Egia esan, jarri dudan izenburua nire hausnarketa
da: genero indarkeria leku guztietan eta
eguneroko gauza bat da.
Egunero iragarkietan emakume eta okerrago neskak hipersexualizatuak
agertzen dira, txisteak, emakumeei buruko komentario matxistak emakumeok
jasaten ditugu.
Berriki gertatu denez gaiarekin lotuta eta oso
larria denez aurreko astean gertatutako pasadizo bat hemen kontatuko dut.
Irakasle gelan batean Heziketa fisiko irakasle
mutil bat (gaztea) ordenagailuan lan egiten zegoen, oso pozik bere lana ondo
geratzen zen eta, berak komentatuta ozenki, lana amaituta inprimatu nahi zuen
baina arazoren bat izan zuen eta honako esaldia bota zuen: "los
ordenadores como nosotros, bien. Las impresoras como las mujeres lentas y torpes"
(gastelaniaz esan zuen), nire ustez hau genero indarkeria da.
Ildo honetatik jarraituz, ikerlanen arabera nerabe
eta oso gazteak direnen artean tratu txarrak gero eta gehiago ematen direla.
Datuak hor daude: FRA-Oinarrizko Eskubideen
Europako Agentziak 2013an argitaratutako datuen arabera, hiru emakumetik batek
indarkeria fisiko eta/edo sexu-indarkeria pairatu du 15 urte zituenetik. EBn,
emakumeen % 18k jazarpen pairatu du 15 urte zituenetik. Nire ustez datu hauek
kontutan hartu behar ditugu nerabe eta gazteak biolentziarekiko lotura
kezkatzekoa da. Datuak ikusita genero indarkeria bai bikotean bai bikotetik
kanpo ematen direla argi dago.
Nerabeen %25ek pairatzen ditu abusu psikologikoak edo fisikoak
hitzorduetan (James, West, Deters eta Armijo, 2000).
Europako hainbat herrialdetan egindako ikerlanak aztertu dituzte.
Ondorioetako bat: neska gazteek emakume zaharragoek baino eraso gehiago izaten
dituzte, batzuetan kontrakoa pentsatu arren.
Familiek eta irakasleek ezer gutxi dakigu neska-mutilek orohar dituzten
harremanez eta bereziki internet bidez dituzten harremanez. Pentsatzen dugu
genero indarkeria harreman egonkorrei eta adin jakin bateko pertsonei lotuta
dagoela, aipatutakoaz ikusi dugu ez dela horrela, baina genero-indarkeriaren
legeak uste hori indartzen du.
Goian esan dudan bezala genero indarkeria
eguneroko gauza bat da, dena den askotan jendeari ikusta kostatzen zaio
naturalizatuta dago eta.
Nik uste dut indarkeriaren naturalizazioa
indarkeria sinbolikoan datza, txikitatik umeek leku guztietan indarkeria
ikusten dute: estereotipoak, mutilak eta emakumeak izaten ikasten dute, mutiak
sendoak, aktiboak, neskak ahulak, dependienteak; indarkeria gizartean errotuta
eta presente dago. Hori dela eta indarkeria sinbolikoari garrantzia eman behar
zaio kulturan indarkeria justifikatzeko eta legezkotzat, normala, arrunta eta
ona izatea sustatzen du eta.
Nire ustez ikastetxean honako erronka hauek
ditugu:
Lehenengo eta behin indarkeria ikusarazi, baina
hau lortzeko indarkeria desnaturalizatu eta prebenitu ezinbestekoa da.
"ZERO TOLERANTZIA ZERO URTETIK"
jarduerak ezartzea. "Ezetz eta ezetz" irakatsi. Adiskide-harremanak
sustatu seguruak sentitzeko lagunek babestuko dituzte eta. Helduok
neska-mutilei entzun indarkeria-motak aipatzen dituztenean, indarkeria horiek
ez txikiagotu eta kasu horietan ez erabili bitartekaritza. "Salatari"
hitza ondo konprenitu, salatzen dutenek ez dira salatar hutsak, baizik eta
ausartak.
iruzkinik ez:
Argitaratu iruzkina