Egia da orain arte indarkeria matxista gaia lantzerakoan fokoa emakumeengan jarri dela. Etxe barruko arazoa izango balitz bezala eta ez politikoa. Indarkeria bikote barruan gertatzen denean askotan emakumeari leporatu zaizkio hainbat erru: bikotea gaizki aukeratu izana, harreman kaltegarri bat mantendu izana, harremana eten izan badu berriz bueltatu izana.. .Horrelako balorapenak egiten ditugu indarkeria matxistan murgildurik dauden emakumeak askotan joan etorri asko dituen prozesu batean sartuta daudela kontuan izan barik.
Ez gara ohartzen sexu genero sistemak edo eredu patriarkalak nolako eragina duen gure bizitzan. Eta ez gara ohartzen ere sentimendu, eta emozioen inguruan eredu horrek eraiki dituen uste eta mitoak hor dihardutela.Horien artean bat aipatzekotan: zein garrantzia eman dion emakumearen bizitzan bikote egonkor bat izateari.
Baina zein da gizonezkoen papera guzti honetan? Non daude askatasunaren liderrak edo gizarte demokratikoaren aldekoak indarkeria matxista gertatzen denean? Beti euren isiltasunak harritu eta arduratu nau. Zein erraztasun duten emakumea une garrantzitsua datorrenean bakarrik uzteko. Zenbat emakumeen inguruko hitzaldi, ekitaldi etab.. ireki izan dira gizonezkoen presentziarik gabe?
Aste honetako irakurgaiak bi bide proposatzen ditu indarkeriari aurre egiteko:
- Autodefentsa feminista.
- Maskulinitateak lantzea.
Bigarren horren inguruan arituko naiz behin baino gehiagotan gure mintegian interesa sustatu duelako.
Nola landu beharko genuke gai hau ikastetxean? Hezkidetza gida planak batzen du maskulinitate ezberdinak lantzeko erronka :
C] Genero-ikuspegia eskola-porrotari aurre egiteko ekimenetan sartzea, eta hezkuntza jasotzeko eskubidea benetan unibertsala dela ziurtatzea, bai eta neska eta mutil guztiek hezkuntza-sisteman jarraitutasuna izan dezaten bermatzea ere, ikasle guztien aniztasuna aintzat hartuta (etnikoa, kulturala, ekonomikoa, gizarte mailakoa, funtzionala, sexuala, etab.)
C] Genero-ikuspegia eskola-porrotari aurre egiteko ekimenetan sartzea, eta hezkuntza jasotzeko eskubidea benetan unibertsala dela ziurtatzea, bai eta neska eta mutil guztiek hezkuntza-sisteman jarraitutasuna izan dezaten bermatzea ere, ikasle guztien aniztasuna aintzat hartuta (etnikoa, kulturala, ekonomikoa, gizarte mailakoa, funtzionala, sexuala, etab.)
Erronka horretan argi azaltzen du zein garrantzitsua den zein maskulinitate eredutan sozializatzen diren neskak eta baita mutilak aztertzea, ikasgeletan dituzten jarrerak ulertzeko. Eredu maskulino hegemonikoak jarrera sexistak indartzen ditu. Eta mutilei kalte egiten die euren bizitza akademikoan.(Eurydice azterketa). Ikerketek arazoa non dagoen azpimarratu dute baina informazio hau ez da ikastetxeetara orain arte heldu. Hau da, irakasleek ez dute ezagutu. Zer egin beharko genuke arlo honetan lan egin ahal izateko? Elkarbizitzaren inguruan ikastetxeetan formakuntza asko eskaini dira azkenengo urteetan. Genero ikuspegitik egin dira? Horrela ez balitz garrantzitsua izango litzateke ekimen horietan genero ikuspegia behingoz txertatzea.
Hezkidetza mintegian gaia agertu den aldiro, irakasleek beti garrantzitsutzat jo dute gai honi buruzko hitzaldi bat ematerakoan hizlaria gizonezkoa izatea. Gai horretan gizonezko baten iritzia eta ahotsa entzutea. Gure zonaldeko ikastetxeetan Gizonduz-ek emandako hitzaldiak ugaritzen ari dira zerbait mugitzen ari den seinale. Hori ikusirik, argi dago, bide onetik galbitzala planak babesten gaituelako baina zer gertatuko da ikastetxeek planak eginak dituztenean? martxan jarri, ebaluatu eta hobetu egingo dira? edo ordenagailu bateko karpeta batean gordeta geldituko dira. Hor dago nere zalantza...
.
.
iruzkinik ez:
Argitaratu iruzkina