berdintasuna eta legedia

EMAKUMEEN ETA GIZONEN BERDINTASUNERAKO HEZKUNTZA EREMUKO LEGEDIA

Oraingo honetan emakumeen eta gizonen berdintasunerako legediak hezkuntza arloan ezartzen dituen betebeharrak eta hezkuntzako legediak berdintasunaren arloan ezartzen dituenak aztertu eta landu ditugu. Argi dago euskal hezkuntza sistema, hobekuntza prozesu garrantzitsu batean murgilduta dagoela eta emakume eta gizonen arteko aukera eta tratu berdina lortzeko legeria anitza dugula.  Hona hemen legerik garrantzitsuenak edo aipagarrienak:

-         - Euskal Eskola Publikoaren Legearen (1995ko otsailaren 19a)

-        - Milurteko Aitorpenean, (2000ko iraila), Nazio Batuetako estatu partaideek Milurteko Garapen Helburuak lortzeko data 2015ean (aurten) finkatu zuten. Horien artean, hezkuntza unibertsala, emakume eta gizonen arteko berdintasuna eta emakumeen autonomia lortzea

-       -   Genero Indarkeriaren Aurkako Babes Osorako Neurrien Legeak (2004ko abenduaren 28a, 1/2004 Legea)

-        -  Emakumeen eta gizonen berdintasunerako 4/2005 Legeak, Hezkuntza esparruak argi eta garbi adierazten ditu emakume eta gizonen arteko berdintasun erreala indartzeko hartu beharreko neurriak hezkuntzaren dimentsio guztietan: Hezkuntza-sistemaren printzipio eta balioak; genero-indarkeriaren biktimen babesa; curriculuma eta material didaktikoak; pertsonak, prestakuntza eta egiturak.

-         - Hezkuntzari Buruzko Lege Organikoak (2006ko maiatzaren 3a)

-        -  Emakumeen eta Gizonen Berdintasun eraginkorra lortzeko Lege Organikoak (2007ko martzoaren 22a)

-        -  Etxeko tratu txarrak eta sexu indarkeria jasaten dituzten emakumeei harrera hobea egiteko erakundeen arteko II. Akordioak (2009 otsailaren 3a). Akordioa Hezkuntza sailak sinatu zuen. Akordio horretan ere, hezkuntza eremuan betebeharrak ezartzen ditu. http://www.emakunde.euskadi.eus/indarkeria/-/informazioa/koordinazioa-lankidetza/

-         

-Emakumeen eta gizonen berdintasunerako VI Plana, bere gobernantzako neurrien artean eta esku-hartze ardatzetan helburuak jartzen ditu hezkuntza arloan.

-   - Hezkuntza Sailak hiru ikasturterako ateratako Hezkuntza-sisteman hezkidetza eta genero-indarkeriaren prebentzioa lantzeko Gida Plana: Eskola mistotik eskola hezkidetzailera joateko bidean aurrera egiteko eta indarkeria sexistaren prebentzioa sustatzeko asmoz aurkezten da. Pertsonen garapen integrala bilatzen du, sexuaren araberako estereotipoak eta rolak alde batera utziz, genero diskriminazio eta indarkeria mota guztiak gaindituz eta sexistak ez diren ibilbide akademiko eta profesionalak bideratuz

Beraz, argi dago legeei dagokionez aurrerapauso handiak eman direla eta berdintasuna, hezkidetza eta indarkeria sexistaren prebentzia “bermatuta” dagoela, baina praktikan ez da horrela: aurretik aipatutako lege zein planetan jasotzen diren betebehar asko oraindik ere ez dira aurrera eraman. Aurten, Berdintasunerako legeak 10 urte bete ditu, eta horren harira, Emakunde, lege horren betetze mailaren ebaluazioa egiten dabil. Duela zenbait aste, Berdintasunerako Gunearen baitan, Parte hartuzek eta Emakundek antolatutako jardunaldi batean ebaluazio horren inguruko zenbait kontu aurreratu zituzten: hezkuntza eremuan berdintasun legea gitxien aplikatu den eremua zela adierazi zuten.

Nire ustez, berdintasun legeak eta planak, ezinbestekoak dira berdintasunean aurrera egiteko, baina ez dira helburua izan behar eta ez gara horretan geratu behar. Horietan guztietan ezartzen den aplikatu egiten da? Horretarako ezinbestekoa da konpromezu politikoa eta gai hau agenda politikoetan egotea lehentasun moduan. Jakin badakit, gutxinaka eta pausoz pauso bagoazela aurrera, baina askotan badirudi, ez gaudela egon beharko ginatekeen egoeran eta horretarako, denon lana behar da.

Hori guztia ikastetxeetan aplikatzeko erronak nagusiak hauek dira:

-curriculumean genero-ikuspegia txertatzea: horretarako curriculum horiek ezartzen dituzten dekretuetan genero-ikuspegia txertatu behar da

-irakasleek berdintasunean eta hezkidetzan prestakuntza izatea

-berdintasuna bultatzeko eta koordinatzeko egiturak sortzea

- material didaktiko ez sexistak izatea eta material hezkidetzaileak izatea, hau da, emakumeen eta gizonen arteko berdintasuna islatzea: emakumeen eta gizonen presentzia parekidea, sexuaren araberako rolak eta estereotipoak ez erreproduzitzea, eredu positiboak sortzea, hizkera sexista ez erabiltzea.