Jaiak berrikusteko ardura

JAIAK eta OSPAKIZUNAK aitzaki hartuta AKROSTIKOA osatu ondoren aurreko edizioetako ikastaro-kideek egindako post bat aukeratu dut : Maite A.S.-rena, hain zuzen ere.  Bertan agertzen zaigu edozein komunitatetan burutzen diren jaiak edo ospakizunak aztertzeko bidea, eskoletara nahiz herrietara eraman beharreko prozesua.

Konturatu naiz ikastetxeetan Elkarbizitza Behatokia indarrean dugula, eta beste bat sortzen ibili gabe,  batzorde mistoa den heinean, eginkizun hau heureganatzea oso eraginkorra litzatekeela: familien ordezkariek famili eta senideekin lanketan, ikasleen ordezkariek gelako ikasleria osoarekin, irakasleek klaustroetan, irakasle ez diren langileen artean…

Hausnarketa prozesuak eredu berriak planteatzera eramango luke eta eraldaketa gauzatzera, kontzienteki, beste toki batzuetan zer nolako irtenbideak topatu dituzten galdezka, komunikatuz saretzen.

Geure Elkarbizitza-Hezkidetza mintegietako lan ildo bat izatea nahiko nuke: denok izango ditugu irizpideak osatzeko esperientziak, ikastetxeetan, herrian, nonahi …  

Eremu hezitzaileak denak direnez  lantzeko erronkak esparru guztietan ditugu: hainbat eredu krisian jarri,  alternatiba inklusiboak diseinatu, garatu, bisibilizatu eta ebaluatu, aurrerabideak sendotzen joateko.

Kolektibo asko azken urte dezentetan arduratuta eta ekinean topa ditzakegu eta inspira gaitezke eta ikertu  balioak eta moduak ikastetxeetan kuestionatzen laguntzeko:  https://www.argia.eus/argia-astekaria/2421/jai-herrikoiak

●        Alternatiboa

●        Herri, auzo giroa, auzolana

●        Herri olinpiadak, joku kooperatiboak

●        Kritika eta parodia

●        Aniztasuna

●        Euskara

●        Feminismoa eta askatasuna

●        Ingurumena

●        Aldarrikapena

●        Balore aurrerakoiak