EMAKUMEEN PRESENTZIA ETA EKARPENEI BURUZKO HAUSNARKETA

Emakumeek historiaren eraikuntzan eta gizarteen garapenean funtzio garrantzitsua bete dute, baina horiek ez ditugu ezagutu, izan ere, ikustezin bihurtu dituzte eta ez dira, eta eremu publikoan euren parte hartzea bigarren mailakoa izan da eta izaten jarraitzen du gaur egun ere askotan.

Emakumeen presentzia gutxiesteko modu asko daude: hizkuntza sexista, androzentrismoa, rolen banaketa eta horien banaketa hierarkikoa eta abar.

Hala ere, garrantzitsua da adieraztea asko direla desoreka-paradigma hori apurtzen ari diren emakumeak eta parte hartzeko eta erabakitzeko eskubideen alde borrokatzen ari direnak.

Oso garrantzitsua da kontuan izatea emakumeenpresetnzia eta protagonismoa, oso lotuta dagoelako identitatearen garapenarekin eta, ondorioz,boterearen garapenarekin edo jabekuntza-prozesuarekin.

Patriarkatuak bereziki 3 mekanismo erabiltzen ditu emakumeak eta bere ekarpenak ikustezin bihurtzeko:

-          Androzentrismoa: gizona gauza guztien neurria edo erreferentea izatea

-          Sexismoa: emakume izate hutsagatik jasotzen dugun diskirminazioa iraunkortzen duten jarrerak eta tratu hierarkikoak.

-          Ezagutzaren jabetza kentzea:gizonek barneratzen  dute emkaumeena denaren jabe egiteko eskubidea dutela. Hori oso lotuta dago patriarkatuaren esentziarekin: emakumeak gizonen propietatetzat hartzea.

Ezinbestekoa da emakumeen presentzia berreskuratzea eta bermatzea, eta horretarako paradigma aldaketa bat egitea beharrezkoa da. Horretarako 3 zeregin nagusi ditugu:

-          Historian zehar eta gaur egun emakumeek, gizartean egokitutako zereginetatik eta eremuetatik giza-garapenari eginiko ekarpenak ikusaraztea

-          Horiek baloratzea eta gizartea eraikitzeko erreferente bihurtzea.

-          Eta emakumeen ekarpenak ezkutatzeko erabiltzen diren estrategiak identifikatzeko eta desaktibatzeko moduak sortzea

Musika arloan, adibidez, beste arloetan bezala, emakumeen presentzia eta ekarpenak ez dira ezagutzen eta ikustezin bihurtu dira hein handi batean. Musika ikasketetan eta kontserbatorioetan emakume gehiago daude, baina arlo publikora salto ematerako orduan, hau da, oholtza gainean askoz gizon gehiago topatzen ditugu. Aurreko gairen batean foroan aipatu dugu jada gai hau: Hatortxu rocken, 40 min rocken eta musika jaialdi gehienetan, gizonak eta euren taldeak izaten dira protagonista.

EMAROCK PROEIKTUA hurrengo helburu hauek ditu: emakume musikariak agerian jartzea, emakume musikariak dauden taldeak eta beraien lana ezagutara ematea, neska gazteengan erreferenteak sortzea, beste emakumeak musikan parte har ditzaten suspertzea, emakumeak egindako musika esparru publikora zabaltzea, eta emakume musikariekiko oraindik dauden zenbait pentsamendu apurtzea.

Helburu guzti hauek lortzeko 2010. urtearen bukaeratik lanean daude, eta hainbat ekimen jarri duzte martxan: Emarock egunak, erakusketak, hitzaldiak, emakume musikarien datu basea... Informazio gehiago, hurrengo estekan duzue: http://www.emarockproiektua.com/

Gai hau lantzeko erronka nagusiak nire ustez hauek dira: lehenik eta behin,  historian zehar eta gaur egun emakumeek egin dituzten ekarpenak ikusarazi behar ditugu: adibidez, edozein proiektu edo jarduera egiterakoan, emakumeen presentzia bermatu behar dugu: hitzaldia batean, kontzertu batean,… Eta euren ekarpenak ikusaraztean gain, horiek balioetsi behar ditugu. Azkenik, garrantzitsua da paradigma aldaketa bat egitea, hau da, ez da bakarrik emakumeek gizarteak balioesten dituen arloetan egindako ekarpenak ikusaraztea (zientzian, ekonomian…), nire ustez, ezinbestekoa da emakumeek historian zehar, dagoen lan banaketagatik (publiko-pribatua) egin dituzten lanak ezagutzera eman behar dira eta balioan jarri behar dira.