Emakumeen kontrako indarkeria da emakumeen diskriminazioaren paradigma, egiturazko fenomeno gisa. Patriarkal edo matxista deritzogun mundu-ikuskera horren adierazpenik ikaragarriena da. Mundu-ikuskera horretan, emakumeek gizonaren botere handiagoari men egin behar diotela ulertzen da, gizona hartzen baita gizarte-bilakaeraren protagonistatzat. Emakumeen kontrako indarkeria da emakumeen eskubideen urratzerik larriena. Indarkeria matxistaren biktima izandako emakumeei laguntzeko mekanismoak sortzea beharko luke jendarteak helburu izan.
Indarkeria matxista aurpegi desberdinetan aurkezten dela gogoratu behar dugu; mikromatxismoak, indarkeria sinbolikoak, LGTBIQ+fobiak, maitasun erromantikoaren mitoak,...
Eta indarkeria matxistan ohikoa izan da emakumeak, biktima gisa arreta eta aldaketa posiblearen ardura jaso izana. Emakumeon jabekuntzaz gain, gizonen arduraz mintzatu behar gara. Horiek izango baitira, hainbat pribilegioei uko eginez datozen hurrengo belaunaldiei parekidetasuna erakusteko eredu izan daitezkeenak.
Badira, hainbat hausnarketetan murgildurik dauden gizon-taldeak; maskulinitate berrien oihartzuna hedatzen ari direnak. Feminismoa bidelagun izanik.
Ezinbestekoa dugu, indarkeria matxistaren kontrako lanean gizonen parte hartze aktiboa oso eraginkorra da; jendarte parekidearen eraikuntzan, gizon zein emakumeok inplikatu behar gara; sentsibilizatu, begirada morea eguneroko ekintzetan txertatu. Elkarrekintzaz, elkarri-eraginez.
Indarkeria matxista emakume orok gure etxeetan pairatzen dugu; garaiak oraindik ez baitira nahi hainbeste aldatu. Zaintzan gizonen inplikazioa ez dagoen bitartean, eta eremu pribatuetan emakumeek lan-zama gehiena hartu beharrean daudenean, ezinezkoa izango zaigu jendarte parekideaz hitz egitea.
Indarkeria matxista sinbolikoak ere egunero-egunero tantakako dosi txikietan genero-estereotipo markak indartuz agertzen zaizkigu, eta horiekin kritikoak izatea eta horien kontrako jarrerak plazaratzea dugu ardura. Baita inguruko gizonak gaiarekin sentsibilizatzen saiatzea. Gure ahotan aldarria egotea. Askatasun indibidualaren izenean jendarte parekidearen ametsean, desoreka eta inertzia oro aldarrikatzea.
Maitasun erromantikoaren mitoak ere errealitateari min handia egiten dio. Maitasuna desitxuratuz, eta hartu-emanen rolak botere harremanetan eraikiz. Horiek elikatzen dituzten komunikabide, eta tresnak desegitea ezinezkoa denez, horiekin kritiko eta zorrotzak izatea dugu, ahalduntzea.
Aitatasunaren presentzia eta ardura partekatuaren garrantzia ere azpimarratu behar dugu.
Autodefentsa feminista: Jarrera, emozioak eta estimua lantzeko zubia dira. Era indibidual zein kolektiboan ahalduntzea. Beldurra aurrez aurre izan eta horri aurre egiteko estrategiak garatzea.Gorputzaren jabekuntza eta botere pertsonala garatzeko bideak jorratzea; aliantzak eginez oztopoak gainditzeko indartzea. Indarkeria matxistaren aurpegi guztietaz jabetu, eta horiek identifikatzen trebatzea. Eraso sotilenaren aurrean defendatzen jakitea.
NIRE PROPOSAMENAk
Zaloa Basabe eta Ariane Kamioren INFO7 IRRATIko elkarrizketan, Noiz da indarkeria matxista eta noiz ez? galdera erantzuten dute. Dominazioa hitza agertzen dute; matxismoa arautua dagoelaren ideia azpimarratzen dute; muga horiek ez direla aitortzen eta onartzen eta horregatik ez direla gainditzen; ohitu egin gara eta automatizatu ditugu indarkeriaren ondorioz gertatzen diren hilketen datuetara;
Saioa entzuteko Klikatu hemen.
Hemen ere HEZKUNTZARAKO BESTE PROPOSAMEN BAT. Bortizkeria matxistaren aurkako hezkuntza proposamenak, (Haur Hezkuntza, Lehen Hezkuntza eta DBH geletan lantzeko.)
ESKOLAKO ERRONKAK
- Ikasleak genero-sistematik aske hezteko testuingurua sortzea.
- Hezkidetza begiradaz gain, esku hartze zuzenak egitea.
- Komunitate osoaren sentsibilizazioa eta ahalduntzea.
- Maskulinitate berriak eta emakumeen defentsa feministak garatzea.
- LGTBIQ+ kolektiboak ikusgarri egitea; jendartearen aniztasuna ikasleek ezagutu dezaten.
- Emakumeen lorpenak ikusgarri egitea.
- Mikromatxismoak eta indarkeria matxista sinbolikoekiko kritikotasun garatzeko estrategiak diseinatzea; adin bakoitzari dagokion mailan. (Etapa guztietan HHtik hasita).
- Maitasun erromantikoa auzitan jartzea.
- Familiaren kontzeptuaren eta zoriontasuna/etorkizuna/bizitza-eraikuntza ulertzeko era desberdinetan sentsibilizatzea.
- Sexualitatea etapa guztietan lantzea.
- Identitateak begirada hezkidetzaileaz garatzeko estrategiak eskaintzea.
iruzkinik ez:
Argitaratu iruzkina