindikatuak argitaratutako 2 unitate didaktiko ezberdin, haur hezkuntzan eta LHko 1 go eta 2. zikloan lantzeko: HezkuntzaAfektibo Sexuala bata eta bestea Askatasun begiradak.
• -          Eremu guztietako hezitzaileentzat, Argia astekarian argitaratutako "Pornografia denean sexu hezitzaile nagusia" izeneko artikulu hau irakurri eta ondorioak ateratzea.

Eremu hezitzailean lantzeko erronkei dagokionez, irakurgaiean azaltzen direnak oso adierazgarriak dira:

• Eskola-komunitate osoaren sentsibilizazioa eta prestakuntza.
• Heziketa-eragile guztiak heziketa afektibo-sexuala egiten ari garela onartzea eta eskola-komunitate osoaren konpromisoa plan integral bat aurrera eramateko,maila guztietan, bai eskolan, bai familia ingurunean, baita herri zein auzo mailan ere.
• Emakumeen eta gizonen sexualitatearen inguruko mitoak deseraikitzea, desira eta plazera,sentimendu eta emozioak, maitasun erromantikoaren mitoa, amatasunarena….
• Heziketa afektibo-sexuala aniztasunean heztea eta sexualitate anitzen diskurtsoa normalizatzea.
• Norberak bere gorputzaren autoezagutza eta onarpena eta gorputz
• desberdinen balorazioa sustatzen duen heziketa.
• Aisialdia eta sare sozialak benetako askatasunez, segurtasunez eta eraldaketak
• gauzatzeko esparru bezala erabiltzeko erremintak ematea.
• Hizkuntza hezkidetzailea erabiltzea eta material didaktikoetan aniztasunaren presentzia sustatzea.
• Ikastetxea zein beste lan esparruak aske esperimentatzeko eta espresatzeko gune bihurtzea.

Bukatzeko, proposamen bat, intimitatea, gorputza eta sexualitateari buruzko experientzia emozionala bezala definitzen den TOUCH ME NOT pelikula.