FEMINISMOA

Feminismoa emakumeen esperientzian oinarritutako eta iraganeko eta gaur egungo erlazio sozialak kritikatzen dituen teoria sozial eta praktika politikoen multzo bat da. Gehienbat, feminismoak gizonen eta emakumeen arteko eskubideen ezberdintasuna kritikatzen du eta emakumeen eskubideen sustapena aldarrikatzen du. Teoria feministek sexuaren, sexualitatearen eta botere sozial, politiko eta ekonomikoaren arteko erlazioa zalantzan jartzen du.

Mugimendu honek bere historia luzean zehar gizon eta emakumeen arteko berdintasunean eta askatasunean lan handia egin duela ezin uka daiteke. Lortutako gauzen artean honako hauek azpimarratuko nituzke nik:

•           Boto eskubidea.
•           Gizonekiko (senarrekiko) askatasuna izatea: autonomia.
•           Gizonen hezkuntza aukera berdinak izatea.
•           Gizonen lan aukera berdinak izatea.

Baina oraindik ere badago asko egiteko. Ildo horretatik bideo hau interesgarria izan daitekeela uste dut:

Beraz, feminismoak lortzeke daukana:

•          Bere esanahia ezagutzera ematea (pertsona askok henbrismoarekin nahasten dute): http://beldurbarik.org/tag/feminismoa
•          Gizartearen genero-sistema haustea.
•          Gizarte osoa feminismoaren oinarrizko ideia defendatzea, berdintasuna alegia.
•          Aniztasuna balore positibotzat ikustea gizarteak.
•          Munduko herrialde guztietan mugimendua zabaltzea, pausuz pausu aurrera egiteko.

Erronka hauek eskoletan gainditzeko lehenengo eta behin irakasleak kontzientziatuak egon beharko ginateke. Gure hezkuntza praktika etengabe birpasatu eta modu hezkideago batean planteatu gelako ekintzak, gure buruak zalantzan jartzea, alegia.

Horrez gain gure buruak informatu eta formatu, ikasleenganako mezuak ere berdintasunean hezteko. Ikasleak berdintasuneko espazioetan hezi, gure praktiketan berdintasunezko ekintzak eta jarduerak planteatuz lor genezake; gure keinuak, hitzak eta mezuak kontrolatzen saiatuz. Gainera ikasleei edozein indarkeriaren aurrean salatzeko herramintak ematea garrantzitsua ikusten dut; kontzientziazio saioak egin eta eskolatik konfidantzazko giroa sortu, laguntzeko prest gaudela adieraziz. Eta horrez gain, askotan ikastaroan esandakoa: Emakumeek historian izandako parte-hartzea, agerpena eta gainzailtasuna ezagutzera ematea.