2016/02/14

Aniztasun sexualei buruz hausnartzen



Pertsona guztiak sozialak gara, gorputza dugu eta honen bidez pentsatu, ulertu, adierazi, komunikatu, gozatu, sentitu eta sentiarazten dugu. Jendarte patriarkal sexistan, sexu sailkapenaren atzetik sexu-genero estereotipoak datoz, eta, ondorioz, bizitza eremuen garapena erabat baldintzatua da. Sexua dikotomia gisa ikusi beharrean continuum gisa ikusteak, sexuan dagoen aniztasuna azaltzen lagunduko luke, intersexualitatea besteak beste.
Sailkapen dikotomikoak sexu-orientazioan ere eragina du, ondorioz, sexualitatea ere eredu neoliberal eta patriarkalak markatuta, eredu bitar eta hierarkiko batean eraikita dago. Guztiok heterosexualak garela suposatzen duen sexualitate eredua, emakumeen gorputzen kontrola eta menpekotasuna mantentzea helburu duena.
Sexualitate eredu hegemoniko honek, modelo maskulino patriarkalaren beharrei erantzuten dio, maskulinotasunaren plazerera zuzenduta, plazer mota zehatz bati zuzenduta: azkarra, genitala, bat-batekoa…

XX.mendearen bukaeraz geroztik hainbat mugimendu feministetan lesbianismoa hautu politiko iraultzaile bihurtu zen: lesbiana izatea eta subjektu gisa aldarrikatzea, sistema zapaltzailearen apurketan parte hartzea suposatzen baitu.

“Bollera da bide bakarra” ikus-entzunezkoan, Kattalin Miner Perez eta  Lore Etxeberria Lujanbiok, 11 arrazoi ematen dituzte bollera izateko bideo honetan.
-          Sexualitatea eta bizitza arma politikoa bilakatzen direlako.
-          Heteroarauari alde egiten diolako.
-          Sexu transmisiozko gaixotasunak pairatzeko aukera gutxiago.
-          Amatasun lesbianoa, amatasun aukeratuena da
-         

                Jardueran ikusitakoaren arabera, garrantzitsua izango da haur eta gazteek gorputz eta harremanak plazerez bizitzen ikastea, norbere nahiak eta besteenak aintzat hartuz, kalitatezko bizipen afektibo sexualak izateko.
                Zein dira zure ustez hau guztia ikastetxean/jendartean lantzeko erronkak?
-          Sexu-genero sistema salatu eta gainditzea.
-          Ikasle bakoitzaren errepika-ezintasuna askatasunean garatzeko eskubidea bermatzea.
-          Norbere gorputza hobeto ezagutzea, aniztasuna errespetatuz.
-          Pertsonen arteko harremanak hobetzea.
-          Sexualitatearekin zerikusia duten balore eta jarrera arduratsuak bereganatzea; maitasuna, segurtasuna, elkartasuna…
-          Sexualitatearen garapen integrala eta atsegingarria bermatzea.
-          Heteronormatibitatetik aldentzen diren ereduak aurkeztea.
-          Sexu-genero rolak eta genero aginduak betetzen ez dituzten ikasleei inguru segurua eskaintzea.

iruzkinik ez:

Argitaratu iruzkina