2019/11/21

HEZKIDETZAREN MARKO LEGALA PRAKTIKARA ERAMAN NAHIAN


Aste honetan gogoeta egin ostean, ondorengo hitz-hodeia atera zait:

 

Lehenik eta behin, Aurreko urteko bat aukeratzekotan
#ArtaldetikAT-ek idatzitakoa aukeratu dut. Oraingoan askotxo kostatu zait aukeratzea, bat baino gehiago gustatu baitzaizkit eta askorekin bat bainator. Baina berak esandako guztiarekin bat egin dut eta nola egituratu duen lana ere gustatu egin zait.


Bigarrenik, EZAGUTZEN EZ NUEN ETA ESANGURATSUA EGIN ZAIDANA azalduko dizuet:

"4/2005 LEGEA, otsailaren 18koa, Emakumeen eta Gizonen Berdintasunerakoa.

Eusko Legebiltzarrak otsailaren 18ko 4/2005 Legea, Emakumeen eta Gizonen Berdintasunerakoa, onartu duela jakinarazten zaie Euskadiko herritar guztiei

Otsailaren 18ko 4/2005 Legea, Emakumeen eta Gizonen Berdintasunerakoa.

ZIOEN ADIERAZPENA

III.zioa



“Titulu horretan jasotzen diren printzipio orokorren ondorio gisa, lege honetan bultzatzen den berdintasuna berdintasun zabala da; izan ere, berdintasun horrek, eskubideak, agintea eta baliabide eta onura sozial eta ekonomikoak eskuratzeko abiapuntu diren baldintzak ez ezik, horiek guztiak gauzatu eta behar den moduan kontrolatzeko baldintzak ere ukitzen ditu. Halaber, berdintasun horrek emakumeen eta gizonen aniztasuna errespetatzen du, eta horien berezitasunak integratzen ditu, gaur egun gizonen eredua ezarri eta orokortzeko zabaldu den joera zuzentze aldera. Horrenbestez, ondokoa da helburua: emakumeak eta gizonak, ezberdinak izaki ere, berdinak izatea. Horixe da, hain justu ere, legearen izenburuan "emakumeen eta gizonen arteko berdintasuna" barik "emakumeen eta gizonen berdintasuna" jarri izanaren zioa. Horrela, itzuri egiten zaio emakumeen eta gizonen egoeren arteko konparazio hutsa egiteari, zeren egoerok besterik gabe erkatzeak sarri askotan hierarkia bat islatzen baitu berez; izan ere, hierarkia horren arabera, gizonen egoera da xedetzat hartzen dena, eta emakumeek horretara moldatu behar dute, beren balio, gurari eta jomugei uko eginez.”  More ilunez jarri dudana irakurri dudanean, benetan konturatu naiz izenburua horrela agertzearen zergatia. Lelokeria badirudi ere, azalpenari oso ondo deritzot, orain arte ez bainaiz horretaz ohartu.

Hirugarrenik, guztia irakurri ostean, bai lege, bai plan etab…HEZITZAILEONTZAT ONDORIO argi bat atera dut: ezinbestekoa da, hezkuntza munduan ari garen orok Hezkidetzari buruzko prestakuntzak jasotzea. Orain dela gutxira arte, ikastetxeetan hezkidetza ikuspegia sartzen zuen bakarra edo bakarrenetarikoa Hezkidetza arduraduna zen, baina “transversala” izan behar du, hau da, zeharka irakasgai, ekintza, jarduera guztietan hezkidetza ikuspegia hartu behar da kontuan. 

Horretarako, Hezkidetza II. planean zehaztuta agertzen den bezala 2019-2023 bitartean, 1.helburu estrategikoaren barruan dagoen 1.helburu zehatzak dio: Prestakuntza-ibilbideak eskaintzea, hezkuntza-komunitate osoak eta Hezkuntza Saileko zerbitzuek hezkidetzan prestakuntza dutela bermatzeko. Hori horrela, garaia da, baten batek oraindik betaurreko moreak jantzi ez baditu, jantzi ditzan, hori, denon ardura baita, ez bakar batzuena.

 
Azkenik, Berrigasteizkoek Hezkidetza II.planari buruz egindako mapa partekatzen dut zuekin: 


Martxoaren 7an, Bilboko Euskalduna jauregian izan zen Hezkidetza II. planaren aurkezpena eta joateko beta izan nuen. Horra hor aurkezpena ikusi nahi baduzue:


Ondoren, Marian Moreno entzuteko aukera izan genuen, bera baitago beste batzuen artean, Hezkidetza II.plan horren atzean:


Gregoreta haundiaren ondorioak (asko merezi du entzutea, umorea ezinbestekoa baita kontu hauei aurre egiteko, bera Beatriz Egizabal  da, GREGORETTA eszenatokian):

 


iruzkinik ez:

Argitaratu iruzkin bat