2016/01/22

Sarreran, Heziberri 2020, Hezkuntza eredu pedagogikoaren markoa hezkidetzari buruzko aipamenak oso gutxi direla ikusita ea nahikoa izango den hori euskal curriculum hezkidetzaile bat osatzeko bideak ezartzeko galdetzen da.




Hezkidetzaren egoerari buruzko azterketa diagnostikoa Gasteizko ikastetxeetan (2014). Hurrengo ikerketaren ondorioetan esaten den bezala eskolan “diskurtsoa maskulinoa izan da, emakumea zer eta zein den esan duena … Genero asimetria begitantzeko, beraz, hezkuntza komunitatea sentsibilizatu beharko da; curriculumean hezkidetza sartu; irakasleak generoan formatu; eta azkenik, material didaktikoak egokitu.”

Curriculum hezkidetzailearen iturburuak

EMAKUNDE-k 1997. urtean argitaraturiko Ikastetxearen hezkidetza-eredua egiteko Gidan Hezkuntza-curriculumak hezkidetzaren ikuspegitik egiterakoan kontuan hartu beharreko iturburuak aztertu zituen: soziologikoa, psikologikoa, pedagogikoa eta epistemologikoa.
·         

  •   Iturburu soziologikoak alderdi hauek hartzen ditu barne: gizarte-antolamendua, gizarte-baloreen osaketa eta transmisioa, jakintzen legitimazioa eta hierarkizazioa, gizartearen kultur ondarea, hezkuntza-sistemari egiten zaizkion kultur eta gizarte-eskariak eta, azkenik, ikasleen gizarteratze-prozesu jakin bat osatzen duten ezagutzak, prozedurak, jarrerak eta baloreak. Prozesu horren bidez, hain zuzen, ikaslea sistemara egokituko da eta sistemak bere horretan iraungo du.

  •   Iturburu psikologikoaren bidez ikasleen garapen ebolutiboak eta ikaskuntza-garapenak zer nolako prozesuak jasaten dituzten jakingo dugu eta, horretaz gain, adinaren, ezaugarri psikofisikoen, egoera emozionalaren etab.en arabera, pertsona bakoitzak ezagutzak nola hartzen eta lantzen dituen emango digu aditzera.

  •     Iturburu pedagogikoan honakoak biltzen dira batik bat: oinarri teorikoa, hezkuntza-ereduak, irakastereduak eta hezkuntzaren hartzaileak eta helburuak. Hezkuntza-interbentzioak ikasleek ikaskuntza esanguratsuak egitea izan behar du helburu nagusitzat, hau da, ikasleak ikasten ikasteko gai izatea. Hartuko dituzten eduki berriak, eta baita ikas-prozesua bera ere, aurretik dituzten gaitasunei eta ikasi dituzten edukiei lotuko zaizkie. Beraz, ez ditugu besterik gabe sartuko, aurretiazko egitura kognitiboei lotuta baizik. Izan ere, ikasleek esanahiak emanez osatzen dute errealitatea, ezagutza berriak aurretik dituztenekin erlazionatzen baitituzte sistematikoki.

  •    Iturburu epistemologikoaren bidez, diziplina akademikoetatik abiatuta, honako informazioa lortzen da curriculumerako: batetik, legitimatutako jakintzei buruzkoa eta, bestetik, ezagutzen metodologia, barne-egitura eta horiek transmitituko dituzten curriculum-arloak zertan diren kontuan hartuta.
Epistemologia historian zehar sortu diren botereek antolatu, hierarkizatu eta legitimatu duten jakintza-multzoa dugu, horiek guztiek "jakintza akademikoa" osatzen dutela. Jakintza akademikoa izan da, hain zuzen, gizarte-sistemek baliozkotzat hartu izan duten bakarra.

Teoriatik praktikara izenpean dagoena hauxe da, nolako jarduerak, edukiak, metodologia eta materialak erabiliko ditugu curriculuma hezkidetzailea izateko. Bi pauso emango ditugu: Diagnosia sustatuko dugu eta gero hartu behar diren erabakiak hartuko ditugu.

Zenbait material edota iturri aipatzen dira aurreko pauso hauek garatzeko:
o   Euskal Herriko Bilgune Feministak argitaraturiko “Hezkidetza gida” (2008),
o   Queremos coeducar, M. Morenoren liburua (2013),
o   Mari Jose Urruzola Hezkidetza Aholkulariak eta Bizkaiko Hezkidetza Mintegiek “Eskola hezkidetzailearen azterketa eta ebaluaziorako jarraibideak” (2002),
o   Bechdel testa filmetan, komikietan eta bestelako kultura-produktuetan genero-bereizkeria detektatzeko
o   Emakundek argitaraturiko “Nola landu eta aukeratu hezkidetzarako ikasmaterialak gidan” (2013)
o   …………………………………………………..

 




Eta diagnostikoa egin ondoren zer? Hezkidetzailea denarekin zalantzarik ez, baina zer egin sarritan hezkidetzaile EZ direnekin?
Irudi honetan oso ondo dago azalduta erantzunaren aukera desberdinak




Erronkak:
·         Hemen proposatzen den hezkidetza-ereduan garatzen den ikuskeraren arabera, gizartea pertsona guztien autoritatean oinarrituko da, guztiek elkar onartu, errespetatu eta baloratu egingo dutela. Horretaz gain, desberdintasuna eta aniztasuna bereizgarri indibidualtzat hartuko dira eta aberasgarri eta pluralitatearen erakusgarri ere izango dira; eta inoiz ez, ordea, diskriminazioak edo hierarkizazioak egiteko bidea. Hori lortzeko, beraz, behar-beharrezkoa da genero-estereotipoak bertan behera uztea eta gizonezkoek emakumezkoekiko duten nagusitasuna deuseztatzea.
·         Pertsona bakoitzak beste gizarte-mota bat eraikitzeko konpromisoa hartu. Gizarte-mota berriaren helburua lurreko gizaki guztien hazkundea eta garapena lortzea izango da.
·         Hezkuntzak pertsonen hazkunde integrala izango du xedetzat eta nortasun pertsonalaren garapena hartuko du oinarritzat, era guztietako diskriminazioak gaindituko dituela.
·         Zientzian genero-azterketan oinarritutako paradigma hartuko da eta, horren ondorioz, ikuspuntu androzentrikoa baztertu eta diziplina bakoitzaren barne-ikuspuntua landuko da.


Materiala hau ez nuen ezagutzen, itxura ona du.
Trivial feminista





Gai honen balorazioa ona da, egiten den erreflexioengatik eta eskaintzen diren baliabideak egokiak egiten zaizkidalako.

iruzkinik ez:

Argitaratu iruzkina