2015/11/08

GENERO INDARKERIARI BURUZ HAUSNARTZEN DUDANEAN...

GENERO INDARKERIA GURE INGURUAN?

     “Europan, 2014an, 62 milio emakumek indarkeria fisiko edo sexuala sufritu dute”, “Erasotutako emakumeen %8ak 18 urte baino gutxiago zituen…Erasotzaileen %2ª 18 urtetik beherakoa”
         Egoera hauek aldarrikatzen ditudanean, gizon batzuen (baita emakume batzuena era) itsukeria ezin dut jasan. Edozein motatako eta edonori (emakumea, gizona, neska, mutila, hetero ala gay, lesbiana, hots, persona) eragindako indarkeriaren kontra dagoen emakumea naiz. Hala ere, ezin da parekatzea emakumeen gizonen kontrako indarkeria puntuala, gizonek emakumeen aurka gauzatzen duten bortxakeria estrukturalarekin.

    Gazteek daukaten iritzia ere kexkatzekoa da. Genero estereotipoak oso barneratuta dituzte eta heltzen zaizkien mezuek (komunikabideetatik, telebistan ematen dituzten saio batzuetatik, zinematik, bideo-joku batzuetatik, abestietatik eta gizartetik orokorrean) estereotipo horiek indartzen besterik ez dute egiten. Gizonak, mutilak… heroiak agertzen dituzte, indartsuak, neska askorekin ibiltzeagatik erakargarriak direnak… eta neskak aldiz, ahulak, hipersexualizatuak, irudi fisikoari garrantzi gehiago formakuntzari baino…

       Irakurritato testutik, oso kexkagarria iruditzen zait mutilen %30ak emakume bati senarrak eraso egiten dionean, probokatzeko zerbait egin duela pentsatzea; baita nesken %28rentzako erakargarriagoak izatea mutil oldarkorrak emakumeak ondo tratatzen dituztenak baino.

      Iritzi hauek gizarteak irakatsitakoak izan arren, desikasi ahal direla ere gogoan izan behar dugu; beraz, hona hemen, hezkuntzako langile moduan gure erronka haundienetariko bat. 

        Gazteen lehenengo harreman afektiboek etorkizunekoetan  eragin handia izango dute, nerabezaroan izango dituzten esperientzietatik abiatuz  eraikiko baitira. Hau dela eta, neskekin batez ere, maltxurrak diren mutilak, ikasten ez dutenak erakargarriak direlaren ideia…, ikasten dutenak, maitekorrak direnak, errespeto agertzen dutenak askoz xarmagarriagoak direlaren mezuarekin ordezkatu behar dugu. Ez direla inoren “laranja erdia”: honek trasmititzen die erdi bat direla eta osotasuna lortzeko, ondoan mutil/gizon bat izan behar dutela. 


 Marcos Castro. Atracción, deseo y relaciones igualitarias. ¿Por qué me atrae si no me conviene? 



            Ikastetxeak inguru seguruak bihurtzen ahalegindu behar dugu. Hizkuntza hezkidetzailea erabili, ikasleak nahi duena izaten hezitu sexu-genero esteriotipoak baztertuz, ikasleekin maitasunaren kontzeptua landu behar dugu, argi eta garbi adieraziz maitasuna eta mina inoiz ez direla elkarrekin emango eta mutilengan maskulinitate berrien eraiketa bultzatu.


     Genero indarkeria eta maskulinitate hegemonikoa elkarrekin garatzen dira; beraz, maitasuna irrazionala dela, eta erakartzen gaituen mutil eredua aldatu ezin dugularen iritzien kontran lan egin behar dugu gure ikasle eta seme-alabekin. Galeanok zioenez, “El hombre que maltrata es porque tiene miedo a la mujer sin miedo”.

     
        Nire ustetan, genero indarkeria aipatzen denean emakumezkoen kontra, eta soilik emakumezkoak izateagatik, bikoteak, bikote ohiak, lagun esporadikoak, egun bateko lagunak…,eremu publikoan ala pribatuan, erabiltzen duen edozein bortizkeria mota (fisikoa, ahozkoa, jarrerazkoa, sexuala, psikologikoa, ekonomikoa,…) definitzen du eta emakume guzti guztiok gure bizitzako uneren batean sufritzen dugu. Genero indarkeria 45 urteko baino gazteagoak diren emakumeen heriotzaren lehenengo kausa da.
Indarkeria sinbolikoa, indar fisikoa erabili gabe  gauzatzen den botizkeria da. Menperatzaileak bere menpe dagoenari (eta hauxe konturatu barik onartzen duena)  trasmititzen dizkion rolen, munduaren ikuspuntua. Niretzat fisikoa baino askoz arriskutsuagoa da, zeren eta, ikusezina denez,  inork hautematen ez duenez, denbora luzez iraun dezakeen.



      Bukatzeko, nire iritziz, premiazkoa da ikastetxe guztietan biolentzia 0 defendatzen duen irakasleentzako prestakuntza, bortizkeria fisikoaz gain, edozein errespetu gabeko jarrera baztertzen duena.

iruzkinik ez:

Argitaratu iruzkina