2015/12/13

Erabilerari jo ta ke hizkuntza aldaketa lortu arte

Gaiari buruzko laburpena eta balorazio pertsonala. 

Hizkuntza hitzak baino gehiago da. Hizkuntza sexista genero estereotipoak eta misoginia transmititzen dituen hizkuntza da baina moldagarria da eta errealitateari egokitu daiteke.
Komunikazioan parte hartzen duten hizkuntzaren bestelako adierazpenak dira:
Hizkuntza ikonografikoa, Hizkuntza gestuala eta ahozkoa; Hizkuntza gestuala gorputz hizkuntzaren barnean eta hitz egiteko doinuak ekarpena egin ahal dabe sexismoa indartu edo gainditzeko.
       5º mito clásico de la iconografía sexista: Las princesas y la dependencia

Euskera eta gaztelera hizkuntzak aztertu dira gai honetan eta proposamen batzuk egin ere.
Ondorio moduan adierazi dira: Jendarte patriarkalaren androzentrismoa hizkuntzaren erabileran islatzen da, berdin genero gramatikala duen edo ez duen, emakumeak diskurtsoan eta sinbolikoan ikusezinak bihurtzen dira, beren historia, esperientzia eta ekarpenak isilaraziz. Testu bat irakurtzean edo ahozko mezu bat jasotzean, maskulino hegemonikoa agertzen da eta errealitateari buruz egiten dugun irudia gizonena izaten da. Emakumeak beraiei esleituriko rol estereotipatuaz aipatzean agertzen dira soilik.
Emakumeak eta gizonak diskurtsoan izendatuta egotea ezinbestekoa da baina ez da hori bakarrik, mentalitatearen aldaketa behar da, ikuspuntua aldatu. Guztion historia, interes, kezkak, nahiak, jarduerak eta ekarpenak diskurtsoaren objektu bihurtu. ikuspuntu berri honetan pertsonen aniztasun osoa barne egon beharko da, inor kanpoan itzi barik (emakumeak, gizonak, trans, intersexualak, queer…). Emakume-gizon, femenino-maskulino, homosexual-heterosexual, hierarkizaturiko dikotomiak gainditu behar dira, batetik bestera doan continuum-a hizkuntzan islatu.
Aste honetako Foroko asmakizuneko zirujaua


Funtsean, hezkidetzak neskak eta mutilak, eta pertsona guztiak aipatu, hitza dutela eta diskurtsoaren protagonistak direla sentiaraztea bilatzen du. Hizkuntza hezkidetzailea (ez sexista eta inklusiboa) hizkuntza justuagoa da, pertsona guztiak errepresentaturik daudelako, barneratuak, berdin kontsideratuak, baloratuak eta hitza dutelako. Pertsona guztiak (emakume zein gizon) aipatzen dituen ahozko eta idatzizko hizkuntza da, talde guztiak integratzen dituena (etnia, kultura, sinesmenak, orientazio sexuala, ezaugarri fisiko edo psikikoak …), aniztasuna aberastasun-iturritzat hartuz pertsona guztiak baloratzen dituena, konparazioak eta hierarkizazioak gainditzen dituena (pertsona bakoitza bakarra eta errepikaezina da), bizimodu ezberdinak aipatzen dituena, esaldiak positiboz adierazten dituena (desiratzen dena esaten du, ez desiratzen ez duena), era baketsua erabiltzen duena (enpatia bilatzen du indarkeriazko espresiorik gabe) eta, gainera, berdin egiten duena ez ahozko adierazpenean: keinuekin, gorputzarekin, irudiekin, eta abar.

Hizkuntzaren errealitateaz hobeto jabetzeko balio izan deusku oraingo gai hau. Norbera konszienteago izanik erabilera sexistari aurre egiteko tresneria aurkitzeko eta erabiltzeko gai izango da eta geldi-geldike aldatzen joatea posiblea izango da.


Aipaturiko gaien inguruko ikerketa edo proposamen baten aipamena egin. 

MARTA LOZANO ALONSO –k foroan egindako aportazioa jarriko dot hamen: bon Sarasolaren hizkuntzaren inguruko elkarrizketa: Gizartea aldatzen den neurrian, hizkuntzaren erabilera ere aldatzen joango dela adierazi du Euskara Hiztegia publikatu duen Ibon Sarasolak.


Argi dago erabilerari jo ta ke emon behar deutsagula aldaketak lortu ahal izateko 

Hau guztia ikastetxean/jendartean lantzeko erronkak? 

Ba goian aipatutako moduan erabilerari ekin beharko deutsagu, geu eredua izan beharko gara eta gure inguruko ikasleak, gurasoak, … e.a ere hizkuntza ez sexista eureganatzen joateko eta aldaketa lortzen joateko.
Horretarako proposamen barriak jaso, oraingo gai honetan bildu izan diran proposamen feministak alegia, eta gure egunerokotasunean txertatu beharra ikusten dot.

Humorea dala eta, zaindu, edozerk ez dau balio. Benetan kontuz ibili beharko gara gure inguruan mugitzen diran txisteak, komentarioak, wasapak, esaerak … gitxienez generoaren filtroa jarri ahal izateko, onartutzat beste barik ez geratzeko botatzen diran “perla” asko. Beste kultura bat eraikitzen Joan beharko gara. 



iruzkinik ez:

Argitaratu iruzkina