LEGEDIARI BURUZ HAUSNARTZEN

                        HEZKIDETZAREN MARKO LEGALA. HEZKIDETZA EAEn






"Gizaki guztiek eskubide eta askatasun guztiak dituzte aldarrikatuta adierazpen honetan, honako arlo hauetako inolako bereizketarik egin gabe: arraza, kolorea, sexua, hizkuntza, erlijioa, iritzi politikoa edo beste edozein eratakoa, jatorri nazionala edo soziala, posizio ekonomikoa, jaiotza edo beste edozein arrazoi."


 2. artikulua, Giza Eskubideen 
Adierazpen Unibertsala, 1948

Gaiari buruzko laburpena eta balorazio pertsonala.

Aste honetako gaia oso interegarria iruditzen zait. Nire ustez denok ezagutu behar ditugu hezkidetzarekin lotutako legeak , batez ere ez erortzeko “folklorean”, biktimismoan, ez galtzeko helburuak eta beneteko esku-hartze hezkidetzaileak gauzatzeko ikastetxeetan.

Beti dago zerbait hobetzeko moduan, baina fesminismoaren lorpenen artean legeak daude. 

Hori dela eta,  ez dago gaizki , gure hezku-hartzetan abiapuntu bezala Hezkidetzaren marko legala kontuan izatea,  batez ere gure eskubideak ezagutzeko, eta modu kontziente batean erabil ditzagun.

Nahiz eta legeak izan, oraindik, asko falta da berdintasun plan on bat izateko eta horrez gain, legean jasotako arauak eta neurriak , normalean, paperean geratzen dira besterik gabe.

Esatebaterako:

EAEko Emakumeen eta Gizonen Berdintasunerako VI.Planak

Hurrengo denbora lerroan oinarrizko legediak bilduta daude.

Dena den aipatu behar dugu 2013an Hezkuntza sailak ateratako Hezkuntza-sisteman hezkidetza etagenero-indarkeriaren prebentzioa lantzeko Gida Plana.

Honetan, hurrengo helburu estrategikoak aipatzen dira:

1. Hezkuntza‐sistema hezkidetzazko eskola‐eredua era koordinatuan bultzatzeko egiturez eta pertsonez hornitzea.

2. Eskola mistoan eraldaketa‐prozesuak bultzatzea hezkidetzazko eskola baterantz joateko.

3. Genero‐indarkeria eta sexismoa sorburu duten indarkeria‐mota guztiak prebenitzeko, garaiz detektatzeko eta horiei erantzun eraginkorra emateko mekanismoak abian jartzea.

Horrez gain, ez dugu ahaztu behar aurten Hezkuntza Sailak aurkezturiko Heziberri 2020 dokumentuak, Oinarrizko Hezkuntza zein Batxilergo eta Pertsona Helduen Hezkuntzako11 printzipio orokorretan (2. art. dekretu bietan) ondokoaz hitz egiten digu:

● Bizialdi osorako oinarri sendoak ezarri, estereotipoak eta ezarritako ereduak gaindituz, beren bizitzak zentzuz gida ditzaten, beren helburuak hauta ditzaten, beren aukeren, egungo eta etorkizuneko premien eta pertsonak artatzearen ardura har dezaten, eta gizartean txerta daitezen, modu aktiboan, kritikoan eta arduratsuan parte hartuz eta beren nortasuna osoki garatuz.

● Hezi beharra dago bake positiboan, giza eskubideetan, justizian, elkartasunean eta inklusioan. Bake positiboaren kultura sortu, non gatazkak elkarrizketa eta kontsensuz bideratzen diren, aniztasuna (sexuala, kulturala, orientazio sexuala …) errespetatu eta baloratzen den eta neska eta mutil-ikasleen garapen emozionala sustatzen den.

● Pertsonen garapen osoa eta bizitzaren esparru (pribatu, domestiko, publikoa) eta egoera guztietan aritzeko beharrezkoak diren konpetentziak lortzea bai maila pertsonalean eta sozialean ere.

● Lan egin emakume eta gizonen arteko berdintasunaren alde.

● Emakumeen aurkako indarkeriaren prebentzio eraginkorra egin, eta beste instituzioekin elkarlanean aritu neska eta mutilen abusu eta esplotazio sexualen aurkako babesa eta prebentziorako.

● Aukera berdintasuna bermatu jatorrizko diskriminazioak gaindituz (sexu, genero, aniztasun funtzionala, orientazio sexuala, etnia, jatorri soziokulturala).

Eman ZURE hitzekin “emakume eta gizonen arteko berdintasuna” eta “material hezkidetzailea”  kontzeptuen definizioa

Emakume eta gizonen arteko berdintasuna:

Aurreko marko legala ikusita eta laburbilduz, emakume eta gizonen arteko berdintasuna nire ustez hau da:

 Bizitzaren esparru guztietan eskubide, aukera eta tratu berdinak izatea, bereziki ekonomia eta poitika eparruetan, genero-rolak  baztertuz.

Material hezkidetzaileari buruz hitz egiten bada kontuan izan behar dira hurrengo puntuak:

EZ DIRA AGERTU BEHAR MATERIAL HONETAN:

• Sexismo edo emakumeen aurkako indarkeria isladatuta eta justifikatuta
• Hizkuntza  modu sexistan erabilita, irudietan emakumeen eta gizonen presentzia ez orekatuta eta estereotipatuta.
• Pertsonek sexu batekoa edo bestekoa izateagatik duintasun gehiago edo gutxiago edo sexu-objektu soilak adierazita

Bestalde, material honetan isladatu behar da gaur egungo errealitatea:

• Emakumeen jakintzak eta emakumeek gizardiaren garapenari egin dizkioten ekarpen sozial eta historiak integratzea.
• Aniztasun familiarra, eta afektibo-sexuala, errealitate kulturalak, etnikoak………

 Jardueren inguruko datuak eta ondorioak.

Puntu honetan oso argi dago, legeak paperean daude, baina gero aplikatu behar dira gure bizitzan, hain zuzen ere hortxe dago koska.

Beti bezala legeak paperean geratzen dira bete gabe.

Gure hezkuntzan sisteman, gauza bera gertatzen da,besteak beste,   erabiltzen dugun material didaktikoa ez da guztiz material hezkidetzailea.

Nahiz eta legeak izan, asko egin behar da oraindik

Eskola hezkidetzailea lortzeko bidean gaude, baina, modu batean edo bestean hobekuntzarako neurri eraginkorrak hartu behar dira errealitatea ezagutuz.

Izaskun Kerejeta medikua: 'Gogorra da emakume izatea Saudi Arabian'

Zein dira zure ustez hau guztia ikastetxean lantzeko erronkak?

Gaur egun ikastetxeetan dauden erronkak, hauek izan daitezke:

• Material didaktikoa genero ikuspuntutik aztertzea.
• Aniztasun-afektibo sexualari buruzko informazioa, tailerrak eta ikastaroak aritzea.
• Hezkidetzarako koordinatzaile edo arduraduna izatea.
• Genero-indarkeriari buruzko tailerrak,  ikastaroak eta hausnaketa burutzea.
• Hezkidetzan, baliabide digitalak erabiltzea.